Amós 4:7 - Kashibo-Kakataibo Biblia

⁷ ꞌImainun kana mitsun ñu ꞌapákë pëkë́misa tankëbëtanbi ꞌuí ꞌibúnun ꞌimiama ꞌain. “ꞌImianan kana bëtsi ëmanu ꞌuí ꞌibúmianan bëtsinu uí ꞌibúnun ꞌimiama ꞌain; usokin ꞌakëbë ka anua ꞌuñe ꞌibúkë ni ax chabá ꞌimainun anua ꞌibúkëma ni ax ꞌumpax ꞌaíma ꞌain me ë́skiakëxa;

Amós 4:7 ပူးပေါင်းရင်းမြစ်များ

Éxodo 10:22

Kakëxuan Moisésnën aín mëkën manámi sanani mëshpakëbëishi ka kamabi Egipto menu bëánkibukë chaiira ꞌiakëxa,

Éxodo 10:23

usaía rabë́ ꞌimainun achúshi nëtë me bëánkikë ꞌain ka uinu ꞌikë uníxbi a rapasu ꞌikë uni isi kuainima ꞌianan uíxbi niama ꞌikën. Usai anu ꞌikëbëbi ka anua israel unibu ꞌikë, aín xubukama xabá ꞌiakëxa.

Éxodo 8:22

ꞌAínbi ka anua ꞌën uni Israelkama ꞌikë Gosen kakë me anu añu ñubi ꞌaíma ꞌiti ꞌikën. Usa ꞌain ka anu achúshi chipërabi ꞌaíma ꞌiti ꞌikën. Usaia ꞌikëbëtan kamina ꞌunánti ꞌain ꞌëx kana asérabi min ꞌIbu kushiira ënë menu ꞌai kixun.

Éxodo 9:26

Usai anu pakëtibi ka Gosen kakë me, anua Israel unibu tsókë anu, matsin tita bëruñu achúshirabi pakëama ꞌikën.

Éxodo 9:4

ꞌAínbi ka Nukën ꞌIbun Israelkaman ꞌarakakë ñuina uisaibi ꞌinun ꞌimitima ꞌikën, ꞌimikinmabi ka Egiptonu ikë unikaman ꞌarakakë ñuinakamaishi maë rakátanun këñumiti ꞌikën.

Isaías 5:6

usokin ꞌaxun kana rakanti ꞌain. Rakanxun kana chuku ꞌiruiabi mëníokin ëchimitima ꞌain, usokëx ka muxa ꞌirumainun chuku ꞌaisamaribi anu ꞌiruti ꞌikën. Usokin ꞌatankëxun kana nëtë kuínuaxa, ꞌuí a chabói ꞌibúnun ꞌimitima ꞌain.

Jeremías 14:22

¿Anu kara ꞌiti ꞌikë unínbia a rabinuxun ꞌakë dios an ꞌuí ꞌibúmiti ꞌiti ꞌit? ¿ꞌIanan kara naíkamë ꞌëo abi ꞌuí kushiira ꞌibúnun ꞌimiti ꞌik? ¡Usama ka, Nukën ꞌIbu Dios! Mix kamina an ꞌuí ꞌibúnun ꞌimikë a ꞌain. Mix kamina an kamabi ënë ñukama usaía ꞌinun ꞌimikë a ꞌain; ¡usa ꞌain kananuna mimishi katamëti ꞌain!

Jeremías 14:3

Usai ꞌimainun ka ñuñuira unikaman an ñu mëmikë unikama ꞌumpax bitánun xutia; xukëx kuanxunbi ka atun anua ꞌumpax biti ꞌakë kini anua ꞌumpaxñuma okin, anun ꞌumpax biti ꞌakë na buankankë a ñankáishi buani ritëkënkiani; ꞌumpaxbitsi kuanxi ꞌumpaxñuma obiani kuani, chupan rabinkësa ꞌaish mamápukukankëxa.

Jeremías 14:4

ꞌImainun ka naën tëkë unikamaxribi, paránkësa bërúti ꞌitsaira rabinia usai ꞌika chupan mamapukutia, ꞌuíka ꞌibutima usa ꞌain ꞌimainun ka me ë́ski tukibutia.

Joel 2:23

¡Axa Jerusalén kakë ꞌikëbi Sión kakëribi ëmanu tsókë unikama mitsux kamina kuëënkanti ꞌain, usai ꞌi kamina Diosmiribi sinani kuëënkanti ꞌain! An ka bëráma ꞌasabiokin anúan ꞌibúti nëtë ꞌikëbëtan ꞌuñe ꞌibúmiaxa, a ꞌuñe ka mitañu ꞌianan anun ñu ꞌapákëxa pëkëtia biti ꞌuxë anun ꞌasaribiokin ꞌibúmikë ꞌiti ꞌikën.

Juan 4:35

Ësoquian cacëbëbia a ëmanu ꞌicë unicamax aia isquin ca Jesusan aín ꞌunánmicë unicama cacëxa: —Mitsux camina quin, rabë́ ꞌimainun rabë́ ꞌuxë cëñúcëbëa shaínquibutia cananuna ñu bimi biti ꞌain. Usa ꞌaínbi cana ꞌën mitsu cain, ca is, axa ucë unicama ënëx ca anun biti nëtë sënë́ncëbëtan aín ꞌibun binuan bimi pëcëti sënë́ncësaribi ꞌicën.

1 Corintios 4:7

¿Uin cara mitsu raíri, bëtsi unicama ꞌicësamaira oími upí ꞌinun ꞌimiaxa? Nucën Papa Diosan ꞌimicëxma camina upí ꞌitsianma. Nucën Papa Diosan ꞌimicëx upí ꞌixun ¿caramina uisa cupí —ꞌëxbi cana upí ꞌai —quixun rabíquin sinanin?

Santiago 5:17

Elías, an Nucën Papa Dios quicë bana unicama ñuixuncë uni, an ca nusaribi uni ꞌixunbi ꞌuía ꞌibuaxma ꞌinun Nucën Papa Dios ñucácëxa. Usa ꞌain ca an ñucácësabi oi rabë́ ꞌimainun achúshi baritia, ꞌimainun achúshi mëcën ꞌimainun achúshi ꞌuxën ꞌuí ꞌibuama ꞌicën.

Apocalipsis 11:6

A rabëtax ca cushiñu ꞌicën. Usa ꞌixun ca ꞌaisa tanquin atúan Nucën Papa Dios quicësabi oquin bana ñuixunmainuan ꞌuí ꞌibúaxma ꞌinun ꞌimiti ꞌicën. ꞌAisa tanquin ca bacanu ꞌicë ꞌunpax imi ꞌimiti ꞌicën. ꞌAisa tanquin ca bëtsi bëtsi ñu ꞌaquin paë tania tëmëranun unicama ꞌimiti ꞌicën. Uiti oquin cara usoquin ꞌaisa tania usoquin ca ꞌati ꞌicën.