Amós 5:14 - Kashibo-Kakataibo Biblia

¹⁴ Usa ꞌain ka uisa ñux kara upí ꞌikë ashi ꞌanan uisa ñux kara ꞌatima ꞌikë a ënë upiti tsókanti ꞌikën; usai ꞌikëbë ka mitsúxmi kikë bana ax asérabi ꞌiti ꞌikën: usa ꞌain ka Dios, kamabi kushiñu ax mitsubë ꞌikën.

Amós 5:14 ပူးပေါင်းရင်းမြစ်များ

Génesis 39:23

usakin ꞌamainun an sipu bërúankë aín kushi an Josénën ꞌakë ñukama isama ꞌikën, usakin ka Nukën ꞌIbun ꞌakinkëxun aín ñu mëëtikama upíokin ꞌakëxa.

Salmos 46:11

¡Kamabi kushiiñu Nukën ꞌIbu ax ka nubë ꞌikën! ¡Usa ꞌaish ka Jacobnën Dios ꞌiá ꞌaish nun Diosribi ꞌixun nu ꞌakinia!

Éxodo 3:12

Ësai kia ka Diosan kakëxa: —ꞌËx kana mibë ꞌiti ꞌain, ënëx ka ami unántiokin ꞌënbi mi xukë ꞌiti ꞌikën: Egipto menua ꞌën unikama chikínkë ꞌain kamina kamaxunbi mikaman ënë menuxun ꞌë rabiti ꞌain.

Isaías 55:2

¿Uisa kupín kaina kuríkinën a piti ñu ꞌakësokin pitima ñu a kupíoti ꞌain? ¿Uisa kupín kaina të́xumi bikë kuríki anun pitima ñu kupíoti ꞌain, a kana ꞌa kixun sinani kuëëntima ñu a kupíoti ꞌain? Upiokin kamina ꞌën kakëxun kuati ꞌain, kuakin kamina upiokin ꞌakë piti nëish irakama piti ꞌain.

Isaías 8:10

ꞌIanan ka usakin kananuna ñu ꞌati ꞌai kixun atun sinaniabi, usakian ꞌanun ꞌamitima ꞌikën, Dios ax ka nubë ꞌikë usa ꞌixun.

Amós 3:3

Achúshi achúshi ñu ꞌikë ax ka an ꞌimiti anu aia ꞌikë ꞌikën, ¿Rabë́ uníxa ënananima nikë ax kara usakin kananuna ñu ꞌati ꞌai kiax kanamaxa ꞌikë ꞌik? Usama kat;

Amós 5:6

Israel unikama mitsux kamina Diosmi sinanatëkënti ꞌain, usai ami sinánkëbëtama ka Israel unikaman ëma axa ami nishkë unikaman tsin mënuti ꞌikën. Usakin akëbë ka an tsi rëkirukë a Betelnua bënánti ꞌaíma ꞌiti ꞌikën.

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Miqueas 6:8

Ënë ñukama ꞌaxunti ka Dios kuëënima, an ka nukama kaxa uisa ñux kara upí ꞌikën, ꞌimainun uisa ñu nun ꞌaxunti kara ax kuëënia: ax ka ësa ꞌikën, bëtsi unikamabë upí ꞌiti, uisa ñu ꞌakatsi karanuna kia usakinbi ꞌati, ꞌimainun an kakësabiokin ꞌanan ax kikësabiokin ñu ꞌati.

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Mateo 6:33

Usa ꞌain camina ainan ꞌianan ax cuëëncësabi oquin pain ꞌati ꞌain. Usaquin ꞌacëbëtan ca an anúnmi mitsux upitax bucuti ñucama aribi mitsu ꞌinánti ꞌicën.

2 Timoteo 4:22

Mibë ꞌixuan Nucën ꞌIbu Jesucristonën mi cushiomainuan Nucën Papa Diosan mibë ꞌicëcamacëñun mi nuibaquin ꞌaquincëx camina bërúanx ꞌiti ꞌain. Ashi, Pablo.

Josué 1:9

ꞌËn kana mi kain usa ꞌain kamina kushi sinani rakuë́tima ꞌain. Usa ꞌain kamina rakuë́kin kana ꞌaíma kixun sinántima ꞌain, min ꞌIbu Dios ꞌëx kana mibë uinu karamina kuani anubi ꞌiti ꞌain.