2 Timoteo 4:1 - Kashibo-Kakataibo Biblia

¹ Nucën Papa Dios ꞌimainun Nucën ꞌIbu Jesucristo, ax ꞌApuira ꞌaish uxuan uni bamacëmacama ꞌimainun uni bamacëcamaribi, uisa cara oti ꞌicë quixun isti, an cuamainun cana mi cain,

Nukën 'Ibu Diosan ain unikama 'inan ain bana

¹ Nucën Papa Dios 'imainun Nucën 'Ibu Jesucristo, ax 'Apuira 'aish uxuan uni bamacëmacama 'imainun uni bamacëcamaribi, uisa cara oti 'icë quixun isti, an cuamainun cana mi cain,

2 Timoteo 4:1 ပူးပေါင်းရင်းမြစ်များ

Salmos 96:13

usai ꞌika Diosan ꞌismainun kantati ꞌikën! ¡Ax ukin ka ënë menu ꞌikë ꞌapu ꞌixun ꞌakinti ꞌikën, ꞌakianan ka kamabi menu ꞌikë ëmakamanu ꞌikë unikamaribi ꞌakinkin asérabi an ñu upíokin ꞌati ꞌikën!

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Lucas 19:12

Atúan usoquin sinania ꞌunánquin ca acaman cuamainun, bana itsi ñuicësoquin Jesusan ësaquin cacëxa: —Ësa ca. Achúshi uni, ꞌapun rëbúnqui, an ca aín menu ꞌicë unicaman cushi ꞌiisa tanquin bëtsi menu ꞌicë ꞌapu cha anu cuanxun, a ꞌapu ꞌiminun quixun catancëx utëcënti sinánxa.

Lucas 19:15

Usa ꞌaínbi ca ꞌapun, ax paían cuancë uni abi aín menu ꞌicë unicaman ꞌapu ꞌimiaxa. ꞌImicëx ca aín menu utëcëanxa. Ai bëbaquin ca uiti curíqui cara biaxa quixun ꞌunántisa tanquin a curíqui ꞌinánbiancë unicama camiaxa.

Lucas 23:42

Usoquin bëtsi catancëxun ca a unin Jesús cacëxa: —Jesús, min nëtënuax ꞌapu ꞌixun camina ꞌë manutima ꞌain.

Hechos 10:42

Usa ꞌicë ca aín bana unicama ñuixunun xuquin nu ësaquin cacëxa: Nucën Papa Diosan ꞌimicëxun cana ꞌën, uni bamacëmacama ꞌimainun bamacë unicamaribi, uisaira cara ënë menuax ꞌiaxa quixun ꞌunánquin, Nucën Papa Diosbë cara ꞌiti ꞌicë, cara ꞌitima ꞌicë quixun cati ꞌain. Usaquin camina unicama ñuixunti ꞌai quixun ca Jesusan nu cacëxa.

Hechos 17:31

Nucën Papa Diosan ca mëníocëxa, anúan achúshi uni, Jesucristonën camabi uni, aín nuitu cara upí ꞌicë, cara upíma ꞌicë quixun isti nëtë. Usaquian ꞌanun ca an caísacëxa quixuan camabi unin ꞌunánun, ca Nucën Papa Diosan Jesús bamacëbi baísquimiacëxa.

Colosenses 3:4

Cristo, anun nux tsóti, axa upíira ꞌianan cushiira ꞌaish utëcëncëbë camina nëtë́timoi abë ꞌianan asaribi upíshi ꞌiti ꞌain.

2 Tesalonicenses 2:8

Usoquin ëncëx pain aia cëmën tapun ꞌatima uni a camabi unin isiabi ca Nucën ꞌIbu Jesusan axira uquin aín cuëbitan uíncënëinshi ꞌaquin aín cushían pëcabëtsincë anúinshi cëñuti ꞌicën.

1 Timoteo 5:21

Nucën Papa Dios ꞌimainun Nucën ꞌIbu Jesucristo ꞌimainun aín ángel upícamanribia ismainun cana ësaquin ꞌanun mi cain: Min aintsi ꞌibu ꞌimainun uisa uni cara, anbia axa Jesucristomi catamëcë unicaman cushi ꞌixunbi ñu ꞌaisama ꞌaia camina axa Jesucristomi catamëcë unicama timë́cënuxun sinanamiquin cati ꞌain, ꞌën mi cacësabi oquin.

2 Timoteo 1:10

Mënío ꞌixun ca camabi unían —an ca nu nuibatia —quixun ꞌunánuan nu ië́miti Jesucristo xuacëxa. Xuá ꞌaish ca axa ami catamëcë unicamaxa ax utëcëncëbë usaribiti ꞌiti oi bamatancëxbi baísquiacëxa. Usa ꞌain cananuna ꞌunanin, ainan ꞌaish ca uni aín nëtënu cëñútimoi abë ꞌiti ꞌicë quixun.

