2 Timoteo 4:7 - Kashibo-Kakataibo Biblia

⁷ Uisa ñuishi cara ꞌicëbë tëmëraquinbi cana Nucën Papa Diosan bana ënquinma uni ñuixunquin Jesucristonëan ꞌë cacësabi oquin ꞌaquin sënë́on. Usonan cana asérabi Nucën Papa Diosmi sinánti ëníma aín bana quicësabi oi ꞌian.

Nukën 'Ibu Diosan ain unikama 'inan ain bana

⁷ Uisa ñuishi cara 'icëbë tëmëraquinbi cana Nucën Papa Diosan bana ënquinma uni ñuixunquin Jesucristonëan 'ë cacësabi oquin 'aquin sënë́on. Usonan cana asérabi Nucën Papa Diosmi sinánti ëníma aín bana quicësabi oi 'ian.

2 Timoteo 4:7 ပူးပေါင်းရင်းမြစ်များ

Proverbios 23:23

ꞌAisamaira ñu ꞌunámikin, ꞌësëkë ꞌixun kamina bëtsi ñu ꞌakin uisa ꞌixunbi a manutima ꞌain.

Lucas 11:28

Cacëxun ca Jesusan cacëxa: —Usa ꞌaínbi ca an Nucën Papa Diosan bana cuanan a bana quicësabi oquin ꞌacë uni, axira ꞌën titaxa cuëëncësamaira oi cuëënti ꞌicën.

Lucas 8:15

Me upínua ñu bëru nipacëcë, usaribi ca raíri uni ꞌicën. A unicamax ca Nucën Papa Diosan bana asérabi cuacë ꞌixun aín nuitunubi racanaquin upí oquin sinánquin, uisai cara ñu ꞌicëbëtanbi ënquinma a bana quicësabi oquin ꞌaia. Atux ca ñu bëru me upínu nipacëax cotancëx canitancëxun tuaia ꞌaisamaira bimiñu usaribi ꞌicën.

Juan 17:6

Minmi usama ꞌicëbi ꞌëmi sinánmicë, acama cana uisa caramina mix ꞌai quixun ꞌunánun bana ñuixuan. Min unio ꞌaísha minan ꞌicëbi camina ꞌëmia sinánun ꞌimia. Usaquinmi ꞌimicëx ca ꞌën min bana ñuixuncëxun cuati ax quicësabi oi ꞌiaxa.

Juan 4:34

Canania isquin ca Jesusan cacëxa: —An ënë menu ꞌë xuá axa cuëëncësabi oquin ꞌanan an a ꞌanun ꞌë ca, a sënë́onuxun ꞌai cana ꞌëx picësa ꞌain. Usaquin ꞌën ꞌacëx ca ax ꞌën piti ñusa ꞌicën.

Hechos 13:25

Aín bamati nëtëa ꞌurama ꞌain ca ësai Juan quiacëxa: Mitsun camina ꞌëx isana Cristo ꞌai quixun sinanin. Ama cana ꞌain. ꞌËx ama ꞌain ca ꞌë caxu ꞌësamaira uni aia. Axa upíira ꞌaish cushiira ꞌain cana ꞌëx asaribima ꞌaish ami rabini a ꞌurama ꞌitima ꞌain. Usai ꞌiquin cana aín taxacabi tubuxuntima ꞌain.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Gálatas 2:2

Nucën Papa Diosan ꞌë sinánmicësabi oi Jerusalénu cuanx bëbax cana anu ꞌicë axa Jesucristomi catamëcë unin cushicamabëshi banacën. Banaquin cana ꞌën judíosma unicama Jesucristo ñuiquin ñuixuncë banacama ñuixuancën, usaquin cana unicama ca quixun caquin. ꞌËn usaquin bana ñuixunti cara atun sináncëx asábi ꞌicë quixun ꞌunánuxun cana ꞌën judíosma uni ñuixuncë banacama chiquinaquin cacën, ꞌën uni ñuixuncë bana axa ꞌëx cëmëi banacësa ꞌaish ñancáishi ꞌitin rabanan.

