2 Timoteo 1:5 - Kashibo-Kakataibo Biblia

⁵ ꞌImainun cana mixmi asérabi Jesucristomi sinania ꞌën mi iscë a manuiman. Min chichi, Loida, ꞌimainun min tita, Eunice, axa ꞌicësaribiti camina mix asérabi Jesucristomi sináncë ꞌai quixun cana ꞌunanin.

Nukën 'Ibu Diosan ain unikama 'inan ain bana

⁵ 'Imainun cana mixmi asérabi Jesucristomi sinania 'ën mi iscë a manuiman. Min chichi, Loida, 'imainun min tita, Eunice, axa 'icësaribiti camina mix asérabi Jesucristomi sináncë 'ai quixun cana 'unanin.

2 Timoteo 1:5 ပူးပေါင်းရင်းမြစ်များ

Salmos 116:16

¡ꞌËn ꞌIbu Dios, ꞌëx kana an mi ñu ꞌaxunkë uni a ꞌain! ¡ꞌËx kana an mi ñu ꞌaxunkë xanu aín tuá ꞌain! Min kamina an ꞌë nëakësa oxun ꞌatimamikë ñukama a ꞌë mëníoxuankën.

Salmos 22:10

ꞌËn titan ꞌë bakënkëma pain ꞌikëbi, kamina ꞌë bërúankën; usa ꞌaish kamina ꞌën titan puku ꞌukëmëu, ꞌaínbi mix ꞌën Dios ꞌiakën.

Salmos 66:3

Rabikin kamina Dios kati ꞌain: ¡Min unio ñukamax ka upíirabu ꞌikën. Mix kushiira ꞌixun kamina, axa mimi nishkë unikama rakuë́tia menu nipakëkësa ꞌitánun ꞌimin;

Juan 1:47

Cabianquin buáncëxa Natanael aia isi ca Jesús quiacëxa: —U unix ca asérabi Israel uni upí ꞌicën, uni paráncëma ca ux ꞌicën.

Hechos 16:1

Cuanx ca Pablobë Silas Derbe ëmanu cuanan anuribi cuani Listra ëmanu bëbacëxa. Anu ca axa Jesucristomi catamëcë Timoteo cacë uni ꞌiacëxa. Aín titax ca judío xanu ꞌianan Jesúsmi sináncë ꞌiacëxa, ꞌimainun ca aín papax griego banan banacë ꞌiacëxa.

Hechos 26:26

ꞌApu Agripa ënën ca ꞌëx a ñui quicë ñucama ënë upí oquin ꞌunánxa. Unían isnunma ñu ꞌacëma ꞌixun cana ꞌën, an ca asérabi ꞌën ñuicë ñucama ꞌunánxa quixun ꞌunanin. Usa ꞌain cana racuë́quinma ënë ñucama a ñuixunin.

Romanos 14:14

Nucën ꞌIbu Jesúsnan ꞌixun cana ꞌunanin, camabi piti ñu piti ca asábi ꞌicë quixun. Usa ꞌaínbi ca a uni —Nucën Papa Diosan sinánëx ca a ñux pitima ꞌicë —quixun sinánquinbi picë ꞌaish ꞌuchati ꞌicën.

Romanos 14:5

Ënëx ca ësaribi ꞌicën. Uni raírinën ca sinánti ꞌicën, ënë nëtëx ca bëtsi nëtësamaira ꞌaish anúan unin Nucën Papa Dios rabiti ꞌicë quixun. Sinánmainun ca uni raírinën —camabi nëtë ca sënën ꞌicë —quixun sinánti ꞌicën. Mitsun bëtsi bëtsi oquin sinanibi camina cuëbicanántima ꞌain. Micama achúshi achúshinën camina ꞌën uisoquin ꞌati cara Nucën Papa Dios cuëënti ꞌicë quixun sinántancëxun usoquinshi ꞌati ꞌain.

Romanos 15:14

ꞌËn xucë́antu, ꞌën cana ꞌunanin, mitsun camina bëtsibë bëtsibë nuibanani ꞌaquiananquin Nucën Papa Diosan bana Cristonën ñuicë a upí oquin ꞌunanin. ꞌUnánan camina ami cushicë ꞌinux raíri unibë ꞌësëanánti ꞌunanin.

