Amós 4:13 - Kashibo-Kakataibo Biblia

¹³ Nukën ꞌIbu Dios an bashikama unionan suñu bëkinun ꞌimikë, ꞌimainun uisa ñukama kara ꞌakatsia akama uni ꞌunánmikë, ꞌianan an bë́anbëankikë anubi nëtë xabá ꞌimianan, kamabi menu ꞌikë bashi manankama a manami anubi ꞌikë ax ka kamabi kushiñuira Dios a ꞌikën, ax ka ain anë ꞌikën.

Amós 4:13 ပူးပေါင်းရင်းမြစ်များ

Salmos 139:2

usa ꞌixun kamina kamabi ꞌën ꞌakë ñukama ꞌunanin; ꞌianan kamina ꞌuranxubi uisakin karana ꞌën sinanin abi ꞌunanin.

Salmos 65:6

min kamina mix kushiira ꞌixun, anubia ꞌitinu bashikama uniokën.

Éxodo 10:22

Kakëxuan Moisésnën aín mëkën manámi sanani mëshpakëbëishi ka kamabi Egipto menu bëánkibukë chaiira ꞌiakëxa,

Éxodo 14:20

Usakian nëbëtsi rabë́ okin kuinan pë́kakëx ka israel unikamax xabánu ꞌiakëxa, ꞌimainun ka egipcio suntárukama ax imë́nu ꞌixun iskasmakin a imë́ israel unikama nukunun nukumiama ꞌikën.

Isaías 40:12

¿Uin kara parúmpapa kamakëñun ꞌumpax aín mëkënan tupúanan, aín mëkën rëbukaman uiti chaiira kara naíkamë ꞌëo ꞌikë kixun tupuax? ¿Uin kara me putu kamabi uiti kara kixun tupúnti ꞌikë, ꞌianan kara anun ñu ꞌië tupúnti ꞌakë anun matákama ꞌimainun bashikama tupúnti ꞌik?

Isaías 45:7

ꞌËn kana nëtë xabá ꞌinun ꞌimianan bëánkibukë aribi uniokën; ꞌimainun kana upia ñu ꞌinun ꞌimianan ꞌatimaribia ꞌinun ꞌimin. ꞌËx mitsun ꞌIbu ꞌixun kana usaía kamabi ñukama ñu ꞌinun ꞌimin.

Daniel 2:28

Usa ꞌaínbi ka naínu achúshi Dios an ꞌunántisama ꞌikëbi ñu ꞌunánkëira anu ꞌikën, an ka mi ꞌapu ꞌikë uisai karamina ꞌinuxun ꞌain mi ꞌunánmiaxa. Usa ꞌain kana ꞌën ꞌapu ꞌixunmi ꞌuxun namákë akama mi ñuixunti ꞌain:

Daniel 2:30

Usaribi okin ka ꞌunántisama ꞌikëbi ꞌëribi a ñu ꞌunánmiaxa, ꞌaínbi ka ꞌëx an bana sinánkë bëtsi unikamasaira ꞌikëmabi, uisakin namákë kara min namákë ax ꞌikë mix ꞌapu ꞌikë, ꞌën mi ñuixunun ꞌë ꞌunánmiaxa, usa ꞌain kamina mix ꞌapu ꞌixun min sinánkëkama uisai kikë kara ax ꞌikë kixun ꞌunánti ꞌain.

Joel 2:2

a nëtëx ka imë́ ꞌianan, bëánbëankibukë ꞌiti ꞌikën, ꞌianan ka a nëtë kuinan tupë́onkë nëtë ꞌiti ꞌikën. Suntáru kushibu ꞌimainun ꞌitsaira an ka aín bashikama tsitsiruti ꞌikën, usokin ꞌakin ka barin urukin pë́kabëtsinkë usaribiokin ꞌati ꞌikën. Uinsaranbi ka usai ꞌia ñu uínbi isáma ꞌikën, usa ꞌain ka uínsaranbi bërí ꞌikë ësai ñu ꞌia uínbi istëkëntima ꞌikën.

