Amós 1:2 - Kashibo-Kakataibo Biblia

² Uínsaran kara Nukën ꞌIbu Dios ax Sión kakë aín bashi anuax banaia anun ka Jerusalénnuax kaná banakësaribi banai kiti ꞌikën, kia kuakëbë ka an ñuina bërúankë unikaman anuxun aín ñuina pimikë pasto ꞌimainun ka Carmelo kakë ain bashi rëbunua ꞌikë xëxá rëbukama axribi ëskiti ꞌikën.

Amós 1:2 ပူးပေါင်းရင်းမြစ်များ

Salmos 46:6

Uinsaran kara Diosan bëtsi bëtsi menu ꞌikë uni aín bana kuanun ꞌimia anun ka ratuti bëtsi ëmanu ꞌikë ꞌapukama me shaíkikë anunbi rakuë́ti ꞌikën.

Proverbios 20:2

Achúshi ꞌapu nishkë ax ka paru ꞌinúan kuëërui banakë usaribi ꞌikën; uin kara nishmia aka nishkin uisa kara okatsia usakin ꞌati ꞌikën.

Isaías 33:9

Mex ka uni ñukë ꞌain masá nuitukë usa ꞌikën, Líbano me axribi ka anu ꞌikë ikama chushikë ꞌain unix ꞌikësai rabinkësa ꞌikën, ꞌimainun ka Sarón kakë me sapan kiankë axribi anu uni ꞌikëma mesa ꞌikën, ꞌimainun ka Basán me ꞌianan Carmelo kakë bashi anu ꞌikëkama axribi me ëskikëbë xanani ikama axribi aín pëchi rëukubutia.

Isaías 35:2

ꞌianan ka ro ua ax ꞌapákësa ꞌinun uábuti ꞌikën, usaía ꞌikëbë ka unikama ꞌitsaira kuëënti ꞌikën. Diosan ka a menu ni upíira ꞌimiti ꞌikë, Líbano menu ꞌikësa ꞌinun, ꞌimianan ka Carmelo kakë me upíira a ꞌimainun me sapan Sarón kakë usaribi ꞌimiti ꞌikën. Kamabi unikaman Nukën ꞌIbu ax ka kushiira ꞌianan, ꞌapuira ꞌikë kixun ꞌunánti ꞌikën.

Isaías 42:13

Usa ꞌain ka Nukën ꞌIbu ax uínbia uisakinbi kakëma ꞌianan, axa ꞌakánanti ꞌunánkëira uníxa bëtsibë ꞌakanani kushikë usai ꞌiti ꞌikën; munuma kuënkëni axa ami nishkë unikama an ñusmokin ꞌai ꞌiti ꞌikën.

Jeremías 14:2

Judánu tsókë unikama ka nitë́xëti inia, usa ꞌain ka anu ꞌikë ëmakamanu ꞌikë unikamax tëmëraia, usai ꞌika anu ꞌikë unikama menu tsótax masánuitutia. Usai ꞌika Jerusalénnu ꞌikë unikama munuma kuënkëni paëtani inkania.

Oseas 13:8

Usakin ꞌai kana xaëón aín xanuxa aín tuákama nëtë́miax anun rabanan në́kë usai ꞌikin, ꞌën aín shikan tukapati ꞌain. Usakin ꞌakin kana paru ꞌinúanën ꞌakësokin ꞌakin anuxunbi pikin këñuti ꞌain; ꞌanan kana raëkëma ñuinanën ꞌakësa okinribi anuxunbi ꞌati ꞌain.

Joel 1:19

¡Usa ꞌain kananuna mixmi Dios ꞌikë ꞌakinun mi ñukatin, barin xanan ka anu uni ꞌikëma menua ꞌikë xubi ꞌimainun naënu ꞌikë ikama chushimiaxa!

Joel 2:11

Nukën ꞌIbux ka aín suntárukama bëtanainuax kaná banakësari banai kiti ꞌikën. Usa ꞌain ka aín suntárukama ꞌaisamaira ꞌaish uínbi tupunkin sënëoinsamaira ꞌixunbi an kakësabiokin ꞌaia. ¡Usa ꞌain ka anun Nukën ꞌIbu ꞌuti nëtë ax chaiira ami rakuë́ti nëtë ꞌikën! Usa ꞌikë ka uínbi tënëtima ꞌikën.

Joel 3:16

Uínsaran kara Dios munuma banai kaná banakësari aín bashi Sión kakë anuax ꞌianan Jerusalénnua ꞌia kuakania anun ka naíkamë ꞌëo ꞌimainun mekama shaíkiti ꞌikën. ꞌAínbi ka Diosan Israel unikama ami katamëtia ꞌakinti ꞌikën.

Amós 9:3

ꞌIanan kana aín bashi Carmelo kakë aín rëbu anu unë́ti sinánkëbi, ꞌënbi anua bari kuanti ꞌain; ꞌianan kana ꞌëmi unë́ti sinanx parúmpapa ꞌukëmëu kuankë ꞌikëbia, anu ꞌikë ñuinakan ꞌëo an masókin këñuanan ꞌatima oti xuti ꞌain;