2 Tesalonicenses 2:7 - Kashibo-Kakataibo Biblia

⁷ A unia ucëma pan ꞌaínbi ca anúan ꞌatima unin uni paránquin ñu ꞌatima ꞌati a cushínribi unin bërí nëtë́nbi ñu ꞌatima ꞌaia. An aín uti bëaracë axa nëtë́cëbë cuni ca uti ꞌicën.

Nukën 'Ibu Diosan ain unikama 'inan ain bana

⁷ A unia ucëma pan 'aínbi ca anúan 'atima unin uni paránquin ñu 'atima 'ati a cushínribi unin bërí nëtë́nbi ñu 'atima 'aia. An aín uti bëaracë axa nëtë́cëbë cuni ca uti 'icën.

2 Tesalonicenses 2:7 ပူးပေါင်းရင်းမြစ်များ

Hechos 20:29

ꞌËn cana ꞌunanin, ꞌëx cuancëbë ca uni raíri uti ꞌicën. Uxun ca axa ami sináncë unicama, Jesucristomi catamëti bana a ënun quixun paránti ꞌicën. ꞌInúanëan bëtsi biquin carnero tsuácacësaribi oquin ca a unin axa ami sináncë unicama Jesús manunun quixun parántisa tanti ꞌicën.

2 Tesalonicenses 2:6

Mitsun camina ꞌunanin uisa cupí cara ꞌaisama uni ax aín uti nëtë sënë́ncëma ꞌaínshi aima quixun.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

1 Juan 2:18

ꞌËn bëchicësa ꞌicë, cana mitsu cain, anúan ënë mecama cëñúti nëtë ca ꞌurama ꞌicën. A nëtëa ucëma pan ꞌain ca axa Cristo ꞌatimaquin ñui banacë uni uti ꞌicë quixun camina cuan. Ca uti ꞌicë ꞌaínbi ca bëríbi ꞌitsa unin Cristo ꞌatimaquin ñuia. Usa ꞌain cananuna ꞌunanin, anúan ënë mecama cëñúti nëtë ca ꞌurama ꞌicë quixun.

1 Juan 4:3

Usa ꞌaínbi ca an usaquin Jesús ꞌunáncëma uni, ax Nucën Papa Diosan Bëru Ñunshin Upíñuma ꞌicën. Usa ꞌaish ca an Cristo ꞌatimaquin ñuicë uni banacësa ꞌicën. An Cristo ꞌatimaquin ñuicë uni ca uti ꞌicë quixun camina cuan. Usa uni ca uti ꞌicë quiáxa quicë ꞌaínbi ca bëtsi bëtsi unin bëríbi Cristo ꞌatimaquin ñuia.

Apocalipsis 17:5

Usa ꞌaish ca aín bëmánanu achúshi anë unin ꞌunáncëma ꞌaíshbi ësai quicë ꞌiaxa: “Ënë ëma cha, Babilonia, ax ca ꞌaisama xanusaribi ꞌicën. Usa ꞌaish ca a an ꞌunánmicë ꞌaish camabi uni ꞌimainun xanu, an nu ꞌaisama ꞌacë aín titasa ꞌicën”.

Apocalipsis 17:7

Ratutiabi ca xanpa tuíncë ángelnën ꞌë caxa: —¿Uisacatsi caramina ratutin? A xanu ꞌimainun ñuinacanꞌëo anu a xanu tsócë, axa aín maxcá mëcën achúshi ꞌimainun rabë́ ꞌianan aín matúxca mëcën rabë́, a rabëtax cara uisa ꞌicë quixuan unin ꞌunáncëbëtanmabi cana mi ꞌunánmiti ꞌain.