Filipenses 1:30

Usaribi oquin ca ꞌëribi ꞌimiaxa. Jesucristonan cupía unin ꞌë ꞌatimoia camina isacën. Bëríribi cana tëmërai quixun ꞌën mitsu quirica buánmicëxun camina ꞌunanin. ꞌËx ꞌicësaribiti camina mitsúxribi tëmërain.

1 Timoteo 1:18

Timoteo, ꞌën bëchicësa ꞌicë, cana mi cain, Nucën Papa Diosan sinánmicëx ca aín unicama mi ñui quiacëxa, —Timoteonëx upí ꞌixun ca Nucën Papa Diosan bana unicama ñuixunti ꞌicën. Mi ñuia usai quicë unicaman bana sinánquin camina ami catamëquin, Jesucristo cuëëncëma ñu ꞌaquinma ꞌaisama ñu ꞌati sinánquinbi tënëquin upí ñuishi ꞌati ꞌain.

1 Timoteo 6:12

Ñunshin ꞌatimanëan ꞌatimamitisa tancëxunbi tënëquin camina Nucën Papa Diosmi catamëcë ꞌixun ax cuëëncësabi oquinshi ñu ꞌati ꞌain. Usoquin ꞌatancëxmi xënibua ꞌaínbi aín nëtënu abë ꞌinun ca an mi caísacëxa. Asérabi cana ꞌëx usai ꞌi quiax camina ꞌitsa unían cuamainun quiacën.

1 Timoteo 6:20

Timoteo, cana mi cain, bana itsi ñuixunquinma camina Jesucristo ñuicë banaishi bëtsi oquinma unicama ñuixunti ꞌain. Jesucristo ñui quicë bana isa quixunbi ca bëtsi bëtsi unin asérabi a bana quicësa oquin ñuixunquinma bëtsi bana ñuia. A banax ca an ñu ꞌunáncë unicaman asérabi isa quixun ñuicë ꞌaíshbi ñancáishi ꞌicën. A bana camina cuatima ꞌain.

2 Timoteo 1:14

Aín Bëru Ñunshin Upí an nubë ꞌixun nu sinánmicë, an ꞌaquincëxun camina Nucën Papa Dios cuëëncësabi oíshi ꞌianan Jesucristo ñuicë banaishi ñuixunti ꞌain.

2 Timoteo 3:10

Min camina ꞌën bana ñuia upí oquin cuanan uisai carana ꞌëx ꞌi abi ꞌunánan añu carana ꞌaisa tani quixun ꞌunan. ꞌUnánan camina ꞌunan, ꞌën cana Nucën Papa Diosmi catamëquin, aín bana cuaisama taniabi ami nishquinma uni upí oxuinshi bana ñuixuan quixun. Camina ꞌunan, tëmëraquinbi ënquinma cana atu nuibaquin Nucën Papa Diosan banaishi sinánquin unicama ñuixuan.

Apocalipsis 3:10

Mitsun camina uisa ñu cara ꞌicëbëtanbi ꞌëmi catamëanan ꞌën bana quicësabi oquin ꞌati ëncëma ꞌain. Usaími ꞌicë cupí cana anúan unicama paë tani tëmërati nëtëa ucëbëmi tëmëraxma ꞌinun mitsu ꞌimiti ꞌain.

Apocalipsis 3:8

Mitsúnmi ñu ꞌacëcama cana ꞌunanin. ꞌËn cana ꞌunanin, mitsux ꞌitsairama ꞌixunbi camina ꞌën bana quicësabi oquin ꞌanan, ꞌëx cana Cristonanma ꞌai quiax quicëma ꞌain. Usa ꞌicë cana anun atsínti xëcuën atsíncësa ꞌinun ꞌën bana unicama ñuixunun mitsu ꞌimian. Usoquin ꞌimia ca ui unínbi mitsúnmi usoquin ꞌaxunma ꞌanun mitsu ꞌimitima ꞌicën.

Apocalipsis 6:11

Usai quia Nucën Papa Diosan ꞌináncëxun ca acama achúshi achúshinën chupa uxua biaxa. ꞌInáncëxuan bicëbëa ësoquin atu cai banaia cana cuan: —Mitsu ꞌacësaribi oquin axa Cristomi catamëcë raíri uniribi, unin ꞌaquin sënë́ontamainun, camina caínpainti ꞌain.