Amós 5:2 - Kashibo-Kakataibo Biblia

² Israel unikama asérabi upíira, upí ax ka xu xanu unibë ꞌikin tankëma axa bënuax kuëëni tsókëma a ꞌunánkëma ꞌaíshbi ꞌakë usairibi ꞌiaxa; usai ꞌika uínsaranbi nirutëkëntima oi pakëakëxa. Usai ꞌika aín menubi rakabuti ñukankëxa, usa ꞌaínbi ka an birutëkënti ꞌaíma ꞌikën.

Amós 5:2 ပူးပေါင်းရင်းမြစ်များ

Isaías 43:17

an ka suntáru kushiirabu anuax, ꞌakanankë caballonën nirinkë a ꞌimainun ain caballokama anuxun këñukin atu ꞌati buania kuanun chikíankëxa. Usakin buani kuanxi ka a suntárukama bakami ki amiribishi nirutëkëni baiskima ꞌinun këñuakëxa, usai ꞌika tirí këñuti bënakë usai ꞌikankëxa.

Jeremías 14:17

Usa ꞌain kamina ënë bana ñuikin unikama kati ꞌain: Nëtë ꞌimainun ꞌimë́bi kana ꞌëx ënimaira bëunan mëskuti masánuituti, ꞌën kaískë unikamax ka ꞌain ꞌatima ñuira ꞌakë anunbi ꞌain nami tëakësa ꞌinun ꞌatimaxa.

Jeremías 18:13

Usa ꞌain ka Nukën ꞌIbu ësai kia: Bëtsi bëtsi ëmanu tsókë unikama kamina uin kara usaribiti ñu ꞌia kuaxa kixun ñukáti ꞌain. ¡Israel unikaman ka ꞌaisama ñuira axa!

Jeremías 2:27

usa ꞌixun ka achúshi i nikë ësokin kakania: Mix kamina nun papa ꞌain ꞌimainun ka achúshi maxáx ësokin kakania: Mix kamina ꞌën tita ꞌain. Usokin a ñukama ꞌakinbi ka ꞌëmi kasuakëkin aín bëmánan ꞌë ismima. Usai ꞌikinbi ka ꞌaisama ñu inúkin tankinshi ꞌë ꞌakinun kixun kakania: ¡Nu kamina ië́mi uti ꞌain!

Jeremías 31:4

ꞌËn kana amiribishi atun ëma atëkënun amiti ꞌain. Usokin ꞌaxunkëx ka atun manë sharíkati sharíkai ransai kuëënkanti ꞌikën.

Jeremías 9:21

Usai ꞌikëbë ka uni aín xubunu atsínkësa ꞌinun nukamax ñuti axribi nun xubukamanu atsíankëxa, ꞌimainun ka anu ꞌapu ꞌikë ꞌapun xukamanuribi ꞌianan, tuá ëman niabakë akamaribi ñumainun, uni bënábu anu tantiti plazanu bukukë akamaribi këñuti ñuakëxa.

Oseas 14:1

Israel unikama Nukën ꞌIbu Diosmi kamina sinanatëkënti ꞌain, mitsúxmi ꞌuchakë a kupí kamina ꞌaisama kan.

Oseas 6:2

An ka bënë́kinshi nun ñu ꞌatima ꞌakëkama mëníokin nukama upí ꞌimiti ꞌikën, usakin ꞌakin ka nukama an iskëx upí tsónun ꞌimiti ꞌikën.

Amós 8:14

Usai ꞌimainun ka numi ꞌain ꞌikësai an Samarianu ꞌikë ñu tankin ꞌakë dios rabikë unikama ꞌianan, an Dannu ꞌikë dios rabikë, ꞌimainun Beersebanu ꞌikë dioskama ax isa dios bamakëma a ꞌikë kixun aín anë ñui bana akamax, uínsaranbi nirutëkënuxma pakëkë ꞌiti ꞌikën.”

Amós 9:11

A nëtë ꞌikëbëtan kana ꞌën David ꞌapu ꞌain ꞌasaribiokin Israel unikama ꞌapuñu ꞌinun ꞌimiti ꞌain. ꞌImikin kana kamabi ñukama anu ꞌikë akama ꞌatëkënun ꞌamiti ꞌain,