2 Timoteo 1:4 - Kashibo-Kakataibo Biblia

⁴ Mixmi bëunan mëscúcë aribi manucëma ꞌixun cana chuámarua tani cuëëinra cuëënuxun mi istëcëinsa tanin.

Nukën 'Ibu Diosan ain unikama 'inan ain bana

⁴ Mixmi bëunan mëscúcë aribi manucëma 'ixun cana chuámarua tani cuëëinra cuëënuxun mi istëcëinsa tanin.

2 Timoteo 1:4 ပူးပေါင်းရင်းမြစ်များ

Salmos 126:5

Uikaman kara tëmërai nitë́xëkin aín bëunan mëskúkinbi ñu ꞌapatia ax ka aín ñu ꞌapákë tuaia aín bimi bitsi munuma kuëëni kikanti ꞌikën.

Isaías 61:3

axa bëtsi menuax uax Jerusalénnu tsókë unikamax ka chimaputan mataka kima mañuti, mañuax kuëënun mitsu ꞌimiti ꞌain, ꞌimianan kana ꞌiníntisa ro sanuira anúnmi ꞌinun ꞌinankësa okin masá nuituti inkë a ënia kuëënun ꞌimiti ꞌain, ꞌianan kana masánuituti nitë́xëkinma ꞌë rabi kantanun ꞌimiti ꞌain. Usa ꞌikë ka i upí kanan, an kanankë kakin mitsu unikaman anëti ꞌikën, usa ꞌixun ka Nukën ꞌIbun anbi ꞌapá ꞌixun aín kushi mitsu ismiti ꞌikën.

Jeremías 31:13

Usai ꞌikëbë ka xanu chipash ransai kuëëmainun, uni bënákama axribi ꞌikëbë uni apankama atúxribi usai ꞌi kuëënti ꞌikën. Usai ꞌia nuibakin kana: masá nuitukë a ënia kuëënun ꞌimiti ꞌain, ꞌimianan kana masá nuitutia nitë́xëkë usamaira ꞌinua kuëënun ꞌimiti ꞌain.

Juan 16:22

Usaribiti camina mitsux bërí masá nuitutin, ꞌaíshbi camina ꞌë istëcëni cuëënquin chuámashirua tanti ꞌain, uinu ꞌicë unínbi sinanamitisama oi.

Juan 16:24

ꞌËnan ꞌixunbi camina ꞌëx quicësabi oquin añu ñubi Nucën Papa Dios ñucácancëma pain ꞌain. Ca ñucát. Ñucácëxun ca cuëëinra cuëënun an mitsu ꞌaxunti ꞌicën.

Hechos 20:19

ꞌËx mitsubë ꞌixun cana mitsúnmi ꞌë rabiti sinánquinma axa cuëëncësabi oi ꞌiquin Nucën ꞌIbu Jesucristo ñuiquin uni bana ñuixuan. Usoquin ꞌai cana bëunan mëscúanan judíos unicaman ꞌë bëtsi bëtsi ocëx ꞌaisamaira tëmëran.

Hechos 20:31

Usa ꞌain camina unin paráncëma ꞌinuxun upí oquin sináinrati ꞌain. Camina sinánti ꞌain, rabë́ ꞌimainun achúshi barin cana ñantánbi nëtë́nbi nëtë́quinma bëunan mëscúquin mitsu ꞌësëan.

Romanos 1:11

Mitsúxmi asérabiira Jesucristomi cushicë ꞌinun ꞌaquinuxun cana mitsu isi cuainsa tanin.

Filipenses 1:8

Nucën Papa Diosan ca ꞌunania, Jesucristonëan unicama nuibacësaribi oquin cana ꞌën mitsu nuibaquin ꞌaisamaira sinani quixun.

Filipenses 2:26

Mitsúnmi a ꞌinsíncë cuacë a ꞌunani ca mitsu isi cuanti sinani bënëtia.

1 Tesalonicenses 2:17

ꞌËn xucë́antu, mitsubë ënanantancëxun cananuna isquinmabi mitsu ꞌitsaira sinanin. Usa ꞌaish cananuna mitsu isi cuainsaira tanin.

2 Timoteo 4:21

Mitabúcëma ꞌaínshi camina bënëtishi uti ꞌain. Eubulo, Pudente, Lino, Claudia, acama ꞌimainun an Nucën Papa Diosan bana ꞌacë unicamanribi ca bërúanxmi ꞌinun quixun mi camia.

2 Timoteo 4:9

Bënëtishi camina ꞌë isi uti ꞌain.

1 Juan 1:4

Upí oquin sinanimi chuámaishirua tani cuëënun cananuna ënë banacama ësoquin mitsu cuënëoxunin.

Apocalipsis 21:4

An ca aín unicama aín bëunan mëscutia ini masá nuitutiabi nëtë́miti ꞌicën, aín bëun tërë́nquin. A unicamax ca bamatëcëntima ꞌicën, usai ꞌianan ca rarumatëcëntima ꞌicën, ꞌianan ca intëcëntima ꞌicën, acaman ca paë tantëcëntima ꞌicën. Bëráma usai ꞌiá ꞌaíshbi ca usai ꞌitëcëntima ꞌicën.