2 Timoteo 1:6 - Kashibo-Kakataibo Biblia

⁶ Usa ꞌain cana manúaxmami ꞌinun mi cain, ꞌën mëcën minu nancëbëtan ca Nucën Papa Diosan aín bana ñuixunun aín cushi mi ꞌináncëxa. A cushia minuax nëtë́nunma camina bënamëbutibia tsi rëquirutëcëncësa ꞌinuxun, ami catamëquin aín bana ñuixunti ꞌain.

Nukën 'Ibu Diosan ain unikama 'inan ain bana

⁶ Usa 'ain cana manúaxmami 'inun mi cain, 'ën mëcën minu nancëbëtan ca Nucën Papa Diosan aín bana ñuixunun aín cushi mi 'ináncëxa. A cushia minuax nëtë́nunma camina bënamëbutibia tsi rëquirutëcëncësa 'inuxun, ami catamëquin aín bana ñuixunti 'ain.

2 Timoteo 1:6 ပူးပေါင်းရင်းမြစ်များ

1 Timoteo 4:14

Axa Jesucristomi catamëcë unicamaxa timë́cë ꞌaían atun cushicaman aín mëcën minu nanxun, Nucën Papa Diosan sinánmicëxun mi cá bana a camina manutima ꞌain. Atúan cacësabi oquinmi ꞌanun ca Nucën Papa Diosan mi cushioti ꞌicën.

1 Tesalonicenses 5:19

Nucën Papa Diosan Bëru Ñunshin Upitan sinánmicëxuan unin upí ñu ꞌaia camina ëmitima ꞌain.

2 Pedro 3:1

ꞌËn nuibacë xucë́antu, bëtsi quirica pan buánmixunbi cana ënë quiricaribi mitsu buánmin. Quirica buánmiquin cana asérabi Jesucristomi sináncë ꞌixunmi aín banacama manuquinma upí oquin sinánun mitsu ꞌësëan.

2 Timoteo 4:2

minmi ñuixuncëxuan min bana cuanan, cuatiamabi camina uni bana ñuixunti ꞌain. Ñuixunquin camina Jesucristo ñuicë banax ca asérabi ꞌicë quixun ꞌunánmiquin amia sinánun ꞌaquinti ꞌain. ꞌAquianan camina an ñu ꞌaisama ꞌacë unicamaribi ꞌësëanan camabi uni Jesúsmi catamëcë ꞌaísha upí ꞌinun ꞌësëti ꞌain. Min cacëxun cuacëbëma bënë́quinma camina minmi upí oquin ꞌunáncë bana ñuixunquin uni ꞌësëti ꞌain.

2 Pedro 1:12

Uisai caramina Nucën Papa Dios cuëëncësabi oi ꞌiti ꞌai quixun ꞌunani camina usai ꞌin. Usaími ꞌiabi cana ënímami mitsux ꞌicësabi oi ꞌinun sinánmitëcënti ꞌain, manúti rabanan.

Hechos 19:6

Usa ꞌain ca a unicama Pablonën aín mëcënan ramë́cëbë atunu Nucën Papa Diosan Bëru Ñunshin Upí uacëxa. Usaría ꞌicëbë unin ꞌunáncëma banan bananan ca a unicaman, usaquian Nucën Papa Diosan sinánmicë bana unicama ñuixuancëxa.

2 Timoteo 2:14

Atúan a bana manuxunma ꞌanun sinanamiquin camina axa bëtsibë cuëbicánani —usama ca, ësaira ca bana ꞌicë —quiax cuamianáncë unicama, a Nucën ꞌIbu Dios cuëëncësabi oi usai ꞌiaxma ꞌinun quixun cati ꞌain. Usai cuamiananti ca ꞌaisama ꞌicën. Usa bana cuaquin ca uni itsin ꞌatimaquin sinánti ꞌicën.

1 Timoteo 4:6

ꞌËn mi cacë bana ënë axa Jesucristomi catamëcë unicama ñuixuncë ꞌaish camina an Jesucristo cuëëncësabi oquin bana ñuixuncë ꞌiti ꞌain. ꞌIanan camina ami ñuixuncë bana upí oquin ꞌunánquin a banaxa quicësabi oquin ꞌati ꞌain.

Lucas 19:13

Sinántancëxun aín uni mëcën rabë́ camicëx ucë ca achúshi achúshi curíqui achúshi ꞌaíshbi ꞌitsa cupícë, camabi sënë́n ꞌinánxa. ꞌInánquin, —ꞌëx utëcëntamainun camina ënë curíquinën ñu bitancëxun maruquin curíqui bitëcënti ꞌai —quixun caxa.

Isaías 43:26

Ñu ꞌatima ꞌai ꞌëmi banai ꞌuchakë ꞌixun kamina ꞌëbë banakin añu kaina a ꞌën mëníonun ꞌë kati ꞌain. Kakëxun kana mitsux kaina asérabi ñu ꞌatima ꞌakëma upí uni ꞌai kixun isti ꞌain.

Judas 1:5

Upí oquinmi ꞌunáncëbi cana ënë ñucama mitsu sinánmitëcënin, Nucën ꞌIbu Diosan ca Israel unicama Egipto menua buánxunbi ami catamëtiama oquin raíri cëñuacëxa.

Hebreos 6:2

ꞌimainun Jesús sinani nashimicë ꞌiti, ꞌimainun Jesúsnan ꞌixun axa ami catamëcë uni itsinu nun mëcën nanquin Nucën Papa Dios ñucáxunti, ꞌimainun camabi uníxa baísquia ca Nucën Papa Diosan an ꞌacë ñucama ꞌunánquin uisa cara oti ꞌicë quixun cati, acama.

Hechos 6:6

Caístancëxuan bëia ca Jesusan aín bana ñuixunun caíscë unicaman, mëcënan ramëquin, Nucën Papa Dios ñucáxuancëxa.