Amós 4:2 - Kashibo-Kakataibo Biblia

² ꞌAínbi ka Dios upíira kamabi kushiñu ax ësai sinanatëkëntima oi kiakëxa: “Anun ꞌën mitsu kuëkinan bikësa obiankin uanan, mitsun bakë bëchikëkamaribi mishkitinën bëmë́ti nëtë ka ꞌiti ꞌikën.

Amós 4:2 ပူးပေါင်းရင်းမြစ်များ

Salmos 89:35

Achúshi okin kana ꞌën asérabi ꞌëx kikësabiokin ꞌaxunuxun kakën, usa ꞌain kana paránkima David ꞌakinti ꞌain:

Salmos 89:36

usa ꞌain ka aín rëbúnkikama ax ꞌiásaribiti atúxribi ꞌapu ꞌiti ꞌikën, usai ꞌika bari ꞌianan ꞌuxë këñutisama aín ꞌapu ꞌiti ꞌikën.

Ezequiel 34:16

ꞌËnbi kana ꞌën unikama ovejakama ꞌarakakë ꞌikësaia amami amami kuani nëtë́këkama a bëtëkënti ꞌain, bëkin kana axa ꞌinsínkë akamaribi ronkin chupa sanin aín taëmi ñukë tëkërëkaxuanan, axa ñusmakëkamaribi kushinun bërúanti aín, ꞌanan kana xuabu ꞌimainun aín kushibu akamaribi bërúankin. ꞌËn kamabi atu bërúanti ꞌain.

Amós 6:8

Usa ꞌain ka Dios ax asérabi sinanatëkëntima oi ësai kiaxa; Dios kamabi kushiñu ax ka usai kia: ꞌËn kana Jacobnën rëbúnkikamaxa rabiakakë a kuëëniman usa ꞌain kana ꞌapun xubukamanua ꞌikë ñu upíbu; a axa ami nishkë unikaman atun ëmanua buántanun ꞌamiti ꞌain.”

Amós 8:7

ꞌËx kana Israel unikaman Dios ꞌain: “usa ꞌixun kana atun ꞌatima ñu ꞌakëkama uínsaranbi manutima ꞌain.”