3 Juan 1:1 - Kashibo-Kakataibo Biblia

¹ ꞌËx axa Jesucristomi catamëcë unicaman cushi ꞌixun cana, axa ꞌëx ꞌicësaribiti asérabi Nucën Papa Diosan uni ꞌaish ꞌë nuibacë Gayo, a ënë quirica buánmin.

Nukën 'Ibu Diosan ain unikama 'inan ain bana

¹ 'Ëx axa Jesucristomi catamëcë unicaman cushi 'ixun cana, axa 'ëx 'icësaribiti asérabi Nucën Papa Diosan uni 'aish 'ë nuibacë Gayo, a ënë quirica buánmin.

3 Juan 1:1 ပူးပေါင်းရင်းမြစ်များ

Hechos 11:30

Sinánxun achúshi achúshinën ꞌitsaira curíquiñu an ꞌitsa nanmainun ꞌitsamashi curíquiñu anribi ꞌitsamashi nantancëxun a curíquicama Saulocëñun Bernabé ꞌinánquin cacáncëxa: —Ënë curíquicama camina Judeanuxuan an Jesucristomi catamëcë unicama bana ñuixuncë unicama a ꞌinánti ꞌai —quixun.

Hechos 19:29

Usari quicëbë ca Efeso ëmanu ꞌicë unicama sharati tsuáquiruacëxa. Tsuáquiruquin Macedonia menu ꞌicë uni rabë́, Gayo ꞌimainun Aristarco, axa Pablobë nicë, a bixun nirínbianx ca anua unicama timë́cë xubunu abáquianx atsíancëxa.

Hechos 20:4

Cuancëbë ca Berea ëmanu ꞌicë uni, Sópater, a ꞌimainun Tesalónica ëmanu ꞌicë uni rabë́, Aristarco ꞌimainun Segundo, ꞌimainun Derbe ëmanu ꞌicë uni, Gayo, ꞌimainun Asia menu ꞌicë unicama, Timoteo, Tíquico, Trófimo, acamax Pablobë cuancëxa.

Romanos 16:23

ꞌËx cana Gayonën xubunu ꞌin. Ënë xubunu ca axa Jesucristomi catamëcë unicama timëtia. Gayo, anribi Jesucristonan ꞌixun ca bërúanxmi ꞌinun mitsu canun quixun ꞌë caxa. Erasto, an ënë ëmanu ꞌicë curíqui anun uni cupíoti a bërúancë uni, a ꞌimainun nucën xucën, Cuarto, anribi ca mitsúxmi bërúanx ꞌinun quixun mitsu canun ꞌë caxa.

1 Corintios 1:14

ꞌËn mitsu achúshibi nashimicëma cupí cana Nucën Papa Dios —asábi ca —cain. Crispo ꞌimainun Gayo a rabë́ishi cana nashimian.

1 Pedro 5:1

Axa Jesucristomi catamëcë unin cushicamasaribi cana ꞌëx ꞌain. Usa ꞌixun cana atúan ꞌacësaribi oquin Cristo camabi unin ꞌucha cupía tëmëra, a ñuiquin bana ñuixunin. ꞌAnan cana atúxa ꞌicësaribiti Cristo utëcëncëbë aín nëtënu abë ꞌiti sinanin. Usa ꞌixun cana axa Jesucristomi catamëcë unin cushicama mitsu ësaquin cain:

1 Juan 3:18

ꞌËn bëchicësa ꞌicë, cana mitsu cain, nun cuëbitanshi uni —ꞌën cana mi nuibati —quixun caquinma cananuna asérabi nuibaquin ꞌaquinsa ꞌicë a ꞌaquinti ꞌain.

3 Juan 1:2

ꞌËn nuibacë xucën, mix Jesucristomi catamëcë ꞌixun upí oquin sinanimi chuámarua ꞌicësaribitimi min namicamaribi chuámarua ꞌinun cana mi Nucën Papa Dios ñucáxunin.