Amós 2:9 - Kashibo-Kakataibo Biblia

⁹ Usa ꞌaínbi kana ꞌën mitsúxmi anun unun, amorreo unikama kamabi këñukin ꞌakën; atux ka kushiirabu ꞌaishi kunxantibu atun chaxkë́ ꞌianan roble kakë i chaxkë́ tëmú ꞌiakëxa.

Amós 2:9 ပူးပေါင်းရင်းမြစ်များ

Génesis 15:16

Usai cuatrocientos baritia tsótankëx ka min bëchikënën bëchikë min xuta aín bëchikënën bëchikë akamax ka min rëbúnki ꞌaish amiribishi ënë menu utëkënuxun ꞌaia, usa ꞌaínbi ka anun ꞌën amorreo unikama aín ꞌucha kupín ꞌatima oti nëtë ꞌisama pain ꞌikën.

Éxodo 3:8

Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Éxodo 34:11

ꞌËn kakësokinmi bërí mitsun ꞌakëbëtan kana mitsun ismainunbi anumi tsóti kuankanti me anu ꞌikë unikama kuantanun chikínti ꞌain, ax ka amorreos, cananeos, hititas, ferezeos, heveos ꞌimainun jebuseos unikama a ꞌikën.

Malaquías 4:1

Dios kamabi kushiñuira ax ka ësai kia: “Kamina kuakanti ꞌain: ënuax basimashi ka kininuaxa tsi ërë́rukë usa nëtë ꞌiti ꞌikën, an ka axa rabiakakë unikama ꞌimainun an ñu ꞌatima ꞌakë akama basi chushikë nëmëkë usai ꞌitánun ꞌati ꞌikën. Usa ꞌain axa uti nëtë ax ukin ka kamabi ñu këñuti ꞌikën, usakin ꞌakëx atunan añu ñubi ꞌaíma ꞌiti ꞌikën.

Josué 10:12

A nëtë́an Nukën ꞌIbun ꞌamikëxun israel unibunën amorreo unikama ꞌakë a nëtën ka Josuénën aín suntárukaman kuamainun Nukën ꞌIbun ñukákin ësokin kakëxa: Barix ka Gabaón puntë nirakëti ꞌikën; ꞌimainun ka ꞌuxëribi Aialón kakë me puntë ami nirakëti ꞌikën.

Josué 3:10

Ax ka nubë ꞌikë kixun nukaman ꞌunánun ka Diosan aín kushínbi aín menu bëbakin nun cananeo, hititas, heveos, ferezeos, gergeseos, amorreos ꞌimainun jebuseos akamabi aín me bikuanti ꞌikën.