2 Timoteo 1:8 - Kashibo-Kakataibo Biblia

⁸ Mix ainan ꞌaish camina —ꞌëx cana Nucën ꞌIbu Jesucristonan ꞌai —quixun uni catimi rabíntima ꞌain. ꞌImainun camina Jesucristonën bana uni ñuixunia ꞌë sipuacancë cupí rabíntima ꞌain. Usai ꞌiquinma camina miribia uni Nucën Papa Diosan bana ñuixuncë cupí, unin tëmëramicëxunbi rabínquinma tanshiti ꞌain, Nucën Papa Diosan ax cuëëncësabi oquin mi cushiomainun.

Nukën 'Ibu Diosan ain unikama 'inan ain bana

⁸ Mix ainan 'aish camina —'ëx cana Nucën 'Ibu Jesucristonan 'ai —quixun uni catimi rabíntima 'ain. 'Imainun camina Jesucristonën bana uni ñuixunia 'ë sipuacancë cupí rabíntima 'ain. Usai 'iquinma camina miribia uni Nucën Papa Diosan bana ñuixuncë cupí, unin tëmëramicëxunbi rabínquinma tanshiti 'ain, Nucën Papa Diosan ax cuëëncësabi oquin mi cushiomainun.

2 Timoteo 1:8 ပူးပေါင်းရင်းမြစ်များ

Salmos 19:7

Diosan banax ka upíira ꞌikën, an ka nu upiti tsónun ꞌimia an ꞌakë ñukama ax ka upí ꞌikën. Kamabi Dios kikë bana ax ka asérabi ꞌikën, an ka uni mënin sinánñushi usa ꞌikëmabi sinánñuira ꞌinun ꞌimia.

Isaías 8:20

kati ꞌikë kixun ñukáti ꞌit?” Ësai ka atux sinanimaishi banati ꞌikën, ꞌaínbi ka axa këmëishi kikë ꞌikën.

Marcos 8:38

Ui unix cara ꞌënan ꞌicëbia axa ꞌëmi sináncëma unin ꞌusánti sinani ꞌënan ꞌitimi rabíanan ꞌën bana quicësai ꞌitimi rabinia, a uníxa ꞌënan ꞌitimi cana ꞌëxribi rabínti ꞌain, uni ꞌinux anuax uá ꞌaish cuantancëx ꞌën Papa Diosbë ꞌApu ꞌitancëx aín ángelcamabë utëcëni.

Lucas 9:26

Ui unix cara ꞌënan ꞌitimi rabianan ꞌën bana quicësai ꞌitimi rabinia, a uníxa ꞌënan ꞌitimi cana uni ꞌinux anuax uá ꞌaish cuantancëx ꞌëxribi rabínti ꞌain, ꞌën Papa Diosbë ꞌApu ꞌitancëx aín ángelcamabë utëcëni.

Juan 15:27

Mitsúnribi camabi nëtën ꞌëbë ꞌixun ꞌën bana ñuixunia cuanan ꞌën ñu ꞌaia iscë ꞌixun camina ꞌë ñuiquin uisa carana ꞌëx ꞌai quixun unicama ꞌunánmiti ꞌain.

Juan 19:35

Asérabi ënë ñucama isá ꞌixun cana ënë bana cuënëoin. ꞌËn cuënëocë bana ënëx ca asérabi cëmëcëma ꞌicën. Usa ca quixun ꞌunánquin cana ënë banacama mitsu cuënëoxunin, mitsúnribimi asérabi ca usai ꞌiacëxa quixun ꞌunánun.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

Romanos 1:16

ꞌËx cana ënë bana unicama ñuixuni rabiniman. Axa a bana quicësabi oi Jesucristomi catamëcë uni a ca Nucën Papa Diosan aín cushínbi ainan ꞌinun ië́mia. Judíos unicama pain ñuixuntancëxun cana judíosma unicamaribi a bana ñuixunin.

Romanos 16:25

Cananuna Nucën Papa Dios asérabi rabiti ꞌain. Mitsux ainan ꞌaish Jesucristomi catamëtia ca an mitsu upíira upiti ami sinánun mitsu cushioti ꞌicën. Usoquin ca ꞌati ꞌicë quixun ca aín unicaman mitsu ꞌunánmiaxa. ꞌËnribi cana usoquin unicama ñuixunin. Ënë mecama uniocëma pain ꞌixun ca Nucën Papa Diosan, usai ca Jesucristo ꞌiti ꞌicë quixun sináncëxa. A ñucama unin ꞌunánma ꞌaínbi ca bërí Jesucristo ucë cupí unin ꞌunánti ꞌicën.

