Amós 3:11 - Kashibo-Kakataibo Biblia

¹¹ Usa ꞌain ka ësai Nukën ꞌIbu Dios kia: “Axa ami nishkë Samaria ëmanu ꞌikë suntárukama me tsitsiru bëtsini amami amamiax ukin ka anun ëma bëararakë a rurupabiani atsínxun ꞌapun xubukamanu ꞌikë ñukama biti ꞌikën.”

Amós 3:11 ပူးပေါင်းရင်းမြစ်များ

Génesis 34:27

Usakian ꞌakë ꞌain ka Jacobnën bëchikë raíri kamaxribi uakëxa, ai ka uni bamakëkamanënbi nikiani kuankin a ëmanu ꞌikë ñu upíbu ꞌimainun bëtsi ñukamaribi biakëxa, aín chirabakë Dina nënën mëëkë a sinánkin.

Amós 2:5

Usa ꞌain kana Judá ëma tsin bimiti ꞌain, bimikëxun ka a tsinbi Jerusalénnu ꞌikë ꞌapun xubukama a në́nkin xaroti ꞌikën.”

Amós 3:10

Ësai ka Dios kia: “Atun ka upíokin ñu ꞌati ꞌunanima; usa ꞌixun ka ꞌapun xubukamanu bënë́kinshia mëkamakin bikë ñukama bukunruaxa.”

Amós 3:15

ꞌAnan kana anuxun mita inúmiti ꞌanan, anu baritia inúmi tantiti xubukamaribi ꞌati ꞌain, ꞌanan kana xubukama ñuina xëtakëñun mëskukin, kuríkiñu unikaman ꞌamikë akamaribi ꞌimainun ꞌapu chaiirabu akamaribi këñuti ꞌain.” Kiax ka Dios kiaxa. (Xubu kuríki.)

Amós 6:14

Israel unikama mitsun kamina upíokin kuati ꞌain; Nukën ꞌIbu Dios kamabi kushiñu ax ka ësai kia: “ꞌËn kana achúshi ëmanu ꞌikë unikama an mitsu, asérabi tëmëramikin atsanmiti xuti ꞌain, xukëx aín tsipúmiax ukin ka aín rëbumi okin tëokima mitsu atun ꞌati ꞌikën.”

Amós 6:8

Usa ꞌain ka Dios ax asérabi sinanatëkëntima oi ësai kiaxa; Dios kamabi kushiñu ax ka usai kia: ꞌËn kana Jacobnën rëbúnkikamaxa rabiakakë a kuëëniman usa ꞌain kana ꞌapun xubukamanua ꞌikë ñu upíbu; a axa ami nishkë unikaman atun ëmanua buántanun ꞌamiti ꞌain.”