Amós 4:1 - Kashibo-Kakataibo Biblia

¹ Samarianu ꞌikë xanukama ësokin mitsu kamainun kamina kuati ꞌain: Mitsux kamina Basán menu ꞌikë vaca ain xanu xuabu usaribi ꞌaish xubairabu ꞌain, usa ꞌixun kamina uni ñuñuma ꞌatima onan, an ñu kuëënkin bisatankë a ꞌianan, mitsun bënëkamaribi a xëati uvas baka paëokin ꞌakë bëxunun kixun kain.

Amós 4:1 ပူးပေါင်းရင်းမြစ်များ

Salmos 22:12

Axa ꞌëmi nishkë unikaman ka vaca bënëkama në́kë, Basánnu ꞌikë usaribi ꞌixun ꞌë bëarabuianxa;

Isaías 28:1

¡Uisai kara Samarianu ꞌikë unikama bëtsi unikaman, atux isa upí uni ꞌikë kixun kakë axa ëma chaiira Efraín kakin anëkë anu tsókë paë́ntinën kuëëirabu uni atux ꞌiti ꞌikën; ꞌaínbi ka Samaria ëma ax me sapan upíira anu ꞌikën, usa ꞌaish ka ñu ua buinarakin mañutinu ꞌakëxbia bënëtishi núkai chushikë usa ꞌikën, usa ꞌixun ka anu ꞌikë unikaman paë bata ꞌaxun xëai paë́nkë a ënima!

Isaías 58:6

ꞌAínbi ka usakin ꞌakë ax ꞌën iskëx usama ꞌikën. ꞌËx a isi kuëëntisabi ꞌitánun piti mëti ax ka ësokin ꞌati ꞌikën, bëtsi unikamax ka upíokin nuibakë ꞌiti ꞌikën, usa ꞌaish ka anun uni ñu ꞌatima ꞌakëmabi tëkërëkakë manë risi të́kakë usa ꞌianan, vaca bënë tëatsimixun i anun tëkërëkakë risi churukë usaribi mitsunan ꞌiti ꞌikën; ꞌianan ka bëtsi unin tëmëramikë axribi ñankáishi ꞌitánun këñúkë ꞌiti ꞌikën, usakin ꞌakëx ka ꞌapukamaxa unimi an kuëënkësa okin ꞌakë ax këñúkë ꞌiti ꞌikën;

Jeremías 7:6

ꞌatimokin aín ñu bikuanan tuá papa ñumakama ꞌimainun xanu kasunamëkë ꞌimainun bëtsi menu tsókë aribi ꞌatima oíma ꞌianan, uni ꞌatima ñu ꞌakëmabi ënë menuxun ꞌanan, unínbia a rabinuxun ꞌakë a rabi ꞌatimatiama kana,

Ezequiel 18:12

usokin ꞌanan ka ñuñuma uni a ꞌimainun an ñu kuëënkë uni aribi ꞌatimonan bëtsi unin ñukamaribi mëkamatia, usa ꞌixun ka ꞌinantëkënuxun aín ꞌibu ñukáxun bëtsi unin ñu bikë a ꞌinantëkënima, usakin ꞌai ka bëtsi unin dioskama a mi katamëanan bëtsi ñu ꞌën a kuëënkëma ꞌaia,

Ezequiel 34:16

ꞌËnbi kana ꞌën unikama ovejakama ꞌarakakë ꞌikësaia amami amami kuani nëtë́këkama a bëtëkënti ꞌain, bëkin kana axa ꞌinsínkë akamaribi ronkin chupa sanin aín taëmi ñukë tëkërëkaxuanan, axa ñusmakëkamaribi kushinun bërúanti aín, ꞌanan kana xuabu ꞌimainun aín kushibu akamaribi bërúankin. ꞌËn kamabi atu bërúanti ꞌain.

Joel 3:3

Usakin ꞌakin ka ñuratsu amo rabë́bi kuënëoxun anun pain tantankëx, ꞌën unikama ꞌinánankëxa, usakin ꞌanan ka bëbu tuákama ꞌimainun xanu tuákamaribi marukankëxa, usakin ꞌatankëxun ka atu marukia bikë kuríki anun uvas baka paëokin ꞌakë a maruxun xëanan bëtsi bëtsi unin aín nami ꞌakë xanukamaribi aín nami ꞌaxun kupíokëxa.

Amós 3:1

Israel unikama mikaman kamina ësai ka Dios kia kuati ꞌain, an ka aín uni ꞌikë Egipto menua chikíankëxa:

Amós 3:3

Achúshi achúshi ñu ꞌikë ax ka an ꞌimiti anu aia ꞌikë ꞌikën, ¿Rabë́ uníxa ënananima nikë ax kara usakin kananuna ñu ꞌati ꞌai kiax kanamaxa ꞌikë ꞌik? Usama kat;

Amós 5:11

Mitsun kamina kuríkiñu ꞌixun ñuñuma unikama a ꞌatima okin atun trigo kupísa mitsu kupíonun kixun ꞌamin, usa ꞌain kamina mitsun xubu maxá upíokin ꞌakë anubi ꞌima ꞌianan, mitsun ꞌapákë uvas baka abi xëakantima ꞌain.

Amós 6:1

¡Axa Jerusalén ꞌikëbi Sión kakë anu tëmëraima bukukë unikama! ¡ꞌianan Samaria ëmanu uisaibi kananuna ꞌima kixun sinani bukukë ꞌapukama, amia Israel unikama katamëkë atux ka kuanti ꞌikën!

Amós 6:6

ꞌanan kamina uvas baka ꞌakë ami xëati chaiira ami xëakanin, ꞌianan kamina sanuira rokama anúnribi ꞌikanin, ¡usai ꞌikin kamina uisai kara ënë ëma ꞌiti ꞌikë kixun abi sinánkaniman!

Malaquías 3:5

Ësai ka Dios kamabi kushiñuira ax kia: ꞌËx kana uisa ñukama kaina mitsun ꞌa kixun isi uti ꞌain. Isanan kana anuxuinshi an ñunshinan ꞌamikëxun ñu ꞌati sinánkë, an aín xanumabi bëtsi unin xanu aín nami ꞌakë, axa këmëi usai ka ñu ꞌiti ꞌikë kiax kikë ꞌimainun tëmixunbi an ñu mëëmikë unikama kupíokëma ꞌimainun, raëmëkë xanukamakëñun ꞌibuñumakë tuákama ꞌianan an bëtsi menu tsókë unikama ꞌatima okë ꞌimainun, an ꞌëmi rakuënkin ꞌëx kikësabiokin ꞌakëma akamaribi kana ꞌatima oti ꞌain.

Deuteronomio 24:14

Ñuñuma uni kamina ꞌitsaira tëmixunbi kupíosama tankin tënanpatima ꞌain, ꞌanan kamina mitsun ꞌaintsikama ꞌimainun bëtsi menu ꞌikë uni mitsun ëmanu tsókë ꞌikëbi usokin ꞌatima ꞌain.