2 Tesalonicenses 3:1 - Kashibo-Kakataibo Biblia

¹ Nucën xucë́antu, ësaquinribishi cananuna mitsu cain, camabi menu ꞌicë unicaman nun Jesucristo ñuiquin bana ñuixunia cuanun camina Nucën Papa Dios nu ñucáxunti ꞌain, nun mitsu bana ñuixuncëxun cuaquinmi —a banax ca upíira ꞌicë —quixun caquin mitsun ꞌacësaribi oquian atunribi sinánun.

Nukën 'Ibu Diosan ain unikama 'inan ain bana

¹ Nucën xucë́antu, ësaquinribishi cananuna mitsu cain, camabi menu 'icë unicaman nun Jesucristo ñuiquin bana ñuixunia cuanun camina Nucën Papa Dios nu ñucáxunti 'ain, nun mitsu bana ñuixuncëxun cuaquinmi —a banax ca upíira 'icë —quixun caquin mitsun 'acësaribi oquian atunribi sinánun.

2 Tesalonicenses 3:1 ပူးပေါင်းရင်းမြစ်များ

Mateo 9:38

Usa ꞌain camina Nucën Papa Dios, axa ꞌëmi sináncë unicaman ꞌibu, a ñucáti ꞌain, an uni ꞌëmi sinánun ꞌaquinti unia ꞌitsa xunun, bimi ꞌibu unían an bimi biti uni xucësaribi oquin.

Lucas 10:2

Xuquin ca cacëxa: —ꞌAisamaira uníxa ꞌëmi sinánti ꞌaínbi ca an atu ꞌëmi sinánun ꞌaquinti uni ꞌitsamashi ꞌicën. Usa ꞌaish ca naënua ꞌaisamaira ñu bimi ꞌaínbia an biti uni ꞌitsamashi, usaribi ꞌicën. Usa ꞌain camina Nucën Papa Dios axa ëmi sináncë unicaman ꞌibu, a ñucáti ꞌain, an uni ꞌëmi sinánun ꞌaquinti unia ꞌitsa xunun, bimi ꞌibu unían an bimi biti uni xucësaribi oquin.

Hechos 12:24

Usa ꞌaínbi ca ꞌitsaira uni Nucën ꞌIbu Jesúsmi catamëacëxa. Usai ꞌimainun ca camabi menuxunribi ami sinánquin Jesús ñuiquin cuacocancëxa.

Hechos 19:20

Usaría ꞌimainun ca a ñuiquin bana ñuia cuati Jesucristomi catamëti unicamax amiribi amiribi ꞌitsacëxa.

Hechos 6:7

Usa ꞌain ca amiribi amiribia, Jesús ax ca asérabi Cristo ꞌicë quixun Jerusalénuxun cuacocancëbë, ami sinani Nucën Papa Diosnan ꞌi unicamax ꞌitsacëxa. Usai ꞌicëbë ca judíos sacerdotecamaribi ꞌitsaxira Jesúsmi catamëacëxa.

Romanos 15:30

ꞌËn xucë́antu, ꞌëx ꞌicësaribitimi mitsux Nucën ꞌIbu Jesucristonan ꞌianan aín Bëru Ñunshin Upitan ꞌunánmicë ꞌaish ꞌëbë nuibanancë ꞌicë cana mitsu cain, Cristomi catamëcëma ꞌianan Nucën Papa Diosan bana cuacëma ꞌaish ca ꞌitsa uni ꞌëmi nishia. Usa ꞌain camina asérabi ami cushicë ꞌixun ꞌë Nucën Papa Dios ñucáxunti ꞌain.

2 Corintios 13:11

ꞌËn xucë́antu, chuámashi camina ꞌicanti ꞌain. Añu ñucama cara ꞌaisama ꞌicë camina mëníoquin sinántëcëntima ꞌain, ꞌën mitsu cacë banacama cuati camina bëtsin sináncësabi oquin sinani nishananíma nuibananishi ꞌicanti ꞌain. Usai ꞌia ca Nucën Papa Dios, an aín unicama nuibaquin bënëtima chuámarua ꞌinun ꞌimicë, ax mitsubë ꞌiti ꞌicën.

