2 Tesalonicenses 2:3 - Kashibo-Kakataibo Biblia

³ Usai quicë bana ñuia cuaquinbi camina —asérabi ca —quixun sinántima ꞌain. Jesucristo uti nëtë ucëma pan ꞌain ca ꞌaisamaira unin Nucën Papa Diosan bana cuaisama tanti ꞌicën. Usaía ꞌicëbë ca aínra unicama paránquin aín bana cuanun quixun ꞌaisama ñu ꞌamiti uni achúshi, axa aín ꞌucha cupí ꞌaisamaira oquin castícancë ꞌiti, ax uti ꞌicën.

Nukën 'Ibu Diosan ain unikama 'inan ain bana

³ Usai quicë bana ñuia cuaquinbi camina —asérabi ca —quixun sinántima 'ain. Jesucristo uti nëtë ucëma pan 'ain ca 'aisamaira unin Nucën Papa Diosan bana cuaisama tanti 'icën. Usaía 'icëbë ca aínra unicama paránquin aín bana cuanun quixun 'aisama ñu 'amiti uni achúshi, axa aín 'ucha cupí 'aisamaira oquin castícancë 'iti, ax uti 'icën.

2 Tesalonicenses 2:3 ပူးပေါင်းရင်းမြစ်များ

Daniel 7:25

Usa ꞌixun ka an Dios manámi ꞌikë kushiira ꞌatimakin ñuianan an rabikë unikama këñukin pëuti ꞌikën; ꞌanan ka Dios kia bana aribi bëtsiokin nainsa tanan usakin unikaman fiesta ꞌatia Dios kia aribi bëtsiokin nainsa tanti ꞌikën, usa ꞌain ka an Dios rabikë unikaman ꞌapu an kakësokinshi ꞌati ꞌikën, rabë́ ꞌimainun achúshi baritia ꞌirukë anua mapai achúshi ꞌimainun achúshi ꞌuxë sënë́mi kiti ꞌikën.

Juan 17:12

Ënë nëtënu atubë ꞌixun cana minmi ꞌë ꞌináncë unicama min cushínbi bërúan. ꞌËn bërúancëxun ca acama achúshinënbi ꞌëmi sinánti ëncëma ꞌicën. Usa ꞌaínbi ca achúshi uni axa usai ꞌiti ꞌia, an cuni ꞌëmi sinánti ëanxa, a ñuia min bana cuënëo quicësabi oquin.

1 Corintios 6:9

¿Aín nëtënu abë ꞌiisa ꞌaíshbi ca an ñu ꞌaisama ꞌacë uni aín nëtënu Nucën Papa Diosbë ꞌitima ꞌicë quixun caramina ꞌunaniman? Camina ꞌunánti ꞌain, ainanmabi xanu cuëëncë unicama ꞌimainun an Nucën Papa Diosmi sinánquinma unin ꞌacë ñu rabicë unicama ꞌimainun aín xanuma ꞌaínbi bëtsi unin xanubë ꞌicë uni ꞌimainun xanúxmabi uni itsibë ꞌicë uni,

Efesios 5:6

Uni raírinëan —ñu ꞌatima ꞌacë ꞌaíshbi camina Nucën Papa Diosan nëtënu ꞌiti ꞌai —quixun cacëxunbi camina mitsun, —cëmëi ca quia —quixun sinánti ꞌain. An aín bana cuaisama tanquin usa ñu ꞌacë unicama a ca ami nishquin Nucën Papa Diosan castícanti ꞌicën.

1 Juan 2:18

ꞌËn bëchicësa ꞌicë, cana mitsu cain, anúan ënë mecama cëñúti nëtë ca ꞌurama ꞌicën. A nëtëa ucëma pan ꞌain ca axa Cristo ꞌatimaquin ñui banacë uni uti ꞌicë quixun camina cuan. Ca uti ꞌicë ꞌaínbi ca bëríbi ꞌitsa unin Cristo ꞌatimaquin ñuia. Usa ꞌain cananuna ꞌunanin, anúan ënë mecama cëñúti nëtë ca ꞌurama ꞌicë quixun.

1 Juan 4:3

Usa ꞌaínbi ca an usaquin Jesús ꞌunáncëma uni, ax Nucën Papa Diosan Bëru Ñunshin Upíñuma ꞌicën. Usa ꞌaish ca an Cristo ꞌatimaquin ñuicë uni banacësa ꞌicën. An Cristo ꞌatimaquin ñuicë uni ca uti ꞌicë quixun camina cuan. Usa uni ca uti ꞌicë quiáxa quicë ꞌaínbi ca bëtsi bëtsi unin bëríbi Cristo ꞌatimaquin ñuia.

Apocalipsis 17:11

Acamax achúshi achúshinëx ꞌicëbë ca acama ꞌicësaribi ꞌaíshbi bëtsi axribi ꞌapu ꞌiti ꞌicën. Ax ca ñuinacanꞌëo, anu a xanu tsócë, axa ꞌiá ꞌaíshbi nëtë́cë, a ꞌiti ꞌicën. ꞌApu ꞌitancëx ca anu ax xënibua ꞌaínbi paëira tani tëmërati anu cuanti ꞌicën.

Apocalipsis 17:8

A ñuinacanꞌëo a min iscë, ax ca ꞌiacëxa, ꞌaíshbi ca bërí ꞌaíma ꞌicën. Ca quini cha nëmíinra anu ꞌicën. Anu ꞌaíshbi ca anu xënibua ꞌaínbi paëira tani tëmërati anu cuanux, quini cha nëmíinra anuax chiquíti ꞌicën. A ñuinacanꞌëo anua xanu tsócë, axa parúnpapanu ꞌia, axa anu ꞌiá, ꞌaíshbi nëtë́a ꞌaish utëcënia isi ca a Nucën Papa Diosan nëtënu ꞌiti oquin nëtë ióñubi aín anë cuënëoma unicama, ax ratúira ratúti ꞌicën.