Amós 1:8 - Kashibo-Kakataibo Biblia

⁸ Usokin ꞌanan kana Asdodnu ꞌikë unikama ꞌakin, Ascalón ꞌikë aribi masókin ꞌanan kana, ¡Ecrón nu ꞌikëkama aribi masókin këñuti ꞌain, këñukëx ka filisteo unikama ax achirabi bërútima bamati ꞌikën!” Ësai ka Nukën ꞌIbu kiaxa.

Amós 1:8 ပူးပေါင်းရင်းမြစ်များ

Isaías 1:25

ꞌËn kana amiribishi mitsun ñu ꞌakëkama mëníoxunkin ñu puti bukúnxun në́nkë; usa ꞌitanun mitsun ꞌatima ñu ꞌakëkama upíira upí ꞌitánun mëníoti ꞌain.

Joel 3:4

¿Añu kaina Tiro, Sidón ëmanu ꞌikë ꞌianan Filisteokaman menu ꞌikë unikama mitsun ꞌëbëtan kuëënin? ¿Mitsun kaina ꞌë ꞌatima oti sinánkanin? ¿Añu kaina ënua bisatankanin? ¡ꞌËn kana bënë́kinshi uisokin karana ꞌaisatani usakin mitsu tëmëramiti ꞌain!

Amós 1:7

Usa ꞌain kana anun Gaza kakë ëma kënëara a pain tsin bimiti ꞌain, ꞌakëxun ka a tsinbi ꞌapun xubukama këñukin në́nti ꞌikën.

Amós 3:9

An bana ñuikë mitsun kamina anu kuantankëxun, Asdodnu ꞌikë unikama ꞌimainun: Egiptonu ꞌikë unikama mikaman kamina; “Samarianu ꞌikë unikama kara Diosan uisa oia isi unun kati ꞌain anuxun ka suntárukama aín bashi manan bukuxun aín aintsibi tëmëramianan ꞌatima okë a isi uti ꞌikën.”

1 Samuel 6:17

Mapai achúshi okin kuri ku tankin ꞌakë ax ka filisteo unikaman Nukën ꞌIbun atun ëma Asdod, Gaza, Ascalón, Gat, ꞌimainun Ecrón akama ꞌatimokin tëmëramitima kupí ꞌakë ꞌiakëxa;