Amós 1:3 - Kashibo-Kakataibo Biblia

³ Ësai ka Dios kia: “Damasconu ꞌikë unikaman ka ꞌitsaira ꞌatima ñuira ꞌaxa, usa ꞌain kana atu ꞌaimama ꞌikinma ꞌatima oti ꞌain; atun ka Galaadnu ꞌikë ꞌën unikama trigo bimi manë xon tákakin rishkikësa okinra tëmëramiakëxa.

Amós 1:3 ပူးပေါင်းရင်းမြစ်များ

1 Reyes 19:17

Usokin ꞌakë ꞌain ka uix kara Hazaelnën manë xëtokën ꞌakaskëxbi anuax abatia ka Jehúnën ꞌati ꞌikën, ꞌimainun ka ui unix kara Jehúnën aín manë xëtokën ꞌakaskëxbi anuax abatia a ka Eliseonën ꞌati ꞌikën.

Job 19:3

Achúshira okin ꞌakinma kamina ꞌitsaira okin ꞌë ñuikanin; ¿usakin ꞌatimakin ꞌë ñuikë anun kaina rabinkaniman?

Job 5:19

Uínsaran kaina ñu ꞌatima inuti ꞌai anun ka achúshira okin ꞌakintankëxun ënkinma mi ꞌakinti ꞌikën, ꞌianan ka uisa ñu inuti kaina tëmërati ꞌai usabi mi tsónun mi ꞌimitima ꞌikën.

Proverbios 6:16

Anu ka mapai achúshi ꞌimainunbi, achúshiribi a ꞌatia Dios kuëënkëma a ꞌikën:

Eclesiastés 11:2

Mix kuríkiñu ꞌianan ñuñu ꞌixun kamina min ishi nankinma bëtsinu bëtsinu nanti ꞌain, usokëx ka min nankë ax këñúkëbëbi amanumi nankë ax mix ꞌatima ñu inúkëbëbi min nankë ñukama ax bëtsinu ꞌiti ꞌikën.

Isaías 41:15

Usakin ꞌakin kana mitsu anun ñu tákati i xëta, xëtabu ió aín xëta upí ꞌitánun ꞌakë usaribi ꞌimiti ꞌain; ꞌimikëxun kamina bashikama ñu putusa ꞌimianan me sapankamaribi, basi chushikësa ꞌitánun ꞌimiti ꞌain.

Isaías 7:16

ꞌAínbi ka tuá ax kanikian añu kara ꞌati ꞌikë añu kara ꞌatima ꞌikë kiax sinanákëma ꞌaínshi, an mitsu rakuëmikë ëmanu ꞌikë ꞌapu rabë́ ax masókin ꞌakëbë ñankáishi bërúti ꞌikën.

Isaías 7:8

Axa mitsumi nishkë unikama ax isa kushiira ꞌikë kixunmi mitsun, sinánkë ax ka usama ꞌikën, Damasco ëma ax ka chaiira ëma Asiria menu ꞌikën, usa ꞌain ka Resín ax Damasco ëma anu ꞌapu ꞌikën; ꞌimainun ka Samaria axribi ëma chaiira Efraín menu ꞌikën, usa ꞌain ka Remalíasnën bakë bëchikë ax Samaria ëmanu ꞌapu ꞌikën; ꞌaínbi ka sesenta ꞌimainun cinco baritia ꞌikëbë Efraínën ëma ax nëtë́ti ꞌikën;

Isaías 8:4

Usa ꞌain ka min bëchikë axa papa kianan tita kikin ꞌunánkëma ꞌaínshi Damasco ꞌimainun Samaria ëma masókin, ꞌatankëxun anua ꞌikë ñukama ꞌain upíbuira akama Asirianu ꞌikë ꞌapun atu ꞌatankëxun ꞌain menu buánti ꞌikën.”

Amós 1:11

Ësai ka Nukën ꞌIbu kia: “Edomnu ꞌikë unikaman ka ꞌitsaira ꞌaisama ñu axa, usa ꞌikë kana ꞌaimama ꞌikima atu tëmëramiti ꞌain; atun ka nuibakinma aín manë xëtokë tuínxun aín xukë́n Israel unikama nuibianxun ꞌakëxa. Usakin ꞌai ka kana nuibati ꞌai kixun sinanima atumi nishakëxa.

Amós 1:13

Ësai ka Nukën ꞌIbu kia: Amónnu ꞌikë unikaman ka ꞌatima ñu ꞌakin ꞌitsaira ꞌaisama ñuira ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka Galaad menu ꞌikë Israel unibunën xanu tuñukama atun me chaiira a bisatankin, panárabë okin tukapakëxa.

Amós 1:6

Ësai ka Dios kiaxa: “Gazanu ꞌikë unikaman ka ꞌitsaira ꞌatima ñuira axa, usa ꞌain kana ꞌaimama ꞌikinma atu tëmëramiti ꞌain; atun ka achúshi ëmanu ꞌikë uni kamabi ñatanbiankin buánxun, tëmëramikin ñu mëëmikë unisa ꞌikë Edomnu ꞌikë unikama maruakëxa.

Amós 1:9

Ësai ka Nukën ꞌIbu kia: “Tironu ꞌikë unikaman ka ꞌitsaira ñu ꞌakin ꞌatima ñuira ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka ꞌain ꞌaintsisa ꞌaish abë nuibanankë ꞌixunbi achúshi ñu ꞌá ami manukuainxun Edomnu ꞌikë unikama bëtsi uni ꞌakësokin ꞌinankëxa.

Amós 2:1

Ësai ka Nukën ꞌIbu kia: Moabnu ꞌikë unikama atúnribi ka ꞌitsaira ñu ꞌaisama ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka Edomnu ꞌikë ꞌapun xokama ꞌaímai chimaputanun xarokëxa.

Amós 2:4

Ësai ka Nukën ꞌIbu kia: “Judánu ꞌikë unikaman ka ꞌitsaira ñu ꞌakin ꞌaisama ñuira ꞌaxa, usa ꞌikë kana ꞌatima oti ëntima ꞌain, atun ka Diosan ꞌunánmisa tankë ñukama ënkin ax kikësaibi ꞌiti banakama a tanima ꞌiakëxa, usai ꞌikin ka atun papan rabia abi ꞌaxuan unin a rabia ñukama rabikankëxa.

Amós 2:6

Ësai ka Nukën ꞌIbu kia: “Israel unikaman ka ꞌaisama ñu ꞌakin ꞌatima ñuira ꞌaxa, usa ꞌain kana ꞌaimama ꞌikinma atu tëmëramiti ꞌain; atun ka uni upí bëtsi ñu ꞌakëmabi kuríki bianan bëtsi uni ꞌinánan, ñuñuma uni aribi ñu kupímara ꞌakësokin rabë́ taxaka kupín bëtsi uni maruia.