Amós 5:15 - Kashibo-Kakataibo Biblia

¹⁵ ¡ꞌAtima ñu a timakin kamina! ¡Upí ñuishi ꞌati ꞌain! anuxun bana mëníoti anuxun kamabi upíokin ꞌakinkëbë; sapi ka Dios, kamabi kushiñu ax mitsubë ꞌiti ꞌikën, usai ꞌikin ka axa raíri këñumainun tsókëpan Israel unikama a nuibati ꞌikën.

Amós 5:15 ပူးပေါင်းရင်းမြစ်များ

2 Samuel 16:12

Usa ꞌain ka Diosan tëmërakin ꞌatimokin sinania okin ꞌë upíokin sinánxunti ꞌikën, usa ꞌaínbi kana bërí ꞌatimokin ñuikin ꞌë ꞌichákëxun kuatin.

2 Reyes 19:4

ꞌËn sinánkëxun sapika min Diosan aín ꞌapúan xukëx Asirianu ꞌikë suntárunën kushikama ꞌatimai banai kikë atun banakama kuakë ꞌiti ꞌikën atux ka Israel unikaman Dios ñui ꞌatimati banaxa usa ꞌain sapi ka a kuaxun Diosanbi a ñuia kikë akama ꞌaisama okin tëmëramiti ꞌikën. Usa ꞌain kamina axa bërúkë nukama achúshi okin Dios ñukáxunti ꞌain.

Salmos 119:104

Min banakama anuabi kana ꞌupiokin kuakin ꞌunan; usa ꞌixun kana unin këmëkinshi ñu ꞌakëkama a timain.

Salmos 34:14

Ñu ꞌatima ꞌati a ënkin kamina ñu upí ꞌati ꞌain; usakin ꞌakin kamina ami ꞌakë ñu a ënkinma abi ꞌati ꞌain.

Salmos 37:27

Ñu ꞌatima ꞌakë ënkin kamina ñu upíshi ꞌati ꞌain, usakin ꞌai kamina anu xënibua ꞌaínbi tsóti nëtënu ꞌiti ꞌain.

Salmos 80:1

An Israel unikama bërúankë; an ka Israelnën rëbúnkikama achúshi ñuina aín ꞌibun bërúankësa okin bërúanti ꞌikën, mix anu ꞌikë anu ka querubinkama ax ꞌikën, ¡usa ꞌain kamina bërí nukaman ñukákëxun kuati ꞌain!

Éxodo 32:30

Usakin ónkë pëkarakëbëtan ka Moisésnën unikama kakëxa: —Mitsux kamina ꞌatima ñuira ꞌai chaiira ꞌuchakan, usa ꞌain kana aín bashi mapërakëtankëx Diosbë banai kuanti ꞌain, mitsux ꞌuchakë kupín kara uisokin Nukën ꞌIbun ꞌë kaia kuati kuanti ꞌain.

Jeremías 18:8

ꞌAínbi kana a menu ꞌikë unikama aín ñu ꞌatima ꞌakëkama a ënia, usakin ꞌati ꞌën sinánkë usakin ꞌatima otima ꞌain.

Jeremías 31:7

Ësai ka Nukën ꞌIbu kiaxa: “Israel unikama Jacobnën rëbúnki, mitsux kamina munuma kantai kuëëni ësai kikanti ꞌain, nux kananuna bëtsi ëma kamasamaira ꞌain. Usa ꞌain kamina ësaiki kantakin mitsun bana kuami ësai kikanti ꞌain. Nukën ꞌIbun ka aín unikama ꞌakinkin ië́miakëxa, nukamax kananuna bëtsi menu bua ꞌaíshbi ñukëma amiribishi utëkëan.

Daniel 2:49

Usakin ꞌimikëxun ka Danielnën abëa ꞌikë unikama ñuikin kakëxa, kakëxun ka ꞌapun Sadrac, Mesac, ꞌimainun Abed-negó akama Babilonianu ꞌikë ëma cha anu ꞌikë ñukama an bërúanti anëakëxa. Usakin ꞌamainun ka Danielnëx anua ꞌapu ꞌikë aín xubu anubi tikiakëxa.

Joel 2:14

Usa ꞌain ka Diosan mitsu ꞌatima otima ꞌikën, ꞌakinma ka sinanatia okin ꞌakinkin mitsu: ñu bimikama ꞌimainun uvas chakaxun aín baka bikë ꞌianan a ꞌinaínshiti ñukama Dios ꞌinánti ꞌikën.

Amós 5:10

¡Mitsun kamina an asérabi ñu ꞌakë ꞌimainun, axa asérabi banakë unikama a kuëënkaniman!

Amós 5:24

ꞌAínbi ka bëtsi uni ꞌatima oima upiti tsóanan nuibanankë ax kuni ꞌumpax shióbukë usaribi ꞌiti ꞌikën, ꞌimainun ka nuibanankë ax kuni ꞌumpax upíira këñúkëma usaribi ꞌiti ꞌikën.

