2 Timoteo 2:9 - Kashibo-Kakataibo Biblia

⁹ A bana ñuixunia oquin ca unin ꞌë sipuaquin tëmëramianan ꞌuchañu uni ꞌacësaira oquin ꞌë manë risin tëcërëcaxa. Usoquin ꞌë ꞌaquinbi ca uinu ꞌicë unínbi Nucën Papa Diosan bana cëñuima. A bana cuati ca ꞌitsa uni Jesúsmi sinania.

Nukën 'Ibu Diosan ain unikama 'inan ain bana

⁹ A bana ñuixunia oquin ca unin 'ë sipuaquin tëmëramianan 'uchañu uni 'acësaira oquin 'ë manë risin tëcërëcaxa. Usoquin 'ë 'aquinbi ca uinu 'icë unínbi Nucën Papa Diosan bana cëñuima. A bana cuati ca 'itsa uni Jesúsmi sinania.

2 Timoteo 2:9 ပူးပေါင်းရင်းမြစ်များ

Lucas 23:32

Usa ꞌain ca uni rabë́ an ꞌatima ñu ꞌacë, aribi Jesúsbëa bamati suntárunën buáncëxa.

Hechos 21:33

Usocëbë uquin ca Pablo biquin comandantenën aín suntárucama manë risi rabëtan tëcërëcanun quixun cacëxa. Caquin ca ui cara ax ꞌicë quixun ñucánan añu cara ꞌaxa quixun ñucácëxa.

Hechos 28:31

Biquin ca uisari cara uni Nucën Papa Diosnan ꞌiti ꞌicë quixun ñuixuanan uisai cara Nucën ꞌIbu Jesucristomi catamëti ꞌiti ꞌicë quixun ñuixuancëxa, uinu ꞌicë unínbia ubíocëma ꞌixun.

Hechos 9:16

Usoquin ꞌë ñuiquin bana ñuixunquin ca ꞌunánti ꞌicën, uisairai cara ꞌënan cupí tëmëraia quixun.

Efesios 3:1

Mitsúxmi judíosma uni ꞌaíshbi Cristo Jesúsmi sinánun aín bana mitsu ñuixuncë cupí cana ꞌëx, Pablo ꞌaish, sipuacë ꞌain. Usa ꞌixun cana mitsu Nucën Papa Dios ñucáxunin.

Filipenses 1:17

Usa ꞌaínbi ca raírinën ꞌë nuibaquin, Jesucristomi catamëti Nucën Papa Diosnan ꞌiti bana ax ca asérabi ꞌicë quixun ënuxun cati cupí cana ꞌëx ënu ꞌai quixun ꞌunánquin, upí oquin a bana ñuixunia.

Filipenses 1:7

Sipuacë ꞌicëa, ꞌapun ñucácëxun cana ꞌën, Jesucristomi catamëti Nucën Papa Diosnan ꞌiti bana ax ca asérabi ꞌicë quixun can. Usaquin ꞌën ꞌamainun camina mitsúnribi nuibaquin Nucën Papa Dios ꞌëa ꞌaquinun quixun ñucan. Usa ꞌain ca ꞌëa ꞌaquincësaribi oquin Nucën Papa Diosan mitsuribi tëmëraiabi nuibaquin ꞌaquinia. Usaími mitsux ꞌicëbëtan cana nuibaquin mitsu sinánquin Nucën Papa Dios —asábi ca —caquin mitsu ñuixunin.

Colosenses 4:18

ꞌËx Pablo ꞌixun cana ꞌën mëcënanbi cuënëoquin bërúanxmi ꞌicánun quixun mitsu cain. Usa ꞌain camina ꞌëx cana unin sipuacë ꞌai quixun manúquinma sináncanti ꞌain. Nucën Papa Diosan nuibacëxmi chuámashirua ꞌaish cuëëni upitax bucucanti cana cuëënin. Ashi, Pablo.

Colosenses 4:3

Abë banaquin camina nun unían ꞌunánma bana Cristo ñui quicë ñuixunuan ꞌaquinun Nucën ꞌIbu Dios ñucáti ꞌain. A bana uni ñuixuncë cupí cana sipuacë ꞌain.

1 Tesalonicenses 1:8

Usaími mitsux ꞌicëbëtan ca Macedonia ꞌimainun Acayanu ꞌicë unicamainshima, bëtsi bëtsi menu ꞌicë unicamanribi Jesucristo ñuicë bana ꞌunánan mitsúxmi asérabi Nucën Papa Diosnan ꞌicë cuaxa. Nun ñuixuncëxunmabi ca camabi unin, uni raírinëan camabi menuxun mitsu chanioia cuaquin, mitsux camina asérabi Nucën Papa Diosmi upiti catamëti quixun ꞌunania.

