Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Amós 5:11 - Kashibo-Kakataibo Biblia

11 Mitsun kamina kuríkiñu ꞌixun ñuñuma unikama a ꞌatima okin atun trigo kupísa mitsu kupíonun kixun ꞌamin, usa ꞌain kamina mitsun xubu maxá upíokin ꞌakë anubi ꞌima ꞌianan, mitsun ꞌapákë uvas baka abi xëakantima ꞌain.

အခန်းကိုကြည့်ပါ။ ကော်ပီ




Amós 5:11
30 ပူးပေါင်းရင်းမြစ်များ  

Mitsun kamina mitsun aintsi axa ñuumasara ꞌikë, bëtsin aín manchatan ꞌakëxa ñuina abákësa usaribiti abátanun abámikan.


Ësai ka Nukën ꞌIbu kia: “Israel unikaman ka ꞌaisama ñu ꞌakin ꞌatima ñuira ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka uni upí bëtsi ñu ꞌakëmabi kuríki bianan bëtsi uni ꞌinánan, ñuñuma uni aribi ñu kupímara ꞌakësokin rabë́ taxaka kupín bëtsi uni maruia.


ꞌAnan ka ñuñuma unikamaribi ꞌatima okin tëmëramikin, atun ñu ꞌakëkama mëníoxuntisama tania. ꞌIanan ka aín papan aín nami ꞌakë xanu aribi, aín bëchikënën aín nami ꞌaia, usakin ꞌakin ka ꞌën bana upí ꞌikëbi ꞌaisama bërumia.


ꞌAnan kana anuxun mita inúmiti ꞌanan, anu baritia inúmi tantiti xubukamaribi ꞌati ꞌain, ꞌanan kana xubukama ñuina xëtakëñun mëskukin, kuríkiñu unikaman ꞌamikë akamaribi ꞌimainun ꞌapu chaiirabu akamaribi këñuti ꞌain.” Kiax ka Dios kiaxa. (Xubu kuríki.)


An bana ñuikë mitsun kamina anu kuantankëxun, Asdodnu ꞌikë unikama ꞌimainun: Egiptonu ꞌikë unikama mikaman kamina; “Samarianu ꞌikë unikama kara Diosan uisa oia isi unun kati ꞌain anuxun ka suntárukama aín bashi manan bukuxun aín aintsibi tëmëramianan ꞌatima okë a isi uti ꞌikën.”


Samarianu ꞌikë xanukama ësokin mitsu kamainun kamina kuati ꞌain: Mitsux kamina Basán menu ꞌikë vaca ain xanu xuabu usaribi ꞌaish xubairabu ꞌain, usa ꞌixun kamina uni ñuñuma ꞌatima onan, an ñu kuëënkin bisatankë a ꞌianan, mitsun bënëkamaribi a xëati uvas baka paëokin ꞌakë bëxunun kixun kain.


Usa ꞌain ka Diosax xubu cha akama ꞌimainun xubu chukúmakama ax ka ꞌatimokëx kamáxbi ꞌaíma ꞌiti ꞌikë kiax kiti ꞌikën.


¿Caballokamax kara xaxun pobu anun abáti ꞌik? Ka ꞌitima ꞌikën. ¿Parúmpapax kara me ꞌakësaribi okin tukapakin buinaisa ꞌik? Ka ꞌaisama ꞌikën, ꞌaínbi kamina mitsun upíokin ñu ꞌati ꞌikëbi muka ro ꞌakësokin ꞌakan ¡usakin ꞌakin kamina upíokin asérabi bëtsi ꞌatima onux këmëi banatima ꞌain!


An ñu kuëënkin bisatankë ꞌimainun uni ñuñumakama an me masókë mitsun kamina ënë bana kuati ꞌain;


Usai ꞌikëbëtan kana ñatanbiankin ami nishkë unikaman aín menu buan Israel unikama bëtëkënti ꞌain. Bëkëxun ka amiribishi anuax kaikin atun ëmakama birutëkënkin ꞌatankëx anu tsókin; uvakama ꞌapáti ꞌikën ꞌapáxun ka aín baka xëati ꞌikën; ꞌanan ka aín xubu rapasu ñu ꞌapáxun bimia aín bimi piti ꞌikën.


Usa ꞌain ka ësai Nukën ꞌIbu kia: ꞌËn kana Samaria kakë ëma rurupakëx bukukiankë ꞌain. A me kana anu uvas ꞌapátisa ꞌinun ꞌimiti ꞌain. Usokin ꞌakin kana anu ꞌikë maxáxkama me sapan amiokin puti ꞌain usokin ꞌakin kana amibirukin ꞌati nitsínkë akamaribi uisokin ꞌakë kara kixun ꞌunánti ꞌain.


Bëtsi unin mekama kuëënkin ka atun bikuankania; usakin ꞌanan ka xubukama aribi biti kuëënkin mëkamakania. ꞌAnan ka uni ꞌimainun ꞌain ꞌaintsi ꞌibukamabi, an kasunankë ꞌain ñukama binuxun ꞌatima oia.


Esaúnën rëbúnki edomitakama ax ka kisatani ësai kiti ꞌikën: “Nukamax kananuna numi nishkë unikaman këñúkë ꞌian, ꞌaínbi kananuna amiribishi nun ëma birutëkënti ꞌain kiax ka kiti ꞌikën,” ꞌaínbi ka Dios kamabi kushiñu an atu kati ꞌikën: “Mitsun kamina amiribishi birutëkënti ꞌain, ꞌaínbi kana amiribishi ꞌën rurupatëkënti ꞌain.” Usakin ꞌakë ka unin a me anua uni ñu ꞌatima ꞌakëishi tsókë kakin a me anëti ꞌikën, anëanan ka amia Dios sënënima nishkë me kakin anëti ꞌikën.


Usa ꞌaínbi camina mitsun ñuñuma uni a —ꞌaisama ca —quixun timaquin rabínmin. Ñuñuira uni an ca mitsu paránquin ñu mëëmianan tëmëramiquin mitsumi manánquin, an uníxa ami bëtsi uni ñui manáncëxun cuacë uninu buania. ¿Atux cara usama ꞌic?


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