Amós 5:12 - Kashibo-Kakataibo Biblia

¹² ꞌËn kana bëtsi bëtsi ñu ꞌaia ꞌitsaira nëtë́tisamaira ꞌinun atux ꞌuchakëkama a ꞌunan: Usa ꞌixun ka uni upíbu a ꞌatima okin anuxun bana mëníokë anuxun ꞌapukaman kuríki bitsia uni ꞌatimakama anun rabanan në́kin, ka uni upíkama ꞌatima oia, usa ꞌain ka ñuñu unikaman bana mëníokin uni ñuñuma a ñuumasara ꞌikë kanania.

Amós 5:12 ပူးပေါင်းရင်းမြစ်များ

Job 31:21

Uinsaranbi kana papañuma titañuma tuákama ꞌapukamami kuaikësa ꞌinun mi kana usokin ꞌati ꞌai kixun káma ꞌain.

Salmos 127:5

¡Chuámarua ka pia ꞌitsa ñu uni ax ꞌikën! Usaribi ka bakë bëchikë ꞌitsañu unin tania, Usa ꞌain ka axa ami nishkë unikaman ismainun an bana mëníokë unikaman kuënkëx anu kuania atun bakë bëchikënën ꞌakinkëx rabinkë ꞌitima ꞌikën.

Isaías 1:23

Mitsun ꞌapukamax ka bana kuakëma ꞌianan, an unin ñu bainu bëaraxun mëkamakë unikamabë ꞌunánankë ꞌikën. Usa ꞌixun ka akaman kuríkinën kupíokëxun an ñu ꞌupima ꞌakëma unibi ꞌatima ñu isa ꞌaxa kixun kanan ñu ꞌinainshiti akamaribi baria. ꞌIanan ka papañuma ꞌimainun titañuma tuákamaribi uisakin kara ꞌakinti ꞌikë usakin ꞌakinima ꞌianan, xanu kasunamëkë akamaribi tëmërai tsótiabi ꞌakinima.

Isaías 33:15

An upí ñuishi ꞌai asérabi këmëima banakë uni ꞌianan, an bëtsi uni aín ñu kuëëniamabi bikuantankëx anun ñuñukëma ꞌianan, bëtsi ꞌatima oxunun kixun bëtsin ꞌinainshikë kuríki bikëma a ꞌianan, an bëtsi uni usakin kananuna uni rëtëti ꞌai kixun kakëxunbi kuëënxunkëma ꞌianan, an uisaxunbi usakin kana ñu ꞌatima ꞌati ꞌai kixun sinánkëma uni,

Oseas 5:3

ꞌËn kana Efraín ꞌunán; usa ꞌain kana uisai kara Israel ꞌia a ꞌën ꞌunán. Efraín ax ka aín nami bëtsi bëtsi uni ꞌakë xanusa ꞌikën; usa ꞌixun ka Israel unikama ꞌitsaira ñu ꞌatima ꞌakin ꞌuchamiaxa.”

Amós 2:16

A nëtën ka axa ꞌakánanti ꞌunáinra uni axbi abáti ꞌikën, ꞌimainun ka suntáru ꞌakánanti ꞌunainrakama axi atun chupa pëbiani chupañuma abáti ꞌikën,” Usai ka Dios kia.

Amós 2:3

¡ꞌËn kana aín unikaman nëbëtsi orakë ꞌikëbi ain ꞌapu ꞌati ꞌain; akëñun kana aín unikama ñu ꞌunanbu akamaribi ꞌati ꞌain! Usai ka Nukën ꞌIbu kiaxa:

Amós 5:10

¡Mitsun kamina an asérabi ñu ꞌakë ꞌimainun, axa asérabi banakë unikama a kuëënkaniman!

Amós 5:7

¡Mitsun kamina bëtsin ꞌatima okë unikama upíokin ꞌakinkëma ꞌain ꞌianan kamina ꞌakinsa ꞌikëbi ꞌakinkëma ꞌain!

Amós 8:4

An ñu kuëënkin bisatankë ꞌimainun uni ñuñumakama an me masókë mitsun kamina ënë bana kuati ꞌain;

Miqueas 3:11

Axa Jerusalén ëmanu ꞌikë an bana mëníokë unikama an ka uin kara kupíoia a ëanan an kupíokë a ꞌatima oti sinania, ꞌimainun ka sacerdotekaman kupíokëxunshi uni ꞌunánmiti kuëënia, ꞌianan ka an Dios kikë bana ñuikë unikamanribi kuríki kupíshi abi sinántankëx ësai kia: Nukën ꞌIbu ka nubë ꞌikën usa ꞌixun ka ñu ꞌatima inútima rabanan Nukën ꞌIbun nu bërúaia.

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Hechos 7:52

An Nucën Papa Dios quicë bana uni ñuixuncë unicama ca mitsun raracaman bëtsi bëtsi ocëxa. Bëtsi bëtsi onan ca axa, Nucën Papa Diosan Bëchicë Upíira ca uti ꞌicë quicë unicama aribi ꞌacëxa. A unicama quiásabi oía uá ꞌicëbi camina mitsun a bamamicasquin unían i curúsocënu matásnun ꞌinan.

Deuteronomio 31:21

Uínsaran kara ꞌën ꞌimikëx ꞌaisamaira masátënëi bënëtia anun ka ënë kanta atun sinánti ꞌikën, usa ꞌain ka atun rëbúnki kamaxribi a kanta sinani anun kantati ꞌikën; ꞌën bërámabi a ꞌinánuxun ka me anu atsínxumabi ꞌatima ñuira ꞌati sinania kana atu ꞌunanin.

Santiago 5:4

An mitsu naënuxun ñu mëëxuncë uni camina cupíocëma ꞌain. Cupíocëma ꞌaish ca mitsu ñui banaia. Usaquian mitsu ñuia ca ángelcaman ꞌapu, Nucën ꞌIbu Dios, an cuaxa.

Santiago 5:6

Mitsun camina ꞌuchañuma unibi ꞌuchoquin ꞌan. Usoquinmi ꞌacëxunbi ca atun mitsu cupicëma ꞌicën.

Rut 4:1

Usai ꞌikë basikëbë ka Booz kakë uni ax anun ëmanu atsínti xëkuënu tsóti kuankëxa, ax ka anuaxa uni timë́ax banakë ꞌiakëxa. Anua tsótanbi ka a ñuia Booz kikë aín aintsi ax inúakëxa. Inutiabi ka Booznën kuënkin kakëxa: —Ënupan ka tsóbuti ut kixun. Kakëx aí ka aín aintsi ax tsóbuakëxa.

1 Samuel 8:3

Usa ꞌaínbi ka aín bakë bëchikëkaman aín papa ꞌakësokin ñu ꞌaíma, ꞌitsaira ñuñu ꞌiti kuëënkin, unikama bëtsibë ꞌatima onankë a mëníoxunkinma a kupíonun kixun ꞌamikin upíokin ñu ꞌama ꞌikën.