Amós 4:6 - Kashibo-Kakataibo Biblia

⁶ ꞌËn kana mitsun ëmakanuaxmi panani tsónun mitsu ꞌimiakën; ꞌimianan kana kamabi uníxa pitiñuma ꞌinun ꞌimiakën, ¡usa ꞌaínbi kamina mitsux ꞌëmi sinanatëkëinsama tankën!” Usai ka Dios kiaxa.

Amós 4:6 ပူးပေါင်းရင်းမြစ်များ

1 Reyes 17:1

Aín bana unikama ñuixunua Diosan kaískë Elías, Tisbé kakë ëma Galaad, menua ꞌikë anu tsókë an ka ësokin Ahab kakëxa: “¡Diosan kuamainunbi kana ami sinánun mi kain, Israel unibunën Dios an kakësabiokin aín bana tankin ꞌën ñu ꞌaxunkë ax ka ꞌëx kikëbë ꞌibunux ka ënë barikaman ꞌuí ꞌibutíma ꞌimainun imë́bi nibí ꞌibutima ꞌikën!”

1 Reyes 18:2

Kakëx ka Elías Ahab abë banai kuanx anu kuankëxa. Usai ꞌimainun ka Samarianu tsókë unikama a piti ꞌaíma ꞌain ꞌitsaira ꞌakëñuma ꞌaish numin ꞌi tëmërakankëxa.

Jeremías 14:18

ꞌImainun kana ninu kuankin, anuaribi ꞌakanania anuax uni ñuia isanan; ëmanu atsínkin anuaribi a piti ꞌaíma ꞌain numin bamaia uni isin. Usaia ꞌikankëbë ka an Dios kikë bana ñuikë unikama ꞌimainun sacerdotekamax an ꞌunánkëma bëtsi ëmakamanu kuani añu kara ꞌati ꞌikë kixun ꞌunánimabi nitsia.

Oseas 11:5

ꞌaínbi ka atux ꞌëmi katamëisama tankankëxa. Usai ꞌi ka Egipto menu kuantëkënti ꞌikën, anuxun ka Asiria menu ꞌikë unikama atu tëmëramikin ñu mëëmiti ꞌikën.

Oseas 5:15

Usakin ꞌatankëx kana anu ꞌëx ꞌikë anu, atunbia sinanakin kana ꞌucha kixun ꞌë baritamainun kuanti ꞌain. Tëmërai bënë́kin ka atun ꞌë bariti ꞌikën.”

Joel 1:16

Nukaman ismainunbi ka nun bërunuxunbi a piti ꞌapákë ñukama champun këñukin piakëxa, usa ꞌain ka unikaman anuxun Dios rabi xubunuax kuëënkë akama nëtë́akëxa.

Apocalipsis 2:21

Axa usai ꞌiabi cana usa ñu ënía ꞌëmi sinánun caían. Caíncëxunbi ca ëmi catamëquin sinanaquin aín ñu ꞌatima ꞌacë ëncëma ꞌicën.

Rut 1:1

A baritian Israelkama atun ꞌapuñuma ꞌain ka bëtsi uni raírinëx atun ꞌapu ꞌiakëxa, a baritiakaman ka a menu a piti ñu ꞌaíma ꞌain numi ꞌiakëxa. Usa ꞌain ka achúshi uni Judá kakë menua ꞌikë Belén kakë ëma anuax Elimélec ax Moab kakë me anu ꞌitsama baritia tsóti kuankëxa. Kuankin ka ain xanu Noimí ꞌimainun aín bakë bëchikë bëbu rabë́ Mahlón kakë a ꞌimainun Quilión a buánkëxa. A unikamax ka efrateo ꞌaíshbi Belén menu tsókë unibi ꞌiakëxa. Usa ꞌain ka anuax kuantankëx Moab kakë me anu tsóti bërúakëxa.