Romanos 8:36

Ësai ca Nucën Papa Diosan bana cuënëo quia: Nuxnu minan ꞌicë ca unin numi nishquin nuibaquinma nu bëtsi bëtsi oia. ꞌAracacë ñuinacama ꞌanuxun ꞌacësa oquin ca nu ꞌaisa tanquin bëtsi bëtsi oia.

Romanos 9:33

Nucën Papa Diosan bana cuënëo ca maxax ñuicësa oquin Cristo ñui ësai quia: Camina ꞌunánti ꞌain, ꞌën cana Sión cacë ëmanua, maxax achúshi ꞌinun mëníoin. Ami ca uni raírinëx tatíquianan maxax cha ꞌain chacati nipacëti ꞌicën. Usa ꞌaínbi ca axa ami catamëcë unicaman ꞌunánti ꞌicën, an ca asérabi ax quicësabi oquin atu ꞌaquinia quixun.

1 Corintios 1:6

Usa ꞌaish camina mitsux an Cristo ñui quicë bana ꞌunánquin, a bana quicësabi oquin ꞌacë ꞌain.

2 Corintios 6:7

bëtsi bana ñuiquinma, an cushiocëxuinshi aín bana ñuixunia isquin ca nux cananuna asérabi Nucën Papa Diosan uni ꞌai quixun camabi unin ꞌunánti ꞌicën. An iscëx nun nuitu upí ꞌixun cananuna racuë́quinma uni itsiribi Cristomi sinánun ꞌaquinti ꞌain. Usoquin ꞌaia ca numi manánquinbi unin ꞌunánti ꞌicën, nun cananuna ñu ꞌaisama ꞌacëma ꞌai quixun.

Efesios 3:1

Mitsúxmi judíosma uni ꞌaíshbi Cristo Jesúsmi sinánun aín bana mitsu ñuixuncë cupí cana ꞌëx, Pablo ꞌaish, sipuacë ꞌain. Usa ꞌixun cana mitsu Nucën Papa Dios ñucáxunin.

Efesios 3:13

Usa ꞌain camina ꞌëx mitsu bana ñuixuncë cupí tëmëraia ñuicania cuatíbi racuëti masá nuitutima ꞌain. ꞌËn tëmëraquinbi Cristo ñui quicë banacama mitsu ñuixuncëxmi ami catamëtia Nucën Papa Diosan mitsu ainan ꞌimicë ꞌaish camina masá nuitutíma cuëënti ꞌain.

Efesios 4:1

Usa ꞌain cana ꞌëx ainan ꞌixun Nucën ꞌIbu Jesucristo ñuiquin bana ñuixuncë cupí sipuacë ꞌixun mitsu cain, an caíscë aín unicamaxa usai ꞌiti oquian Nucën Papa Diosan mënóisabi oi camina ax cuëëncësabi oíshi ꞌiti ꞌain.

Efesios 4:17

Nucën ꞌIbu Jesucristonën ꞌë sinánmicësabi oquin cana mitsu cain, axa Nucën Papa Diosmi sináncëma uníxa ꞌicësaribiti ꞌiá ꞌaíshbi camina usai ꞌitëcëntima ꞌain. A unicamax ca Nucën Papa Dios cuëëncësa oíma atúnbia sináncësa oíshi ꞌi bucuia.

Filipenses 1:7

Sipuacë ꞌicëa, ꞌapun ñucácëxun cana ꞌën, Jesucristomi catamëti Nucën Papa Diosnan ꞌiti bana ax ca asérabi ꞌicë quixun can. Usaquin ꞌën ꞌamainun camina mitsúnribi nuibaquin Nucën Papa Dios ꞌëa ꞌaquinun quixun ñucan. Usa ꞌain ca ꞌëa ꞌaquincësaribi oquin Nucën Papa Diosan mitsuribi tëmëraiabi nuibaquin ꞌaquinia. Usaími mitsux ꞌicëbëtan cana nuibaquin mitsu sinánquin Nucën Papa Dios —asábi ca —caquin mitsu ñuixunin.

