Amós 3:2 - Kashibo-Kakataibo Biblia

² “ꞌËn kana kamabi menu ꞌikë unikama ꞌakima mitsuishi kaisakën. Usa ꞌikë kana uisa ñu ꞌatimakama kaina ꞌakan usakinbi a kupín mitsu tëmëramiti ꞌain.”

Amós 3:2 ပူးပေါင်းရင်းမြစ်များ

Génesis 10:32

Ënëkamax ka Noénën bëchikënën aintsikama ꞌiakëxa, usa ꞌain ka aín rëbúnkinëx anubia aín rara tsóa menubi ꞌiakëxa. Baka chaiira ꞌikuatsian ꞌain ka abisi amanu amanu kuani atun ëmabi ꞌai anu tsókankëxa.

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

Éxodo 32:34

Usa ꞌain kamina ënë unikama a me ꞌinánnuxun mi kakë anu uanti ꞌain. ꞌËn ángel kana an mi rëkuë́n obianun xuti ꞌain. ꞌImainun kana uínsaran kara uni ꞌaisamaira tëmëramiti nëtë ꞌia a nëtën, kana atun ꞌucha kupín ꞌën ꞌaisamaira tëmëramikin ꞌatima oti ꞌain.

Isaías 63:19

Usa ꞌain kananuna nux uínsaranbi min ꞌakinkëmasa ꞌianan, uínsaranbi min unibu ꞌikëmasa ꞌiakën.

Jeremías 1:15

ꞌËx Dios ꞌaish kana usai ka ꞌinuxun ꞌaia kin, usa ꞌain kana aín tsipúmiax ꞌapukama aín suntárukamabë unun ꞌimiti ꞌain. Ukëbë ka atun ꞌapukama atúxribi aín suntárukamabëbi uxun, Jerusalénnu anun atsínti xëputi anubi atun tsóti akánti ꞌikën, ꞌanan ka anun ëma kënëara abi bëararakin Judá menu ꞌikë ëmakama aribi bëararakanti ꞌikën.

Jeremías 14:10

Diosan ka Jeremías Judá menu tsókë aín uni Israelkama ñuikin kakëxa: Ënë unikamax ka atun kuëënkësa oi ñu ꞌaíma bëtsinu bëtsinu kuani niti kuëënia. Usa ꞌikë kana a unikama ꞌën kuëënkin isiman. Usa ꞌain kana bërí atun ñu ꞌatima ꞌakë a sinánkin, atun ꞌuchakë kupí ꞌatima oti ꞌain.

Daniel 9:12

Min nunu ñu ꞌatimaira ꞌimikin kamina usokin kana ꞌati ꞌai kiaxmi kia usabi okin nu ꞌimianan ꞌapukamanuribi ꞌimian, usa ꞌain ka uínsaran nëtënbi bëría ꞌikë ësai Jerusalénnu ñu ꞌikëma ꞌikën.

Oseas 2:13

Usa ꞌain kana bëráma nëtë inumikin atun bëtsi dioskama rabia a kupín tëmëramiti ꞌain, atun ka bëtsi dioskama a rabikin, mëñusuti ꞌimainun aín tëñuti akama ꞌamiakëxa, usakin ꞌai ka bëtsi ñu diosmabi rabi ꞌëmi manúkankëxa ꞌëx Dios ꞌaish kana ësai kin, kiax Dios Israel unikama ñui kiakëxa.

Oseas 5:3

ꞌËn kana Efraín ꞌunán; usa ꞌain kana uisai kara Israel ꞌia a ꞌën ꞌunán. Efraín ax ka aín nami bëtsi bëtsi uni ꞌakë xanusa ꞌikën; usa ꞌixun ka Israel unikama ꞌitsaira ñu ꞌatima ꞌakin ꞌuchamiaxa.”

Amós 2:4

Ësai ka Nukën ꞌIbu kia: “Judánu ꞌikë unikaman ka ꞌitsaira ñu ꞌakin ꞌaisama ñuira ꞌaxa, usa ꞌikë kana ꞌatima oti ëntima ꞌain, atun ka Diosan ꞌunánmisa tankë ñukama ënkin ax kikësaibi ꞌiti banakama a tanima ꞌiakëxa, usai ꞌikin ka atun papan rabia abi ꞌaxuan unin a rabia ñukama rabikankëxa.

