Amós 3:12 - Kashibo-Kakataibo Biblia

¹² Ësai ka Nukën ꞌIbu kia: “An ñuina bërúankë unían paru ꞌinúanën pikëbi aín, taë rabë́ bianan aín pabí rëbura bikë usaribiti ka Israel unikama axa Samaria menu tsókë akamax ꞌitsamashi abáti ꞌikën, ꞌianan ka an xubu upíirakama anu tsóti ꞌanan, ami tëpi rakati Damasconu ꞌikë xubukama anu ꞌakë atúxribi abáti ꞌikën.”

Amós 3:12 ပူးပေါင်းရင်းမြစ်များ

1 Reyes 22:25

Kakëxun ka Micaíasnën kakëxa: —Min kamina uínsaran nëtën kaina anu unë́ti xubu kata itsi kata itsi anu ꞌuxkë anua bari anun ꞌën kakësabi oi ꞌi kixun ꞌunánti ꞌain.

Isaías 31:4

Ësokin ka Nukën ꞌIbun ꞌë kaxa: “Achúshi paru ꞌinúanëx ka oveja bixun rëtëax, an ñuina bërúankë unikamami rakuë́tima, ꞌianan ka kamaxi timë́xun, munuma kuënkëni banakinbi ratutima ꞌikën, usaribikin ka Nukën ꞌIbu kamabi kushiñu ax aín unikama Sión kakë bashi anua ꞌakini uti ꞌikën.

Isaías 8:4

Usa ꞌain ka min bëchikë axa papa kianan tita kikin ꞌunánkëma ꞌaínshi Damasco ꞌimainun Samaria ëma masókin, ꞌatankëxun anua ꞌikë ñukama ꞌain upíbuira akama Asirianu ꞌikë ꞌapun atu ꞌatankëxun ꞌain menu buánti ꞌikën.”

Amós 6:4

Mitsun kamina anu uxti ñu xëta ꞌakë upíira anu rakáxun nëtë inúmin, usai ꞌikin kamina oveja tuá bërí kanikëkama a ꞌimainun vaca bërí kanikëkama xuairabu a ꞌaxun pikanin;

Amós 9:8

ꞌËn kana ënë ëmanu ꞌikë unikama ꞌuchañu isan, usa ꞌain kana ësai kin: “ꞌËn kana ënë menua atu këñuti ꞌain, usa ꞌaínbi kana Jacobnën rëbúnkikama kamaira këñutima ꞌain. ꞌËx Dios ꞌaish kana, ësai kin.