2 Timoteo 2:14

Atúan a bana manuxunma ꞌanun sinanamiquin camina axa bëtsibë cuëbicánani —usama ca, ësaira ca bana ꞌicë —quiax cuamianáncë unicama, a Nucën ꞌIbu Dios cuëëncësabi oi usai ꞌiaxma ꞌinun quixun cati ꞌain. Usai cuamiananti ca ꞌaisama ꞌicën. Usa bana cuaquin ca uni itsin ꞌatimaquin sinánti ꞌicën.

2 Timoteo 4:18

Usaquin ca Nucën ꞌIbu Jesucristonën ꞌë ꞌaquianxa. Usaribi oquin ca ꞌë ꞌaquintëcënquin uisa cara ocaniabi ꞌë ꞌaquinti ꞌicën. ꞌAquintancëxun ca ꞌëx aín nëtënu abë tsónun ꞌë ꞌimiti ꞌicën. Upíira ꞌicë ca cëñútimoquin unin Nucën Papa Dios rabiti ꞌicën. Usai ca ꞌiti ꞌicën.

2 Timoteo 4:8

Usa ꞌixun cana Nucën ꞌIbu Jesucristonën utancëxun, upí oquin ax cuëëncësabi oquin ꞌën ꞌacë cupí cara uisaira ꞌë ꞌimiti ꞌicë quixun isti ꞌain. An ca asérabi aín quicësabi oquin ꞌati ꞌicën. Usa ꞌixun ca ꞌëishima, an axa uti cuëënquin caíncë unicamaribi, utancëxun uisaira oquin cara aturibi ꞌimiti ꞌicë usoquin ꞌimiti ꞌicën.

Tito 2:13

Usaquin ꞌunánmianan ca nu ꞌunánmia, nux ainan ꞌixun cananuna ax quiásabi oía an nu ië́micë Jesucristo, ax Nucën Papa Diosribi ꞌaish, aín cushibëbi utëcënti nëtë caínti ꞌai quixun.

1 Pedro 1:7

Ënëx ca ësa ꞌicën. Asérabi cara curishi ꞌicë isnuxun ca unin curi tsi rëquirucënu xaroquin tania. Usaribiti camina mitsux caramina ami catamëcë ꞌai quixun isnuxun Nucën Papa Diosan tancë ꞌiti ꞌain. Curi ꞌaíshbi ca cëñúti ꞌicën. Usa ꞌaínbi camina tëmëraquinbi Nucën Papa Diosmi catamëquin ëncëma ꞌaish curisamaira ꞌiti ꞌain. Usaquin tancëxbimi asérabi ami catamëti ꞌain ca utëcënquin Jesucristonën —asérabi ꞌënan ꞌaish camina ꞌëbë ꞌaish cuëënti ꞌai —quixun mitsu cati ꞌicën.

1 Pedro 4:5

Mitsu ñuiabi ca ax utëcënquin Cristonën a unicama ꞌimainun camabi uniribi, axa bamacëmacama ꞌimainun bamacëcamaribi —uisa carana ënë unicama oti ꞌai —quixun isti ꞌicën, an ꞌacë ñucama ꞌunánquin.

1 Pedro 5:4

Usoquin ꞌaia ca Jesucristo, unin ꞌacësamaira oquian an aín unicama bërúancë, an utëcënquin mitsu —asábi ca —quixun catancëxun aín nëtënuaxmi xënibua ꞌaínbi abë cuëënun mitsu ꞌimiti ꞌicën. Ënë nëtënuax cuaiquin canania uisa ñu cara ꞌináncëxun bitsia uni cuëëncëbëbi ca an bicë ñu chëquia. Usaía uni ꞌicë ꞌaínbi camina mitsux xënibua ꞌaínbi Nucën Papa Diosbë ꞌaish cuëënti ꞌain.

2 Pedro 1:11

Usai ꞌitancëx camina Nucën ꞌIbu Jesucristo, an nun ꞌucha tërë́nquin Nucën Papa Diosnan ꞌinun nu ië́micë, an mëníosabi oi asérabi aín nëtënu abë cëñútimoi ꞌiti ꞌain.

2 Pedro 1:17

Usaquin iscë ꞌixun cananuna camabi unin ꞌunánuan, a ñui, Nucën Papa Dios ësai quia cuacën: “Ënëx ca ꞌën nuibairacë ꞌën Bacë Bëchicë ꞌicën, a cupí cana chuáma tani cuëënin” —quiax.

1 Juan 2:28

ꞌËn bëchicësa ꞌicë, cana mitsu cain, utëcënquian Jesucristonën nu upí isti cupí camina camabi nëtën an sinánmicësabi oquin sinánti ꞌain, axa ucëbë rabíntima cupí.

Apocalipsis 1:7

Ca is, Cristo, ax ca naí cuin mëu bëbacuatsini unuxun ꞌaia. Aia ca camabi unicaman isti ꞌicën, an manë xëtocën taro, acamánbi ca aia isti ꞌicën. Ax ucëbë ca camabi menu ꞌicë unicama ami sináncëma ꞌaish masá nuituti inti ꞌicën. Asérabi ca usai ꞌiti ꞌicën.