Amós 1:6 - Kashibo-Kakataibo Biblia

⁶ Ësai ka Dios kiaxa: “Gazanu ꞌikë unikaman ka ꞌitsaira ꞌatima ñuira axa, usa ꞌain kana ꞌaimama ꞌikinma atu tëmëramiti ꞌain; atun ka achúshi ëmanu ꞌikë uni kamabi ñatanbiankin buánxun, tëmëramikin ñu mëëmikë unisa ꞌikë Edomnu ꞌikë unikama maruakëxa.

Amós 1:6 ပူးပေါင်းရင်းမြစ်များ

Joel 3:4

¿Añu kaina Tiro, Sidón ëmanu ꞌikë ꞌianan Filisteokaman menu ꞌikë unikama mitsun ꞌëbëtan kuëënin? ¿Mitsun kaina ꞌë ꞌatima oti sinánkanin? ¿Añu kaina ënua bisatankanin? ¡ꞌËn kana bënë́kinshi uisokin karana ꞌaisatani usakin mitsu tëmëramiti ꞌain!

Joel 3:6

ꞌIanan ka axa ami nishkë unikaman Judánu ꞌikë unikama ꞌura buánan Jerusalénnu tsókë unikama an ñu mëëmikin tëmëraminun griego unikama maruakëxa.

Amós 1:11

Ësai ka Nukën ꞌIbu kia: “Edomnu ꞌikë unikaman ka ꞌitsaira ꞌaisama ñu axa, usa ꞌikë kana ꞌaimama ꞌikima atu tëmëramiti ꞌain; atun ka nuibakinma aín manë xëtokë tuínxun aín xukë́n Israel unikama nuibianxun ꞌakëxa. Usakin ꞌai ka kana nuibati ꞌai kixun sinanima atumi nishakëxa.

Amós 1:3

Ësai ka Dios kia: “Damasconu ꞌikë unikaman ka ꞌitsaira ꞌatima ñuira ꞌaxa, usa ꞌain kana atu ꞌaimama ꞌikinma ꞌatima oti ꞌain; atun ka Galaadnu ꞌikë ꞌën unikama trigo bimi manë xon tákakin rishkikësa okinra tëmëramiakëxa.

Amós 1:7

Usa ꞌain kana anun Gaza kakë ëma kënëara a pain tsin bimiti ꞌain, ꞌakëxun ka a tsinbi ꞌapun xubukama këñukin në́nti ꞌikën.

Amós 1:9

Ësai ka Nukën ꞌIbu kia: “Tironu ꞌikë unikaman ka ꞌitsaira ñu ꞌakin ꞌatima ñuira ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka ꞌain ꞌaintsisa ꞌaish abë nuibanankë ꞌixunbi achúshi ñu ꞌá ami manukuainxun Edomnu ꞌikë unikama bëtsi uni ꞌakësokin ꞌinankëxa.

Hechos 8:26

Usaía ꞌian ca Nucën ꞌIbu Diosan xucëxun ángelnën Felipe cacëxa: —Jerusalénuax anun Gaza cacë ëmanu cuanti bai anu camina cuanti ꞌain. Usoquian ángelnën anu cuantánun quixun cacë bai ax ca anun anu uni ꞌicëma menu cuanti bai ꞌiacëxa.

1 Samuel 6:17

Mapai achúshi okin kuri ku tankin ꞌakë ax ka filisteo unikaman Nukën ꞌIbun atun ëma Asdod, Gaza, Ascalón, Gat, ꞌimainun Ecrón akama ꞌatimokin tëmëramitima kupí ꞌakë ꞌiakëxa;