Romanos 4:21

Rabiquin ca, an ca asérabi cushi ꞌixun ax quicësabi oquin ñu ꞌati ꞌicë quixun sináncëxa.

Romanos 8:38

Usa ꞌain cana asérabi ꞌunanin, Nucën Papa Dioscëñun an nu ënananmiti ñu ca ꞌaíma ꞌicën. Nux bamati ꞌimainun nun tsóti ꞌimainun ángelcama ꞌimainun ñunshin ꞌatimacama ꞌimainun uisa cushi cara, acama ꞌimainun axa bërí uisai cara ꞌicë uisa ñucama cara, ꞌimainun axa uisai cara ꞌiti, a ñucamanbi ca Nucën Papa Dioscëñun nu ënananmitima ꞌicën.

2 Corintios 6:6

Usa ꞌixun ñu ꞌaisama ꞌati sinánquinma Nucën Papa Diosan bana ꞌunáncë ꞌixun ami nishíma unibë asérabi upí ꞌianan Nucën Papa Diosan Bëru Ñunshin Upitan sinánmicë ꞌianan, paránquinma asérabi uni nuibanan

1 Timoteo 1:5

Nucën Papa Dios ca cuëënia aín unicamaxa ësai ꞌinúnu ꞌunánmiti: aín nuitu upí ꞌianan aín ꞌuchacama tërë́ncë ꞌixun ꞌatëcënti sináncëma ꞌianan Jesucristomi asérabi catamëcë ꞌixun unicama nuibati.

1 Timoteo 4:6

ꞌËn mi cacë bana ënë axa Jesucristomi catamëcë unicama ñuixuncë ꞌaish camina an Jesucristo cuëëncësabi oquin bana ñuixuncë ꞌiti ꞌain. ꞌIanan camina ami ñuixuncë bana upí oquin ꞌunánquin a banaxa quicësabi oquin ꞌati ꞌain.

2 Timoteo 1:12

An ꞌimicëxun usoquin ꞌacë cupía bëtsi bëtsi ocancëxbi cana rabiniman. Ami catamëquin cana ꞌunanin, ax cushiira ꞌixun ca Nucën Papa Diosan, ꞌëx a ꞌinamëcë ꞌicë bërúanquin aín bana bëtsi oquin ñuiquinma upí oquinshi unicama ꞌunánminun ꞌë ꞌaquinti ꞌicën. ꞌAquianan ca anúan ax utëcënti nëtën uquin an ꞌën ꞌacë ñucama upí isti ꞌicën.

2 Timoteo 3:15

Chamará ꞌixunbi ꞌá ꞌixun camina Nucën Papa Diosan bana ꞌunanin. A banacama ꞌunánquin camina uisai caramina ꞌiti ꞌai quixun ꞌunánan, uisari caramina Jesucristomi catamëti Nucën Papa Diosnan ꞌinux ië́ti ꞌai quixun ꞌunánti ꞌain.

Hebreos 11:13

Abraham, Sara, Isaac, Jacob, acamax ca Nucën Papa Diosan ñuiasa oi ꞌicëma pan ꞌain bamacëxa. Usa ꞌaínbi ca aín bamati nëtë sënë́ntamainun masá nuituquinma cuëënquin, Nucën Papa Diosan nu cacësabi oi ca nun rëbúnqui ꞌiti ꞌicë quixun ꞌunáncëxa. Usaquin ꞌunani ca ësai quicësa ꞌiacëxa: nux ënë menu ꞌicë ꞌaishbi cananuna uníxa aín menumabi bëtsi menu cuanúxbi tsócësa ꞌain.

Hebreos 6:9

ꞌËn nuibacë xucë́antu, uni raírinën ca Nucën Papa Diosan Bëchicëmi catamëtancëxunbi ënia quixun ñuixunquinbi cananuna ꞌunanin, mitsux camina Jesucristo cupí ainan ꞌinun ië́micë ꞌixun ëncëma ꞌaish asérabi Nucën Papa Diosan upí oquin ꞌaquíncë ꞌai quixun.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.