2 Timoteo 2:3 - Kashibo-Kakataibo Biblia

³ Suntárunëan upí ꞌixun aín cushían cacësabi oquin tëmëraquinbi ꞌacësaribi oquin camina mix, Jesucristonën uni ꞌixun, tëmëraquinbi an cacësabi oquin ꞌati ꞌain.

Nukën 'Ibu Diosan ain unikama 'inan ain bana

³ Suntárunëan upí 'ixun aín cushían cacësabi oquin tëmëraquinbi 'acësaribi oquin camina mix, Jesucristonën uni 'ixun, tëmëraquinbi an cacësabi oquin 'ati 'ain.

2 Timoteo 2:3 ပူးပေါင်းရင်းမြစ်များ

Hechos 23:31

Ësoquian cuënëocë quirica buánquin ca comandantenëan cacësabi oquin, suntárucaman bibianquin Pablo imë́ Antípatris cacë ëmanu buáncëxa.

1 Corintios 13:7

An uni nuibacë unin ca amia nishcëxunbi uni, axribi ami nishquinma —sapi ca sinanati ꞌicë —quixun cainia. Axa upíma ꞌaínbi ca ami nishíma usabi abë upí ꞌia.

1 Corintios 9:7

Suntárunën ca anbi aín ñu maruima, ꞌapun cuni ca a ꞌinania. Usaribi oquin ca an ñu ꞌapácë unin an ꞌapácë ñuxa tuaia, aín bimi bixun piia. Usaribi oquin ca an vaca bërúancë unin vaca xuma bixun xëaia.

2 Corintios 1:6

Mitsúnmi —Nucën Papa Diosan ca nu nuibatia —quixun ꞌunánan Jesucristomi catamëti mitsun ꞌucha tërë́ncë ꞌaish aín uni ꞌinun cananuna tëmëraquinbi aín bana mitsu ñuixuan. Mitsúnmi Nucën Papa Diosan ca mitsu tëmëraíbimi cuëënun ꞌimiti ꞌicë quixun ꞌunánun ca an nuxnu tëmëraquinbi tanshiti cuëënun nu ꞌimia. Usaquin ꞌunánquin camina mitsun nux ꞌicësaribiti tëmëraquinbi Jesucristomi catamëti ënquinma tanshiti ꞌain.

1 Timoteo 1:18

Timoteo, ꞌën bëchicësa ꞌicë, cana mi cain, Nucën Papa Diosan sinánmicëx ca aín unicama mi ñui quiacëxa, —Timoteonëx upí ꞌixun ca Nucën Papa Diosan bana unicama ñuixunti ꞌicën. Mi ñuia usai quicë unicaman bana sinánquin camina ami catamëquin, Jesucristo cuëëncëma ñu ꞌaquinma ꞌaisama ñu ꞌati sinánquinbi tënëquin upí ñuishi ꞌati ꞌain.

2 Timoteo 1:1

ꞌËx cana Pablo, aín bana ñuixunuan Jesucristonën caísa ꞌain, Nucën Papa Dios cuëëncësabi oquin. —Jesucristomi catamëtíshi ca uni Nucën Papa Diosnan ꞌiti ꞌicë —quixun unicama canun ca Jesucristonën ꞌë ꞌimiacëxa.

2 Timoteo 1:8

Mix ainan ꞌaish camina —ꞌëx cana Nucën ꞌIbu Jesucristonan ꞌai —quixun uni catimi rabíntima ꞌain. ꞌImainun camina Jesucristonën bana uni ñuixunia ꞌë sipuacancë cupí rabíntima ꞌain. Usai ꞌiquinma camina miribia uni Nucën Papa Diosan bana ñuixuncë cupí, unin tëmëramicëxunbi rabínquinma tanshiti ꞌain, Nucën Papa Diosan ax cuëëncësabi oquin mi cushiomainun.

2 Timoteo 2:10

An sinánmicëx ca ꞌitsa uni Nucën Papa Diosnan ꞌinux Cristo Jesúsmi sinánti ꞌicën. Acamaxa aín ꞌuchacama tërë́ncë ꞌianan Cristo Jesúsbë ꞌaish xënibua ꞌaínbi Nucën Papa Diosnan ꞌinun cana unían tëmëramicëxunbi tanshiti cuëënquin a bana ñuin.

2 Timoteo 2:9

A bana ñuixunia oquin ca unin ꞌë sipuaquin tëmëramianan ꞌuchañu uni ꞌacësaira oquin ꞌë manë risin tëcërëcaxa. Usoquin ꞌë ꞌaquinbi ca uinu ꞌicë unínbi Nucën Papa Diosan bana cëñuima. A bana cuati ca ꞌitsa uni Jesúsmi sinania.

2 Timoteo 3:11

Min camina ꞌunan, axa ꞌëmi nishcë unicaman ca bëtsi bëtsi oquin ꞌaisamaira ꞌë tëmëramiaxa. Uisai carana ꞌëx Antioquía, Iconio, Listra, a ëmacamanuax ꞌia quixun camina ꞌunan. Anuax tëmërai bamati ꞌicëbia Nucën ꞌIbu Jesusan ꞌaquincëx cana ië́an.

2 Timoteo 4:5

Usa ꞌaínbi camina min upí oquinra sinánxun ñu ꞌati ꞌain. Tëmëraquinbi tanshiquin camina ënquinma —Jesucristomi catamëti ca uni Nucën Papa Diosnan ꞌiti ꞌicë —quixun caquin uni bana ñuixunti ꞌain. Nucën Papa Dios cuëëncësabi oquin camina sënë́onuxun ënquinma min ñu mëëti ꞌati ꞌain.

Filemón 1:2

Usa ꞌain cananuna axa Jesucristomi catamëcë ꞌaish min xubunu timë́cë unicama ꞌimainun nucën chirabacësa, Apia, ꞌimainun Arquipo, anribia nubëtan tëmëraquinbi Jesucristo ñuiquin uni bana ñuixuncë, acaman cuanun ënë quirica mi buánmin.

Hebreos 10:32

Jesucristomi catamëtabatia, unin mitsu bëtsi bëtsi oquin tëmëramicëxunbi camina bënë́quinma tanshiacën. Usaími mitsux ꞌia a camina sinánti ꞌain.

Hebreos 11:27

—ꞌËn bërúnbi isquinmabi cana Nucën Papa Dios ca asérabi ꞌëbë ꞌicë quixun ꞌunani —quixun sinani ca Moisés ami catamëti Egipto menuax Madian cacë menu cuancëxa, racuëtima ax cuancëbëa ꞌapu nishtánunbi.

Hebreos 6:15

Usaquian cacëxun ca Abrahamnën —Nucën Papa Dios quicësabi oi ca ꞌiti ꞌicë —quixun sinánquin bënë́quinma, caíancëxa. Caíncëbë ca Nucën Papa Dios quicësabi oi Abrahamnën xanu tuutancëx Isaac bacë́ancëxa.

Santiago 1:12

An uisa ñu cara ꞌicëbëbi bënë́quinma tanshiquin Jesucristomi catamëti ëncëma unicama a ca usaía ax ami sináncë unicama ꞌiti ñuia quiásabi oquin Nucën Papa Diosan aín nëtënu abë ꞌaish chuámarua ꞌaish cuëënun ꞌimiti ꞌicën.