Amós 3:6 - Kashibo-Kakataibo Biblia

⁶ ¿manë banañu ëmanuxun banókë ax kara, anua unikama mëníokati ꞌakë ꞌik? Usa kat; ¿ñu ꞌaisama ëmanu inúkë ax ka Dios usai ꞌiti kuëënkëbëa ꞌikë ꞌiti ꞌik? Usa kat.

Amós 3:6 ပူးပေါင်းရင်းမြစ်များ

Génesis 50:20

Mikaman kamina ꞌë ꞌatima oti sinánkën, usakin mitsun ꞌaiabi ka Nukën ꞌIbu Diosan ꞌatima okin ꞌakë a upíokin bërínu iskë ñukama ënë mëníoxa: usa ꞌain kana ꞌën ꞌitsaira uni bamati ꞌikëbi ꞌakian.

2 Reyes 6:33

Kixun atu kaia sënë́nkë ꞌaímabi ka, anua Eliseo ꞌikë xubunu bëbakin Eliseo kakëxa: —Diosanbi ka ësainu nux ꞌinun nu ꞌimiaxa, ¿añu karanuna nua ꞌakinun kixun kainkin nun ꞌati ꞌain?

Isaías 45:7

ꞌËn kana nëtë xabá ꞌinun ꞌimianan bëánkibukë aribi uniokën; ꞌimainun kana upia ñu ꞌinun ꞌimianan ꞌatimaribia ꞌinun ꞌimin. ꞌËx mitsun ꞌIbu ꞌixun kana usaía kamabi ñukama ñu ꞌinun ꞌimin.

Ezequiel 33:3

Usokin ꞌakëxun ka an bërúanti anëkë unin an ka ami nishkë unikaman suntárunën atux anu ꞌikë me ꞌurama obëtsinia iskin, aín aintsikama mëníokatanun aín manë banañu banoti ꞌikën.

Oseas 5:8

¡ꞌAkanankëbëtan a banokë ñuina manchan Guibeánuxun banoti ꞌain, ꞌanan kamina manë banoti aribi Ramá anuxun banoti ꞌain! ¡ꞌAnan kamina ñu ꞌikëbë banati nankë aribi Bet-avénnuxun banamiti ꞌain! ¡ꞌAnan kamina anun bënëtishi mëníokati ñu aribi Benjamínën me kamanuxun bana oti ꞌain!

Amós 3:5

¿achúshi ꞌisá menu pakëkë ax kara ami ꞌiti ñu nankë ꞌaia ami ꞌikë ꞌik? Usa kat; ¿anu ñu ꞌiti nankë axa menuax tarishkikë ax kara amia ñu ꞌikëxa ꞌikë ꞌik? Usa kat;

Hechos 2:23

Usoquian ñu ꞌacëbi camina mitsun unían ꞌináncëxun bixun ꞌaisama uni rabë́cëñun i curúsocënu matásmitancëxun bamamian. Usai ca ꞌiti ꞌicë quixuan, ënë nëtë unitisama pain ꞌain Nucën Papa Diosan mëníosabi oi ca ꞌiaxa.

Hechos 4:28

usai ca ꞌiti ꞌicë quixunmi mëníosabi oi ca usai ami ꞌiaxa.

2 Corintios 5:11

Usaquin ca Nucën ꞌIbu Jesucristonën unicama ashúshi achúshi isti ꞌicë quixun ꞌunánquin cananuna ami racuë́quin camabi unínribi ꞌunánun a ñucama ñuiquin bana ñuixunin. An nu sinánmicësabi oquin cananuna bana ñuixuni quixun ca Nucën Papa Diosan ꞌunánxa. Usaquinu ꞌaiami mitsúnribi ꞌunánti cana cuëënin.