Colosenses 4:3

Abë banaquin camina nun unían ꞌunánma bana Cristo ñui quicë ñuixunuan ꞌaquinun Nucën ꞌIbu Dios ñucáti ꞌain. A bana uni ñuixuncë cupí cana sipuacë ꞌain.

1 Tesalonicenses 1:5

Jesucristomi catamëti ca uni Nucën Papa Diosnan ꞌiti ꞌicë quixun bana ñuixunquin cananuna nun cuëbitainshi banaquinma, aín Bëru Ñunshin Upitan nu sinánmicëx Nucën Papa Diosmi cushicë ꞌixun aín bana mitsu ñuixuan. Nun ñuicë banax ca cëmëma ꞌaish asérabi ꞌicë quixun ꞌunáncë ꞌixun cananuna upí oquin a bana mitsu ñuixuan. Mitsúxmi upí ꞌiti cupí cananuna mitsubë ꞌaish usai ꞌia quixun camina ꞌunáncanin.

1 Tesalonicenses 1:8

Usaími mitsux ꞌicëbëtan ca Macedonia ꞌimainun Acayanu ꞌicë unicamainshima, bëtsi bëtsi menu ꞌicë unicamanribi Jesucristo ñuicë bana ꞌunánan mitsúxmi asérabi Nucën Papa Diosnan ꞌicë cuaxa. Nun ñuixuncëxunmabi ca camabi unin, uni raírinëan camabi menuxun mitsu chanioia cuaquin, mitsux camina asérabi Nucën Papa Diosmi upiti catamëti quixun ꞌunania.

1 Tesalonicenses 2:1

Nun xucë́antu, mitsúnbi camina, nun bana ñuixuncëxun asérabi cuaxun ꞌunanin, nux cananuna mitsu isi ñancábi cuancëma ꞌai quixun.

1 Tesalonicenses 2:13

Nun Nucën Papa Dios cuëëncësabi oquin aín bana ñuixuncëxun cuaquin camina —a banax ca unínbi sináncëma ꞌicën, asérabi Nucën Papa Diosan sinánmicëxun ca nu ñuixuncania —quixun sinan. A banax asérabi ainan ꞌain camina mitsux a cuati Nucën Papa Diosnan ꞌain. Mitsux usai ꞌia ꞌunánquin cananuna nëtë́quinma a —asábi ca —quixun caquin rabin. Mitsúnmi —a banax ca asérabi ꞌicë —quixun cuatia ca Nucën Papa Diosan ainan ꞌinun mitsu ꞌimiaxa.

1 Tesalonicenses 4:1

Nucën xucë́antu, Nucën ꞌIbu Jesús cuëëncësabi oquin ꞌësëquin cananuna ësaquinribi mitsu cain, uisai ꞌianan caramina uisaira oquinribi Nucën Papa Dios cuëëntanun ꞌati ꞌai quixunu mitsu ꞌunánmicësabi oquin ꞌaquinbi camina mitsun ꞌacësamaira oquin camabi nëtën ꞌati ꞌain.

1 Tesalonicenses 5:17

Usai ꞌi camina camabi nëtën Nucën Papa Diosbë banacanti ꞌain.

1 Tesalonicenses 5:25

Nucën xucë́antu, camina nu sinánquin Nucën Papa Dios nu ñucáxunti ꞌain.

2 Timoteo 2:9

A bana ñuixunia oquin ca unin ꞌë sipuaquin tëmëramianan ꞌuchañu uni ꞌacësaira oquin ꞌë manë risin tëcërëcaxa. Usoquin ꞌë ꞌaquinbi ca uinu ꞌicë unínbi Nucën Papa Diosan bana cëñuima. A bana cuati ca ꞌitsa uni Jesúsmi sinania.