Amós 5:22 - Kashibo-Kakataibo Biblia

²² ꞌËn kana mitsunmi ñuina ꞌaímai xarátanun ꞌë xaroxunkë abi kuëëniman, ꞌimainun kana ꞌë ꞌinaínshiti bikë ñu bimikama abi istisama tanin; ꞌianan kana vaca bakë xuairabu anúnmi mitsux ꞌuchakë mëníokakanti ꞌë ꞌaxunti mi bëkankë akamabi istisama tanin.

Amós 5:22 ပူးပေါင်းရင်းမြစ်များ

Salmos 116:17

Usa ꞌain kana, ꞌëmi ñukama ꞌaxunkë a kupín ñuina rëxun xaroxunkin, asabika kakin min anë rabikin mi ñukáti ꞌain.

Salmos 40:6

Min kamina bëráma ꞌasa okin ñuina rëxun xaronan ñu bimi bixun ꞌinántëkënti a kuëëniman; usa ꞌixun kamina ꞌaímai këñutanun ñuina xaroxunkin ꞌuchakëkama mëníonun ñu ꞌinaínshiti kuëëniman. Usa ꞌixun kamina min bana kikësokinshi nun ꞌaxunti kuëënin.

Proverbios 15:8

Nukën ꞌIbu Diosan ka uni ꞌatima sinánñukaman ñu ꞌaxunkëxunbi a upí isima, ꞌaínbi ka uni upí sinánñukama an ñukákëxun kuni kuatia.

Isaías 1:11

Ësai ka Dios kiaxa: “¿Uisa kupín kaina mitsun ꞌaisamaira ñuina rëxun ꞌë xaroxunin? ꞌËx kana ꞌaisamaira carnero rëxun ꞌaímai këñutanun kixun xarokankë a isi anun atsan, ꞌimainun kana vaca bërí kanikëkama aín xëni abi kuëënima; ꞌianan kana vaca ꞌain bënëkama ꞌianan carnerokama ꞌimainun cabra bërí kanikëkama aín imi bikë akamabi kuëëniman.

Jeremías 14:10

Diosan ka Jeremías Judá menu tsókë aín uni Israelkama ñuikin kakëxa: Ënë unikamax ka atun kuëënkësa oi ñu ꞌaíma bëtsinu bëtsinu kuani niti kuëënia. Usa ꞌikë kana a unikama ꞌën kuëënkin isiman. Usa ꞌain kana bërí atun ñu ꞌatima ꞌakë a sinánkin, atun ꞌuchakë kupí ꞌatima oti ꞌain.

Jeremías 6:20

¿Uisoti kaina mitsun Sabá menu ꞌikë sanuira ñu a ꞌimainun ro ua sanuira ꞌura ꞌikë me kamanua ꞌikë a ꞌë bëxun kanin? ꞌËx kana kuëënima ꞌaímai këñutanun xarokë a ꞌianan, bëtsi ñukamaribi bëxun xarokëxbi ka ꞌën iskëx upíma ꞌikën:

Jeremías 7:21

Nukën ꞌIbu kamabi kushiñuira Israel unikaman Dios ax ka ësokin aín unikama kai kiaxa: Mitsun kuëënkësa okin ñuina ꞌaímai këñutanun xaronanbi, këñutanuma xaroxun kamina ꞌain namikama tëxëkë a pikanti ꞌain.

Amós 5:23

¡ꞌËn kana kantai shárakankë abi kuaisamatankin timain! ¡ꞌIanan kana mitsun arpa banamikin mëëkë abi kuëëniman!

Malaquías 1:9

Mitsun kamina Dios nukama nuibanun kixun abë banakin kati ꞌain. ꞌAínbi kamina usakin a ꞌinánti ñu a ꞌinánkin Diosan ka a ñukama upíokin bitsia kixun mitsun sinánkantima ꞌain. Dios kamabi kushiñu ax ka ësai kia:

1 Samuel 15:22

Usokin kakëxunbi ka Samuelnën kakëxa: Nukën ꞌIbun ka kuëënia ax kikësokinshi ꞌaxúnti, usa ꞌain ka ñuina xaroxuntishi kuëënima; ax kikësabi okinshi ꞌati ax ka ñuina xaroxuanan carnero aín xëni xaroxunkë usamaira ꞌikën.