Filipenses 3:10

Usa ꞌixun cana Jesucristonën sináncësaribi oquin sinánan, anun Jesucristo baísquimia aín cushi anúan Nucën Papa Diosan ꞌë cushiocë ꞌiti cuëënin. Nucën Papa Dios cuëëncësabi oi tëmëratancëx ca Jesucristo bamacëxa. Axa tëmërasa usaribiti ꞌëxribi ainan cupí tëmërati ca asábi ꞌicën. Cristo bamasaribi oquin ꞌën ꞌuchacama ꞌatëcëntimoquin ëncë ꞌiti cana cuëënin.

Filipenses 4:13

Usa ꞌixun cana uisa ñu cara ꞌicëbëtanbi tënëquin Cristo cuëëncësabi oquin ꞌati ꞌain, usai ꞌinun an cushiocë ꞌixun.

Colosenses 1:11

ꞌAnan cananuna ax cushiira ꞌixúan, uisa ñu cara ꞌicëbëbi bënëtima cuëënquin tanshinuan mitsu ꞌaquinun quixun a mitsu ñucáxunin.

Colosenses 1:24

Mitsux ainan ꞌinun ꞌëx tëmëracë cupí cana cuëënin. Usai ꞌi cana Cristonëan camabi uni ainan ꞌinun tëmëra ꞌain, ꞌëxribi camabi menu ꞌicë unicama a ꞌunánti cupí tëmëraíbi cuëëinra cuëënin.

1 Tesalonicenses 3:4

ꞌAnan cananuna mitsubë ꞌixun, unin ca nu bëtsi bëtsi oti ꞌicë quixun mitsu can. Usai cananuna ꞌia quixun camina ꞌunáncanin.

1 Timoteo 2:6

Camabi uníxa aín ꞌucha tërë́ncë ꞌaish Nucën Papa Diosnan ꞌinun ca ꞌitsianxmabi bamacëxa. Usai ca ꞌiacëxa quixun ca aín unicaman Nucën Papa Diosan mëníosabi oquin unicama ñuixunia.

2 Timoteo 1:10

Mënío ꞌixun ca camabi unían —an ca nu nuibatia —quixun ꞌunánuan nu ië́miti Jesucristo xuacëxa. Xuá ꞌaish ca axa ami catamëcë unicamaxa ax utëcëncëbë usaribiti ꞌiti oi bamatancëxbi baísquiacëxa. Usa ꞌain cananuna ꞌunanin, ainan ꞌaish ca uni aín nëtënu cëñútimoi abë ꞌiti ꞌicë quixun.

2 Timoteo 1:12

An ꞌimicëxun usoquin ꞌacë cupía bëtsi bëtsi ocancëxbi cana rabiniman. Ami catamëquin cana ꞌunanin, ax cushiira ꞌixun ca Nucën Papa Diosan, ꞌëx a ꞌinamëcë ꞌicë bërúanquin aín bana bëtsi oquin ñuiquinma upí oquinshi unicama ꞌunánminun ꞌë ꞌaquinti ꞌicën. ꞌAquianan ca anúan ax utëcënti nëtën uquin an ꞌën ꞌacë ñucama upí isti ꞌicën.

2 Timoteo 1:16

Usa ꞌaínbi ca Onesíforonën ꞌëx masá nuitucasíabi ꞌë ꞌësëquin ꞌë cuëënmiaxa. Romanu ax bërí ucë ꞌixun mëracatsi bënë́quin bariquinbi ꞌacasmapantancëxun ꞌë mërax ca ꞌëx sipunu ꞌaínbi rabinima ꞌitsai ꞌë isi uaxa. Usa ꞌain cana Nucën ꞌIbu Diosan Onesíforonën xubunu ꞌicëcama nuibaquin ꞌaquinti cuëënin.

2 Timoteo 2:3

Suntárunëan upí ꞌixun aín cushían cacësabi oquin tëmëraquinbi ꞌacësaribi oquin camina mix, Jesucristonën uni ꞌixun, tëmëraquinbi an cacësabi oquin ꞌati ꞌain.

