Amós 1:5 - Kashibo-Kakataibo Biblia

⁵ ꞌAnan kana atux kuëënkëbëtamabi Damasco ëma masókin ain xëpútikama xëputisama ꞌitánun chánkapati ꞌain; usokin ꞌanan kana Bicat-avén, ꞌikëbi, Bet-edén kakinribi anëkë anu ꞌikë ꞌapu ꞌati ꞌain, usakin ꞌakëbëtan ka sirionu ꞌikë unikaman Quirnu ꞌikë unikama ñatanbiankin buankanti ꞌikën.” Usai ka Dios kiaxa.

Amós 1:5 ပူးပေါင်းရင်းမြစ်များ

Isaías 43:14

Israel unikaman ꞌIbu Dios ꞌupíira, an atu ië́mikë ax ka ësai kiaxa: mitsu ië́mikin ꞌakinuxun kana Babilonianu suntárukama xuti ꞌain, ꞌakian anun ëmanu atsínti ain xëkuëkama rurupanun xuti ꞌain, usokin atun ëma masókin ꞌaia isi ka caldeo unikamax masánuituti inkanti ꞌikën.

Isaías 8:4

Usa ꞌain ka min bëchikë axa papa kianan tita kikin ꞌunánkëma ꞌaínshi Damasco ꞌimainun Samaria ëma masókin, ꞌatankëxun anua ꞌikë ñukama ꞌain upíbuira akama Asirianu ꞌikë ꞌapun atu ꞌatankëxun ꞌain menu buánti ꞌikën.”

Amós 5:5

Betel kakë anu kuanxma ꞌianan kamina, Guilgal kakë anu ꞌikë anuribi kuankantima ꞌain usai ꞌi kamina Beerseba anu ꞌikë anunribi inútima ꞌain, Guilgalnu ꞌikë unikama ka ñatanbiankin uankë ꞌiti ꞌikën, ꞌimainun ka Betel ax uniñuma ñankáishi bërúti ꞌikën.”

Amós 9:7

Ësai ka Dios kia: “¿Mitsun kaina upí unibuisamina ꞌai kixun sinánkanin? Israel kama mitsux kamina, etíope unikamasaribi ꞌain. ꞌËn kana Egipto menua mitsu bëakën, usaribi okin kana Creta menua filisteo unikama bëanan, Quir kakë anuaribi arameo unikamaribi bëakën usa ꞌaínbi kamina mitsux atukamasama ꞌain.”