Amós 3:15 - Kashibo-Kakataibo Biblia

¹⁵ ꞌAnan kana anuxun mita inúmiti ꞌanan, anu baritia inúmi tantiti xubukamaribi ꞌati ꞌain, ꞌanan kana xubukama ñuina xëtakëñun mëskukin, kuríkiñu unikaman ꞌamikë akamaribi ꞌimainun ꞌapu chaiirabu akamaribi këñuti ꞌain.” Kiax ka Dios kiaxa. (Xubu kuríki.)

Amós 3:15 ပူးပေါင်းရင်းမြစ်များ

1 Reyes 22:39

Kamabi usaía Ahab ꞌia ꞌimainun usakian xubu marfil kakë ñu uxua ꞌaish iruira ꞌamianan, ëma ꞌá akama ka crónicas kirika anua Israel ꞌapukaman ñu ꞌá kuënëokë anu kuënëokë ꞌikën.

Jeremías 36:22

A nëtën ka nueve ꞌuxë ꞌirukë anun mita ꞌain xubu panaitsi anua tsi tikakë ꞌiakëxa.

Amós 2:5

Usa ꞌain kana Judá ëma tsin bimiti ꞌain, bimikëxun ka a tsinbi Jerusalénnu ꞌikë ꞌapun xubukama a në́nkin xaroti ꞌikën.”

Amós 3:11

Usa ꞌain ka ësai Nukën ꞌIbu Dios kia: “Axa ami nishkë Samaria ëmanu ꞌikë suntárukama me tsitsiru bëtsini amami amamiax ukin ka anun ëma bëararakë a rurupabiani atsínxun ꞌapun xubukamanu ꞌikë ñukama biti ꞌikën.”

Amós 5:11

Mitsun kamina kuríkiñu ꞌixun ñuñuma unikama a ꞌatima okin atun trigo kupísa mitsu kupíonun kixun ꞌamin, usa ꞌain kamina mitsun xubu maxá upíokin ꞌakë anubi ꞌima ꞌianan, mitsun ꞌapákë uvas baka abi xëakantima ꞌain.

Amós 6:11

Usa ꞌain ka Diosax xubu cha akama ꞌimainun xubu chukúmakama ax ka ꞌatimokëx kamáxbi ꞌaíma ꞌiti ꞌikë kiax kiti ꞌikën.

Malaquías 1:4

Esaúnën rëbúnki edomitakama ax ka kisatani ësai kiti ꞌikën: “Nukamax kananuna numi nishkë unikaman këñúkë ꞌian, ꞌaínbi kananuna amiribishi nun ëma birutëkënti ꞌain kiax ka kiti ꞌikën,” ꞌaínbi ka Dios kamabi kushiñu an atu kati ꞌikën: “Mitsun kamina amiribishi birutëkënti ꞌain, ꞌaínbi kana amiribishi ꞌën rurupatëkënti ꞌain.” Usakin ꞌakë ka unin a me anua uni ñu ꞌatima ꞌakëishi tsókë kakin a me anëti ꞌikën, anëanan ka amia Dios sënënima nishkë me kakin anëti ꞌikën.