2 Timoteo 2:8

Axa bamaxbi baísquia Jesucristo, Davidnën rëbúnqui, a camina manuquinma sinánti ꞌain. A ñui quicë bana anun uni Nucën Papa Diosnan ꞌinux ië́ti, a ca ꞌën unicama ñuixuncë ënëx ꞌicën.

2 Timoteo 2:9

A bana ñuixunia oquin ca unin ꞌë sipuaquin tëmëramianan ꞌuchañu uni ꞌacësaira oquin ꞌë manë risin tëcërëcaxa. Usoquin ꞌë ꞌaquinbi ca uinu ꞌicë unínbi Nucën Papa Diosan bana cëñuima. A bana cuati ca ꞌitsa uni Jesúsmi sinania.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.

2 Timoteo 4:5

Usa ꞌaínbi camina min upí oquinra sinánxun ñu ꞌati ꞌain. Tëmëraquinbi tanshiquin camina ënquinma —Jesucristomi catamëti ca uni Nucën Papa Diosnan ꞌiti ꞌicë —quixun caquin uni bana ñuixunti ꞌain. Nucën Papa Dios cuëëncësabi oquin camina sënë́onuxun ënquinma min ñu mëëti ꞌati ꞌain.

1 Pedro 1:5

A nëtënu ꞌiisama pain ꞌaíshmi ënë nëtënuaxbi ami catamëtia isquin ca Nucën Papa Diosan aín cushínmi ñu ꞌatima ꞌaíma upíshi ꞌinun mitsu bërúanquin ꞌaquinia, an mëníosabi oími Jesucristoa utëcëncëbë aín nëtënu abë tsónun.

1 Juan 4:14

Nunbi cananuna, an atun ꞌucha tërë́nquin ënë menu ꞌicë unicama ainan ꞌinun ië́minuan Nucën Papa Diosan xuá, aín Bëchicë a isacën. Isá ꞌixun cananuna a ñuiquin mitsu cain.

Judas 1:24

An ñu ꞌatima ꞌaxúnmami ꞌanun mitsu bërúanan an iscëxmi upí ꞌaish cuëëni aín nëtënu abë ꞌinun mitsu ꞌimiti, ax ca Nucën Papa Dios ꞌicën.

Apocalipsis 1:2

Xucëxuan ismicëxun ca Juanën uisa ñu cara isaxa quixun cëmëquinma a ñucama cuënëoxa. Usaquin ca Juanën Nucën Papa Dios quicësabi oquian Jesucristonën a ismianan a ñuiquin cacë banacama cuënëoxa.

Apocalipsis 1:9

ꞌËx Juan ꞌaish cana mitsúxmi ꞌicësaribiti Jesúsnan ꞌaish mitsun xucë́nsa ꞌain. Mitsúxmi ꞌicësaribiti cana Jesucristonan cupí, unin ꞌatimocë ꞌaíshbi asérabi Nucën Papa Diosan uni ꞌain. Mitsu ꞌacësaribi oquian an cushiocëxun cana uisa ñu cara ꞌicëbëbi bënë́quin ami catamëti ëniman. Usa ꞌixun Nucën Papa Diosan bana ñuixuanan, Jesús ñui quicë banaribi uni ñuixuncë cupí cana Patmos cacë nasínu sipuacësa ꞌinun unin ëncë ꞌain.

Apocalipsis 12:11

Aín unicama, nucën xucë́antu, ax ca Carnero ꞌicësaribitia unin ꞌucha cupí bama, ami catamëcë cupí atun ꞌucha tërë́ncë ꞌianan aín bana ënquinma sináncë ꞌaish, ñunshin ꞌatimanën ꞌapúan ꞌatima ñu ꞌamicëma ꞌiaxa. Atun ca axa ami nishcë unin bëtsi bëtsi ocëx bamatisa ꞌixunbi Nucën Papa Diosmi sinánti ëncëma ꞌicën.

Apocalipsis 19:10

Quicëbë cana a rabinux a ángel tanáin rantin purúan. Usai ꞌiabi ca ꞌë caxa: —Usai ꞌiáxma ca ꞌit. Uicaman cara Nucën Papa Dios quicë bana unicama ñuixunia an ca Jesús ñuiquin an ꞌunánmicë banacama uni ñuixunia. Mibëtan ax Jesús quicë banacama quicësabi oi ꞌicë unicaman ꞌacësaribi oquin cana ꞌënribi ax quicësaribi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.