2 Timoteo 3:5 - Kashibo-Kakataibo Biblia

⁵ —Uni raírinëxa ꞌicësaribiti cana ꞌëx Nucën Papa Diosmi sinani nitsi —quiquinbi ca an sinánmicëxunma aín bana quicësabi oquin ꞌatima ꞌicën. Usaía ax ꞌicë unicamami ꞌunani camina bërúancati ꞌain.

Nukën 'Ibu Diosan ain unikama 'inan ain bana

⁵ —Uni raírinëxa 'icësaribiti cana 'ëx Nucën Papa Diosmi sinani nitsi —quiquinbi ca an sinánmicëxunma aín bana quicësabi oquin 'atima 'icën. Usaía ax 'icë unicamami 'unani camina bërúancati 'ain.

2 Timoteo 3:5 ပူးပေါင်းရင်းမြစ်များ

Mateo 7:15

Bëtsi bëtsi unin ca mitsu parántisa tanquin —Nucën Papa Diosan sinánmicëxun cana mitsu bana ñuixunin —quiquinbi anbi sináncë bana ñuixunia. Usa unin ñuicë bana camina cuatima ꞌain. A unicamax ca ꞌunánmaratsu ñuinasa ꞌaíshbi aín nuitu mëu ꞌatima sinánñu ꞌaish pianancë ñuinasa ꞌicën.

Efesios 4:14

Usai ꞌi cananuna bërámanu ꞌiásaribiti bërí ꞌitima ꞌain. Bërí cananuna tuáxunratsunën unín paráncëxun sinánbëquincësa ꞌaish unín bëtsi bëtsi bana ñuixunquin paráncëxun amanua amanua sinani usaribi ꞌitima ꞌain. An uni paráncë unicaman cëmëquin nu paránquin ñu ꞌatima ꞌanun quixun ꞌimicëx usai ꞌiá ꞌaíshbi cananuna bërí usai ꞌitëcëntima ꞌain.

2 Tesalonicenses 3:14

Ui unin cara nun cuënëocë bana ënë ënxun nux quicësabi oquin ꞌaisama tania, a unibë camina nitima ꞌain, axa rabíntanun.

2 Tesalonicenses 3:6

Nucën xucë́antu, Nucën ꞌIbu Jesucristonën nu sinánmicësabi oquin cananuna mitsu cain, ui unin cara Jesucristomi catamëcë ꞌixunbi nun mitsu ꞌunánmicësabi oi ꞌiisama tanan ñu mëëtisama tania, abë camina ënananti ꞌain.

1 Timoteo 4:7

Usai ꞌiquin camina unían aín rara usai ꞌiá bana ñuicëbëtanbi, usaribi oquin ꞌaquinma, upíira oquin sinánquin Nucën Papa Dios quicësabi oquin ꞌati ꞌain.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.

1 Timoteo 5:8

Uni ꞌimainun xanu Jesucristomi catamëcë ꞌixunbia, an aín xubunu ꞌicëcama ꞌimainun aín aintsi ꞌibucamaribi ami sinánquin ꞌaquincëma, ax ca Jesucristomi catamëcëmasa ꞌicën. Usa ꞌaish ca axa Jesucristomi catamëcëma uníxa ꞌicësamaira oi ꞌatimaira ꞌicën.

1 Timoteo 6:5

Usa ꞌaish ca a unicamax usaíshi ꞌiquin uisa ñu ꞌati cara upí ꞌicë, uisa ñu ꞌati cara upíma ꞌicë quixun ꞌunanima nëtëtima nishánani cuamianania. Usai ꞌicë unicaman ca Nucën Papa Diosan bana ꞌaquin isa unin curíqui biti ꞌicë quixun sinania. A unicamabë camina nitima ꞌain.

2 Timoteo 2:16

Ënë nëtënu ꞌicë ñuishi ñuia, ax ꞌaisamairai banacë unicamasaribi camina ꞌitima ꞌain. Usai ax banacë unicamax ca Nucën Papa Diosmi sinanima camabi nëtën ꞌuchaia.

2 Timoteo 2:23

Sinánñuma unían ꞌacësa oquin camina unia cuëbicanáncë bana a cuatima ꞌain. Usai cuëbicánani ca unicama bëtsibë nishánani upitax ꞌima.

Tito 1:16

Atúxa —ꞌëx cana Nucën Papa Diosan uni ꞌai —quiabi ca an ñu ꞌaisama ꞌaia iscë unicaman —usama ca —quixun ꞌunania. Atúan ñu ꞌaisama ꞌacë cupí ca unin atu cuëënima. A unicaman ca bana cuacëma ꞌixun ñu upí ꞌati sinanima.

Tito 3:10

Uinu ꞌicë unin cara axa Jesucristomi catamëcë unicama bëtsin sináncësa oquian sinánunma amanu amanu sinánmia, a camina usai ꞌiaxma ꞌinun quixun caquin ꞌësëti ꞌain. Cacë́xbia sinanatiama camina amiribishi catëcënti ꞌain. Cacëxunbia cuatiama camina mitsubëa ꞌinúnma ënti ꞌain,