Amós 3:3

Achúshi achúshi ñu ꞌikë ax ka an ꞌimiti anu aia ꞌikë ꞌikën, ¿Rabë́ uníxa ënananima nikë ax kara usakin kananuna ñu ꞌati ꞌai kiax kanamaxa ꞌikë ꞌik? Usama kat;

Amós 6:1

¡Axa Jerusalén ꞌikëbi Sión kakë anu tëmëraima bukukë unikama! ¡ꞌianan Samaria ëmanu uisaibi kananuna ꞌima kixun sinani bukukë ꞌapukama, amia Israel unikama katamëkë atux ka kuanti ꞌikën!

Miqueas 2:3

Usa ꞌain ka ësai Nukën ꞌIbu kia: ꞌËnribi kana uisa karana mitsu oti ꞌai kixun sinanin. Usa ꞌixun kana mitsúxmi ꞌatima ñuira inuti uisai kaina ꞌikani usai ꞌimi, ñuina ꞌarakakë aín tëxanu tëkërëkakëx aín maxká pikukasmakësa usaribiti ꞌinun mitsu ꞌimiti ꞌain, usai ꞌi kamina mitsux rabiakati nitsi nux kananuna bëtsi unikamasama ꞌai kixun sinánkë a nëtë́ti ꞌain, anun ꞌatima ñuira inuti nëtë ꞌikëbë.

Hechos 17:26

An ca achúshi uni aín rëbúnquicamaxa mecamanu tsónun uniocëxa. Unioquin ca uiti barin cara aín rëbúnquicamax camabi menu tsóti ꞌicë quixun mëníonan, anua aín me sënë́ncëcamaribi mëníoxuancëxa.

Romanos 2:9

An castícancë ꞌaish ca an ñu ꞌaisama ꞌacë unicama aín ꞌucha cupí, Nucën Papa Diosbë xënibua ꞌaínbi ꞌíma ꞌaisamairai tëmërati ꞌicën. Judíos unibunëxëshia tëmërati ꞌaínbi ca judíosma unibunëxribi aín ꞌucha cupí tëmërati ꞌicën.

1 Corintios 8:3

Usa ꞌaínbi ca axa asérabi ami sináncë uni a Nucën Papa Diosan ainan ꞌicë ꞌunania.

Deuteronomio 10:15

Usa ꞌain ka Nukën ꞌIbu nun chaitiokëkama nuibakëxa, nuibakin ka aín rëbúnkikama kaisakëxa, a kananuna nux ꞌain, usa ꞌaish kamina bëtsi ëmanu ꞌikë uni kamasama ënu nux bërí ꞌain.

Deuteronomio 26:18

ꞌImainun ka Nukën ꞌIbu ësai kiaxa Israel unibu mitsux kamina achúshi ëma asérabi bërí ꞌën unibu ꞌiti ꞌain, ꞌëx kiásabiokin kana ꞌën mitsu kaisakën, usa ꞌain kamina ax kikësabira oi ꞌiti bana a tanti ꞌain.

Deuteronomio 32:9

usakin ka Nukën ꞌIbu Jacobnën rëbúnkikama, aín uni ꞌiti kaisakëxa.

Deuteronomio 4:32

Mitsun kamina ësokin sinánti ꞌain, bërámabi nëtë ióñu ꞌia ꞌimainun, Diosan ënë nëtënu uni uniotabakin unio; a kamina mitsun kamabi menu ꞌikë unikama atunuribi kara Israel menu ꞌikësaribiti Diosan ꞌakinkëx ñu ꞌiakëxa kixun ñukáti ꞌain.

Deuteronomio 7:6

Mitsux kamina ainan ꞌitia Nukën ꞌIbun kaisa a ꞌain; usa ꞌikë ka Nukën ꞌIbu Diosan achúshi ëma upíira ꞌinun mitsu ꞌimiaxa, usa ꞌaish kamina bëtsi menu ꞌikë ëmakamasamaira upíira ꞌinun mitsu ꞌimiaxa.

1 Pedro 4:17

An aín bana ꞌacë unibi ca Nucën Papa Diosan uisai cara ꞌia quixun isia. Usa ꞌixun ca an aín bana cuacëma unicama aira atun ñu ꞌatima ꞌacë isquin uisaira cara oti ꞌicë usoquin ꞌati ꞌicën.