Amós 3:13

Nukën ꞌIbu Dios kamabi kushiñuira ax ka ësai kia: “Mitsun kuakin kamina uisai kara Jacobnën rëbúnkikama ꞌiakëxa kixun a ñuiti ꞌain,

Amós 5:27

Usa ꞌain kana ñatanbiankin mitsu axa mimi nishkë unikaman Damasco ëma inumibiankin buántanun ꞌamiti ꞌain. Usai ka Dios kamabi kushiñuira ax kia. Usa ka aín anë ꞌikën.

Amós 5:8

Diosan ka naínu ꞌikë ꞌispakama ꞌimainun, ꞌispónkama ꞌakëxa, an ka imë́ nëtë ꞌinun ꞌimianan, nëtë aribi imë́ ꞌinun ꞌimia këxa; an ka parúmpapa ꞌumpax timëtankëxun chabóia menu ꞌibúnun ꞌimia; uin kara anun ëma kënëara a rurupatia. Ax ka kamabi kushiñu Dios a ꞌikën.

Amós 6:8

Usa ꞌain ka Dios ax asérabi sinanatëkëntima oi ësai kiaxa; Dios kamabi kushiñu ax ka usai kia: ꞌËn kana Jacobnën rëbúnkikamaxa rabiakakë a kuëëniman usa ꞌain kana ꞌapun xubukamanua ꞌikë ñu upíbu; a axa ami nishkë unikaman atun ëmanua buántanun ꞌamiti ꞌain.”

Amós 8:9

“A nëtë́an ꞌiti ñui ka Dios ësai kiaxa, ꞌën kana maníti xamánruibia bë́ankinun bari ꞌimiti ꞌain, ꞌimianan kana nëtë xabá ꞌikëbia bë́ankikin me mapunun ꞌimiti ꞌain.

Amós 9:6

Diosan ka naíkamë ꞌëonu aín xubu ꞌakëxa ꞌanan ka an me tuinti kamaribi menu ꞌakëxa; an ka parúmpapa ꞌumpax timë́tankëxa me chabói ꞌibúnun ꞌimia. Ax ka Nukën ꞌIbu Dios, kamabi kushiñu kakë a ꞌikën.

Miqueas 1:3

Nukën ꞌIbu ax ka anua ꞌikë anuaxbi ai aín bashi rëbukaman nikuatsini uti ꞌikën.

Habacuc 3:19

Diosan ka ꞌë kushioia, usakin ꞌakin ka ꞌën kisikama kushi ꞌimikin, chaxu abákësa ꞌinun abati, uinubi kara kuani aín bashinu kuani ië́nun ꞌë ꞌimiti ꞌikën.

Mateo 9:4

Usaquin sinania ꞌunánquin ca Jesusan cacëxa: —¿Uisacasquin caramina mitsun usaquin sinanin?

Juan 2:25

An ca unían cacëxunmabi camabi unin sinan ꞌunáncëxa.

Juan 3:8

Uinuax cara suñu bëëqui banaquiania camina cuatin, ꞌixunbi camina isima, uinuax cara a suñu aia, uinu cara cuania quixun. An ñu shaícaianu suñu iscëma usaribi oquin cananuna Nucën Papa Diosan Bëru Ñunshin Upitan uni bacëntëcënmia isiman.

Deuteronomio 32:13

Anbi ka bëtsi bëtsi bashi ꞌamibiankin me upíira anúnribi nu buánkëxa, buánkin ka menuaxia kookë ñu aín bimi pimianan, maparanu ꞌikë buna rëpa nu xëamiakëxa xëamianan ka ꞌaisamaira maxá anu kóa olivos aín biminu ꞌikë aín xëni nu ꞌinánkëxa;

Deuteronomio 33:29

Israel unikama mitsux kamina Nukën ꞌIbun ka nu ꞌakinia kixun sinani kuëënti ꞌain, ¿uinu ꞌikë ëmakamax kara mitsun ëmabë sënë́nti ꞌik? Nukën ꞌIbu Diosanbi ka mi ië́miaxa usa ꞌixun ka bërúanan mi ꞌakinia; ¡an ka ax numi nishkë unikamabë ꞌakanania nu ꞌakinti ꞌikën! Usakin ꞌakinkëxun ñusmokin mitsun ꞌakëx ka atun rabiakakë a mitsumi rakuë́ti nëtë́ti ꞌikën.