Amós 1:7 - Kashibo-Kakataibo Biblia

⁷ Usa ꞌain kana anun Gaza kakë ëma kënëara a pain tsin bimiti ꞌain, ꞌakëxun ka a tsinbi ꞌapun xubukama këñukin në́nti ꞌikën.

Amós 1:7 ပူးပေါင်းရင်းမြစ်များ

Amós 1:4

Usa ꞌain kana Hazael kakë ꞌapu kamabi aín aintsikama ꞌia a ꞌimainun bërí ꞌikë akamaribi ꞌaíma ꞌitánun tsin këñuti ꞌain, usakin ꞌakëxun ka a tsinbi Ben-hadad kakë ꞌapu ain xububi xarokin këñuti ꞌikën.

Amós 1:6

Ësai ka Dios kiaxa: “Gazanu ꞌikë unikaman ka ꞌitsaira ꞌatima ñuira axa, usa ꞌain kana ꞌaimama ꞌikinma atu tëmëramiti ꞌain; atun ka achúshi ëmanu ꞌikë uni kamabi ñatanbiankin buánxun, tëmëramikin ñu mëëmikë unisa ꞌikë Edomnu ꞌikë unikama maruakëxa.

Amós 1:8

Usokin ꞌanan kana Asdodnu ꞌikë unikama ꞌakin, Ascalón ꞌikë aribi masókin ꞌanan kana, ¡Ecrón nu ꞌikëkama aribi masókin këñuti ꞌain, këñukëx ka filisteo unikama ax achirabi bërútima bamati ꞌikën!” Ësai ka Nukën ꞌIbu kiaxa.

Romanos 12:19

ꞌËn xucë́antu, axa mimi nishcë uni camina mitsúnribi cupitima ꞌain, ësaía Nucën Papa Diosan bana cuënëo quicë cupí: “Uix cara ꞌuchaia a cana ꞌënbi usaribi oquin cupiti ꞌain”. Usa ꞌain camina unin mitsu ꞌatimocëxunbi, Nucën Papa Diosainshi ca cupiti ꞌicë quixun sinánti ꞌain.

Deuteronomio 32:35

Anun usakin ꞌati nëtë ꞌikëbëtan kana anun uisakin karana ꞌaisatani usakin ꞌati ꞌain, anun ka a nëtë sënë́nkëbë ꞌatima okë ꞌiti ꞌikën. Anun usakin ꞌati nëtë ka ꞌurama ꞌikën, ¡ꞌIanan ka basimashi usai ꞌiti ꞌikën!