2 Timoteo 1:7 - Kashibo-Kakataibo Biblia

⁷ Ainan ꞌaíshnu racuë́ ꞌinun ca Nucën Papa Diosan nu ꞌimiama ꞌicën. An ca nu ainan ꞌimiacëxa, aín cushiñu ꞌixúnu nuibaquin unicama ꞌaquianan upí oquin sinánquin ñu ꞌanun.

Nukën 'Ibu Diosan ain unikama 'inan ain bana

⁷ Ainan 'aíshnu racuë́ 'inun ca Nucën Papa Diosan nu 'imiama 'icën. An ca nu ainan 'imiacëxa, aín cushiñu 'ixúnu nuibaquin unicama 'aquianan upí oquin sinánquin ñu 'anun.

2 Timoteo 1:7 ပူးပေါင်းရင်းမြစ်များ

Proverbios 8:14

Ënu ka anun ësëananti a ꞌimainun anun ñu upíshi ꞌakin pëuti ax ꞌikën, ꞌianan kana ꞌëx anun ñu ꞌunainra ꞌiti a ꞌianan, kana kushiñu ꞌiti aribi ꞌain.

Isaías 11:2

Usa ꞌain ka Diosan kushi ax ënima a unibëbi ꞌiti ꞌikën, an ka ñu ꞌunánkëira ꞌianan sinánñuira ꞌinun ꞌimianan, usa ka kixun bëtsi ꞌësëanan ñu ꞌaisatankinbi tënëi kushiñu ꞌianan, Diosmi uisa ñukama kara ꞌatima ꞌikë kixun, ꞌunáni rakuënun unikama ꞌunánmiti ꞌikën.

Miqueas 3:8

ꞌAínbi ka Diosan an kakësabiokin ꞌaia aín bëru ñunshinan ꞌakinkëx ꞌëx kushiñu ꞌianan rakuëma uni ꞌixun atu ꞌakinun ꞌë ꞌimiaxa, usa ꞌixun kana atu bana ñuixunkin Dios ax ka kushiira ꞌikë kixun Israel unikama kanan atux ami ꞌuchakian an kuëënkëma ñuishi ꞌakë akama kati asábi ꞌain.

Lucas 10:19

Camina ꞌunánti ꞌain, ꞌën cushi cana mitsu ꞌinan. ꞌËn mitsu ꞌináncë ꞌain camina runu ꞌimainun nibanta amatibi asábi ꞌiti ꞌain, uisoquin cara mitsu ꞌaisa tania, tanquinbi ca ñunshin ꞌatimanën mitsu ꞌatima ꞌicën, uisa ñunbi ca mitsu uisabi oima.

Lucas 15:17

Piti, chupa, ñuñuma ꞌaish sináncasmatancëx sinanaquin ca sinánxa: ꞌItsaira ca ꞌën papan ñu mëëmicë uni ꞌicën. ꞌItsa ꞌixunbi ca a piti ñua ꞌitsaira ꞌicë atun pucháquin piia. Piti ꞌitsanuxuan atun pucháquin pimainun cana ꞌëx ënuax ꞌacëñuma bamain.

Lucas 24:49

Axa uti ñuiquian ꞌën Papa Diosan ꞌë cacë, a cana mitsunu unun xuti ꞌain. Usa ꞌain camina Nucën Papa Diosan aín cushi mitsu ꞌinánun Jerusalénu bërúxun caínti ꞌain.

Lucas 8:35

Ñuixunquian chanioia cuati ca uisai cara a ñucama ꞌiaxa quixun isi riquiancëxa. Riquiani Jesúsnu cuanx uxun ca a uni anuax ꞌaisamaira ñunshin ꞌatima chiquícë a an isásama ꞌaish, chupa pañuax sinan mëníñushi ꞌaish, Jesús tanáin tsócë isacëxa. Usa ꞌicë a uni isi ca racuë́cancëxa.

Juan 14:27

ꞌËx cuancëbëbi camina chuámashirua bucucanti ꞌain. ꞌËn ꞌimicëx camina ënë menu ꞌicë ñu sinani cuëëncësamaira oi ꞌënan ꞌaish cuëëni chuámarua ꞌiti ꞌain. Usa ꞌain ca masá nuituaxma ꞌianan racuë́axma ꞌican.

Hechos 1:8

Usa ꞌaínbi camina Nucën Papa Diosan Bëru Ñumshin Upí mitsunu ucëbë aín cushiñu ꞌicanti ꞌain. Aín cushiñu ꞌixun camina mitsun ꞌën bana unicama ñuixunti ꞌain, Jerusalén ëmanu, Judea mecamanu, ꞌimainun Samaria menu, ꞌimainun camabi menu cuanquin.