2 Tesalonicenses 3:1

Nucën xucë́antu, ësaquinribishi cananuna mitsu cain, camabi menu ꞌicë unicaman nun Jesucristo ñuiquin bana ñuixunia cuanun camina Nucën Papa Dios nu ñucáxunti ꞌain, nun mitsu bana ñuixuncëxun cuaquinmi —a banax ca upíira ꞌicë —quixun caquin mitsun ꞌacësaribi oquian atunribi sinánun.

2 Timoteo 1:12

An ꞌimicëxun usoquin ꞌacë cupía bëtsi bëtsi ocancëxbi cana rabiniman. Ami catamëquin cana ꞌunanin, ax cushiira ꞌixun ca Nucën Papa Diosan, ꞌëx a ꞌinamëcë ꞌicë bërúanquin aín bana bëtsi oquin ñuiquinma upí oquinshi unicama ꞌunánminun ꞌë ꞌaquinti ꞌicën. ꞌAquianan ca anúan ax utëcënti nëtën uquin an ꞌën ꞌacë ñucama upí isti ꞌicën.

2 Timoteo 1:16

Usa ꞌaínbi ca Onesíforonën ꞌëx masá nuitucasíabi ꞌë ꞌësëquin ꞌë cuëënmiaxa. Romanu ax bërí ucë ꞌixun mëracatsi bënë́quin bariquinbi ꞌacasmapantancëxun ꞌë mërax ca ꞌëx sipunu ꞌaínbi rabinima ꞌitsai ꞌë isi uaxa. Usa ꞌain cana Nucën ꞌIbu Diosan Onesíforonën xubunu ꞌicëcama nuibaquin ꞌaquinti cuëënin.

2 Timoteo 1:8

Mix ainan ꞌaish camina —ꞌëx cana Nucën ꞌIbu Jesucristonan ꞌai —quixun uni catimi rabíntima ꞌain. ꞌImainun camina Jesucristonën bana uni ñuixunia ꞌë sipuacancë cupí rabíntima ꞌain. Usai ꞌiquinma camina miribia uni Nucën Papa Diosan bana ñuixuncë cupí, unin tëmëramicëxunbi rabínquinma tanshiti ꞌain, Nucën Papa Diosan ax cuëëncësabi oquin mi cushiomainun.

2 Timoteo 2:3

Suntárunëan upí ꞌixun aín cushían cacësabi oquin tëmëraquinbi ꞌacësaribi oquin camina mix, Jesucristonën uni ꞌixun, tëmëraquinbi an cacësabi oquin ꞌati ꞌain.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.

1 Pedro 2:12

An Nucën Papa Diosan bana ꞌunáncëma unicaman isnun camina mitsux upitax bucuti ꞌain. Usaími ꞌia isi ca atux an ñu ꞌatima ꞌacë uni ꞌacësa oquin mitsu ñui ꞌatimati banacë ꞌaíshbi mitsúnmi upí oquin ñu ꞌaia isá ꞌixun anúan an camabi unin ñu ꞌacë isti nëtën Nucën Papa Dios rabiti ꞌicën.

1 Pedro 2:14

camina an anëcë aín unicaman banaribi tanti ꞌain. Atux ca unían uisa ñu cara ꞌaia mëníonuan ꞌapun ꞌimicë ꞌicën. An ꞌamicëxun ca atun axa ꞌuchacë uni usaquin ꞌatëcënxunma ꞌanun castícania. Usaquin ꞌanan ca an ñu upí ꞌacë unicama a nuibaquin —mix camina upí ꞌai —quixun caia.

1 Pedro 3:16

A sinani masá nuitunuxun ñu ꞌatima ꞌaíma camina chuámashi ꞌiti ꞌain. Usaími mitsux Cristonën ꞌimicëx upitax ꞌia isi ca an mitsu ꞌatimaquin ñuicë unicama —nuxnu quicë bana ax ca cëmë ꞌicë —quixun sinani rabínti ꞌicën.

1 Pedro 4:15

Mitsua Jesucristonan cupí unin bëtsi bëtsi ocëx camina a sinani rabíntima ꞌain. Usa ꞌaíshbi camina uni ꞌacë cupí ꞌianan ñu mëcamacë cupí ꞌianan ñu ꞌatima ꞌacë cupí ꞌianan ñuianancë cupími tëmëracë a sinani rabínti ꞌain.