Amós 3:9 - Kashibo-Kakataibo Biblia

⁹ An bana ñuikë mitsun kamina anu kuantankëxun, Asdodnu ꞌikë unikama ꞌimainun: Egiptonu ꞌikë unikama mikaman kamina; “Samarianu ꞌikë unikama kara Diosan uisa oia isi unun kati ꞌain anuxun ka suntárukama aín bashi manan bukuxun aín aintsibi tëmëramianan ꞌatima okë a isi uti ꞌikën.”

Amós 3:9 ပူးပေါင်းရင်းမြစ်များ

2 Samuel 1:20

Usa ꞌain ka Gatnu tsókë unikama kuatima ꞌikën, ꞌimainun ka Ascalón ëmanu bëbakin a bana ñuitima ꞌiaxa, filistea xanukamax ka a banakama kuati kuëëanan, manámiki chirini kuëënti ꞌikën, atux ka bëtsi ñu rabikë xanubu ꞌikë usa ꞌaish.

Proverbios 1:13

Usakin ꞌatankëxun atun ñukama ashi bitankëx kananuna bëtsi bëtsi ñuñu ꞌiti ꞌain, ¡usakin ꞌakin kananuna mëkamakë ñukama nun xubukamanu bukunti ꞌain!

Jeremías 31:5

Amiribishi ka Samaria matákamanu uvas ꞌapákanti ꞌikën, ꞌapáxun ka uin kara uvas ꞌapáxa an aín bimi pi ꞌitsaira kuëëni tsókanti ꞌikën.

Ezequiel 37:22

Usakin ꞌakin kana atúxa achúshi ëmaishi ënë menu ꞌia, Israel me kamanu tsótibi achúshi ꞌapuñushi ꞌinun ꞌimiti ꞌain. Usai tsóti ka amiribishi rabë́ ëma ꞌinun ꞌitëkëni ënanantëkëni, rabë́ ꞌapuñu ꞌitëkëntima ꞌikën.

Amós 1:8

Usokin ꞌanan kana Asdodnu ꞌikë unikama ꞌakin, Ascalón ꞌikë aribi masókin ꞌanan kana, ¡Ecrón nu ꞌikëkama aribi masókin këñuti ꞌain, këñukëx ka filisteo unikama ax achirabi bërútima bamati ꞌikën!” Ësai ka Nukën ꞌIbu kiaxa.

Amós 4:1

Samarianu ꞌikë xanukama ësokin mitsu kamainun kamina kuati ꞌain: Mitsux kamina Basán menu ꞌikë vaca ain xanu xuabu usaribi ꞌaish xubairabu ꞌain, usa ꞌixun kamina uni ñuñuma ꞌatima onan, an ñu kuëënkin bisatankë a ꞌianan, mitsun bënëkamaribi a xëati uvas baka paëokin ꞌakë bëxunun kixun kain.

Amós 5:11

Mitsun kamina kuríkiñu ꞌixun ñuñuma unikama a ꞌatima okin atun trigo kupísa mitsu kupíonun kixun ꞌamin, usa ꞌain kamina mitsun xubu maxá upíokin ꞌakë anubi ꞌima ꞌianan, mitsun ꞌapákë uvas baka abi xëakantima ꞌain.

Amós 6:1

¡Axa Jerusalén ꞌikëbi Sión kakë anu tëmëraima bukukë unikama! ¡ꞌianan Samaria ëmanu uisaibi kananuna ꞌima kixun sinani bukukë ꞌapukama, amia Israel unikama katamëkë atux ka kuanti ꞌikën!

Amós 6:3

Mitsun kamina upiti bukukinbi uisa ñu kara inuti ꞌikë a ꞌunánkaniman, usa ꞌain ka a sinanimami bukukë a ñunbi mitsu ꞌatima oti ꞌikën.

Amós 8:6

¡Usa ꞌain kananuna ñuñuma unikama an nu ribinkë kupíoi nunubi tënun ꞌimiti ꞌain, usokin ꞌakëxun ka rabë́ taxakara kupínbi nu ñu mëëxunti ꞌikën! ¡Usai ꞌia kananuna trigo ꞌaisama abi atu maruti ꞌain!”

1 Samuel 5:1

Usakin atu ꞌaxun bixun ka bunántisa okin ꞌakë anua Diosan kushi ꞌikë a filisteo unikaman Eben-ézer anuxun bibiankin atun ëma Asdod kakë anu buánkëxa;