Hechos 10:38

Camina ꞌunanin, Nucën Papa Diosan ca Jesús Nazaretnu ꞌicë a aín Bëru Ñunshin Upí abë ꞌinun ꞌinánquin aín cushiribi ꞌináncëxa. ꞌInáncëxun ca ñu upíshi ꞌanan ñunshin ꞌatimañu unicamaribi pëxcüacëxa, Nucën Papa Dios abë ꞌain.

Hechos 20:24

Usaquian ꞌunánmicëxbi cana ꞌëx uisai carana ꞌiti ꞌai quixun sinani bënëtiman. Bamanuxunbi Nucën ꞌIbu Jesusan cacësabi oquin ꞌai cuëënquin sënë́onti cana cuëënin, Nucën Papa Diosan ca nuibaquin unicama ainan ꞌinun ië́misa tania quixuan camabi unin ꞌunánun.

Hechos 21:13

Cacëxbi ca Pablo quiacëxa: —¿Añu cupí caramina usai banai bëunan mëscúquin ꞌë masá nuitumin? Jerusalénuxuan Nucën ꞌIbu Jesúsnan cupí ꞌë nëacancëxbi cana bënë́tima ꞌain. Usoquin nëanan ꞌë ꞌacancëxbi cana asábi ꞌiti ꞌain.

Hechos 26:11

ꞌItsa oquin cana amia sinaniabi Jesucristomi catamëti ënía, ami ꞌatimati bananun quixun aín unicama bëtsi bëtsi ocën. Anua judíos unicama timë́ti xubucamanubi cuanquin cana usoquin ꞌacën. Usonan cana ñunshinacëquin bëtsi bëtsi menu ꞌicë ëmacamanuribi cuanquin, anu ꞌicë axa Jesucristomi catamëcë unicama bëtsi bëtsi ocën.

Hechos 26:25

Cacëxunbi ca Pablonën cacëxa: —Festo, ꞌëx cana ñunshíncëma ꞌain. ꞌËn ñuicë bana ënëx ca sinánñuma uníxa quicësama ꞌicën, ax ca cëmëi quicëma ꞌicën.

Hechos 6:8

Esteban axa upí sinan ꞌianan Nucën Papa Diosmi cushicë uni an ca, an ꞌamicëxun uni itsin ꞌacëma ñu ꞌacëxa.

Hechos 9:22

Quicancëbëtanbi ca Saulonën aín bana cushiira ꞌixun Damasconu ꞌicë unicama sináncasmamiquin —Jesús ax ca asérabi Cristo, axa ënë menu uti judíos unicaman caíncë a ꞌicë —quixun bana ñuixuancëxa.

Romanos 5:5

An ca —asérabi camina ꞌëbë ꞌiti ꞌai —quixun caquin nu paraníma. An ca aín Bëru Ñunshin Upí nubë ꞌinun nu ꞌinánxa. Nubë ꞌixun ca nu ꞌunánmia uisaira oquin cara Nucën Papa Diosan nu nuibatia quixun. An ca asérabi nu nuibatia quixun ꞌunánquin cananuna, nux cananuna asérabi aín nëtënu abë ꞌiti ꞌai quixun ꞌunanin.

Romanos 8:15

Usa uni camina mitsux ꞌain. Mitsu aín bëchicë ꞌimiquin ca Nucën Papa Diosan mitsúxmi bëráma ꞌiásaribiti mitsun ꞌucha cupí ami racuë́tëcënun ꞌimicëma ꞌicën. Aín Bëru Ñunshin Upí an ca, ainan ꞌaish cuëënquinu Nucën Papa Dios, Paponun nu ꞌimia.

1 Corintios 2:4

An ñu ꞌunáncë unían aín sinanënshi sinánquin bana ñuicësa oquin cana Jesucristo ñuiquin mitsu ñuixuncëma ꞌain. Ama, aín Bëru Ñunshin Upitan ꞌaquincëxun cana Nucën Papa Diosan cushínshi ñuixunquin Jesucristomi catamënun mitsu sinanamian.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

Colosenses 1:8

An ca Cristonan ꞌaish camina mitsux bëtsibë bëtsibë nuibanani upitax bucui quixun nu caxa.

Hebreos 2:15

Usai ꞌiquin ñunshin ꞌatimanën ꞌapu ñusmoquin ca Jesusan axa ami catamëcëma ꞌaish aín bamati sinani racuë́cë unicama, ax ainan ꞌaish aín bamatimi racuë́timoquin mëníocëxa.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

1 Juan 4:18

Usa ꞌain ca an Nucën Papa Diosmi sinánan bëtsi uniribi nuibacë uni, ax ami ꞌuchacëma ꞌaish unimi racuëtima. Anuan Jesucristo utëcënti nëtë́nribi ca racuë́tima ꞌicën. Usa ꞌaínbi ca unix asérabi bëtsi unibë nuibanancëma ꞌaish racuëti ꞌatimaquin sinani bënëtia. Usa unin ca upiti nuibananti ꞌunanima.