Amós 5:6

Israel unikama mitsux kamina Diosmi sinanatëkënti ꞌain, usai ami sinánkëbëtama ka Israel unikaman ëma axa ami nishkë unikaman tsin mënuti ꞌikën. Usakin akëbë ka an tsi rëkirukë a Betelnua bënánti ꞌaíma ꞌiti ꞌikën.

Amós 6:12

¿Caballokamax kara xaxun pobu anun abáti ꞌik? Ka ꞌitima ꞌikën. ¿Parúmpapax kara me ꞌakësaribi okin tukapakin buinaisa ꞌik? Ka ꞌaisama ꞌikën, ꞌaínbi kamina mitsun upíokin ñu ꞌati ꞌikëbi muka ro ꞌakësokin ꞌakan ¡usakin ꞌakin kamina upíokin asérabi bëtsi ꞌatima onux këmëi banatima ꞌain!

Amós 7:3

Ësokin kakëxun kuati ka Dios nu nuibati numi sinani kiaxa: —¡Asabi ka usa ꞌain kana ënë champukama mitsu ꞌaisama onun xutima ꞌain!

Jonás 1:6

Usai ꞌikëbëtan ka manë nuntinu ꞌikë aín kushi an, anu kuanxun Jonás kakëxa: —¿ꞌUxkënan tapun min kaina añu ënuxun ꞌain? ¡Nirukin kamina min Dios munuma banakin ñukati ꞌain! Usakin mi ñukákëxun ka numi sinánkin nu ꞌakinti ꞌikën.

Jonás 3:9

usakin nun ꞌakëbë sapi ka Diosan nukamami ꞌatimakin sinania nishkë a tupubuti ꞌikën, usai ꞌikin sapi ka nu bamamitima ꞌikën.

Miqueas 2:12

Usa ꞌain ka ësai Dios kia: ꞌËn unikama kana bëtsi unikaman buan ꞌikëbi amiribishi Jacobnën rëbúnkikama kamabi timë́nun ꞌimiti ꞌain; usokin ꞌakin kana Israel unikama ꞌitsamara ꞌikëbi atu timë́nun ꞌimiti ꞌain ꞌimikin kana ñuina ꞌarakakë aín kënënu ꞌikësa ꞌinun ꞌimianan carnerokaman pasto pia ꞌikësa ꞌinun ꞌimiti ꞌain, usokin ꞌimikëx ka Israel unikamax ꞌuakamë ꞌëoi ꞌitsaira ñuina ꞌarakakëx ꞌikësai sharákanti ꞌikën.

Miqueas 3:2

Usa ꞌaínbi kamina ñu upí ꞌati kuëënkinma ꞌatima ñuishi upisa ax ꞌikë kixun ꞌati kuëënin; mitsun kamina ꞌën kaískë unikama ꞌatimaira okin aín namishi bianan ñuina xo rakánkë usokinshi ꞌakanin.

Miqueas 5:3

Usa ꞌain ka bërí Diosan aín unikama ënia, ꞌaínbi ka xanun aín tuá achúshi bakënuxun kainkë usa ꞌiti ꞌikën. Usa ꞌain ka a tuá aín aintsi Israelkama ñatanbiankin buánkama abë birananti ꞌikën.

Malaquías 3:18

Usa ꞌain kamina mitsun amiribishi uisa ñux kara upí ꞌikë, uisa ñux kara upíma ꞌikë a ꞌunankanti ꞌain, ꞌimainun kana uin kara Dios ꞌikë asérabi ꞌë rabia, uin kara ꞌë rabima akamaribi ꞌunánkanti ꞌain.

Romanos 12:9

Mitsux asérabi Jesucristomi catamëcë uni ꞌaish camina paránanima asérabi bëtsibë nuibananti ꞌain. Ñu ꞌatima ꞌati cuëënquinma usa ñu timai camina Nucën Papa Dios cuëëncësabi oíshi ꞌiti ꞌain.

Romanos 7:22

Nun nuitu mëu cananuna asérabi Nucën Papa Dios cuëëncësabi oquin ꞌaisa tanin, axa usaínu ꞌinun quicë bana ca upí ꞌicë quixun ꞌunánquin.

Romanos 8:7

An ënë nëtënu ꞌicë ñuishi sináncë uni an ca Nucën Papa Dios cuëëncësabi oi ꞌiti sinanima. Usa ꞌixun ca asérabi aín bana ꞌunáncëma ꞌaish ami nishcësa ꞌixun añu ñu cara ꞌaisa tania a ñu ꞌaia. Usaquin ꞌaquin ca Nucën Papa Diosan bana cuaisama tanan a bana quicësabi oquin ꞌaima.

3 Juan 1:11

ꞌËn nuibacë xucë́n, an ñu ꞌatima ꞌacë unían ꞌacësa oquin ꞌaquinma camina an ñu upí ꞌacë unían ꞌacësa oquinshi ñu ꞌati ꞌain. An ñu upí ꞌacë uni ax ca Nucën Papa Diosnan ꞌicën. Usa ꞌaínbi ca an ñu ꞌatima ꞌacë uni an ainanma ꞌixun Nucën Papa Dios ꞌunáncëma ꞌicën.