2 Tesalonicenses 1:9 - Kashibo-Kakataibo Biblia

⁹ Usoquian xënibua ꞌaínbi cëñútimoquin ꞌaisamaira oquin castícancë unicamax ca Nucën Papa Diosan nëtë upí, aín cushían pëcacë, anu Nucën ꞌIbu Jesúsbëma ꞌaish, a ꞌura ꞌianan aín cushin ꞌaquincëma ꞌiti ꞌicën.

Nukën 'Ibu Diosan ain unikama 'inan ain bana

⁹ Usoquian xënibua 'aínbi cëñútimoquin 'aisamaira oquin castícancë unicamax ca Nucën Papa Diosan nëtë upí, aín cushían pëcacë, anu Nucën 'Ibu Jesúsbëma 'aish, a 'ura 'ianan aín cushin 'aquincëma 'iti 'icën.

2 Tesalonicenses 1:9 ပူးပေါင်းရင်းမြစ်များ

Génesis 3:8

Usakë a xupibukëbëtan ka bëbu ꞌimainun xanun Nukën ꞌIbu Dios bari kuainakëkëbëa suñu bëkikëbë nitsia kuakëxa, kuati ka uni aín xanubë abákiani kuanx naësanu ꞌikë ikama tanain unëakëxa.

Génesis 4:16

Usakian Nukën ꞌIbu kakëx ka Caín anuaxa abë banakë me ëbiani kuankëxa, kuantankëx ka Nod, kakë me amiaxa bari urukë Edén ꞌikë anu ꞌiakëxa.

Salmos 16:11

Usa ꞌixun kamina uisai karana tsóti ꞌai kixun ꞌë ꞌunánmiti ꞌain. Anu mix ꞌikë anu ka anuax ꞌitsaira kuëëntisabi ꞌikën; anuax ka min unikama ꞌitsaira kuëënti ꞌikën.

Salmos 51:11

Minan ꞌikë kamina ꞌë ëntima ꞌain, ꞌianan kamina ꞌënua ꞌikë min bëru ñunshin ꞌë bikuantima ꞌain.

Isaías 1:28

ꞌaínbi kana an bana kuakëma unikama ꞌimainun ꞌuchañu unikama ꞌianan an ꞌën bana kuaisama tankë a unikama bamati ꞌikën.

Isaías 33:14

Jerusalén ëmanu ꞌikë unikama ꞌimainun Judá menu ꞌikë unikama atúxribi ka ꞌuchakë ꞌaish ꞌitsaira rakuë́ti bërëia, ꞌimainun ka an Diosan bana ꞌunánkëma unikama atúxribi ꞌitsaira rakuëtan bamai ësai kia: “¿Uinu ꞌikë nukamax kara tsi ërë́kin an ñu xarokin këñúkë anu ꞌianan, këñutima oia ërë́kë anu ꞌiti ꞌit?”

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 22:13

Usa isquin ca ꞌapun an mesanu piti nancë unicama caxa: Ënë uni camina mëtanianan tatanitancëxun ëman bëánquibucënu buántancëxun niti ꞌain. Nicëx ca anuax anu ꞌicë unicamabë tëmërai bënëti inti ꞌicën.

Mateo 24:30

Usaía ꞌicëbëtan ca uni ꞌinux Nucën Papa Diosnuax uá, ꞌëx utëcënia isti ꞌicën. Isi ca camabi menu ꞌicë ui unicamax cara Nucën Papa Diosmi sináncëma ꞌicë, acamax masá nuituti bënëti inti ꞌicën. Usai ꞌiquin ca uni ꞌinux Nucën Papa Diosnuax uá, ꞌën nëtë cuin mëúxun ꞌën cushin pëcabëtsinia isnuxun ꞌaia.

Mateo 25:41

Usaquin catancëxun cana axa ꞌën mëmiu ꞌicë unicama cati ꞌain: Mitsux ꞌën unibuma ꞌaish ca ꞌë ꞌura cuantan. Cuanx ca manë tsi anua aín ꞌapubë ñunshin ꞌatimacama ꞌinun mënío anu ꞌitan.

Mateo 25:46

Usaquin ꞌën cacëx ca acamax anuxuan xënibua ꞌaínbi tëmërati anu cuanti ꞌicën. Cuancëbë ca ꞌën unicamax Nucën Papa Diosan nëtënu xënibua ꞌaínbi ꞌëbë ꞌi cuanti ꞌicën.

Mateo 26:24

Asérabi Nucën Papa Diosan bana cuënëosabi oi cana uni ꞌinux anuax uá, ꞌëx bamati ꞌain. Usa ꞌaínbi ca an ꞌatimonuxun binun uni ꞌë ꞌináncë uni, ax ꞌuchañuira ꞌaish uisoquin cara ꞌati ꞌicë usoquian Nucën Papa Diosan ꞌacë ꞌiti ꞌicën. Usai ꞌitima cupí ax unitima ca ꞌiacëxa.

Mateo 7:23

Quiabi cana atu cati ꞌain: Mitsux camina ꞌën unima ꞌain. Ñu ꞌatima ꞌacë ꞌaish camina mitsux ꞌëbë ꞌitima ꞌain. Ca cuantan.

Lucas 13:27

Cacëx ca quiti ꞌicën: Cana mitsu can, uinuax ucë caramina ꞌai quixun cana ꞌunaniman. Ñu ꞌatima ꞌacë ꞌaish camina mitsux ꞌëbë ꞌitima ꞌain. Ca cuantan.

Juan 5:14

Usa ꞌain ca a pëxcucë uni a anuxun Nucën Papa Dios rabiti xubunuxun mëraquin, Jesusan cacëxa: —Ca is, bërí camina pëxcúcë ꞌain. Usa ꞌain camina mix ꞌiásamairai ꞌinsíntëcënti rabanan amiribishi ꞌuchatëcëntima ꞌain.

Deuteronomio 33:2

ënë banakama ësokin kakëxa: Nukën ꞌIbun ka aín bashi Sinaí kakë anuxunbi Seír kakë me anu bukukëbi nu pë́kakëxa. Pë́kaquin ka aín kushin barin urukin pë́kabëtsinkësokin aín bashi Parán kakë anuxunbia aín kushin pëkakë ax Meribá-Cadés anubi sënë́ankëxa; usai ukin ka unían aín mëkënan tuínxun ñu bëkësa obëtsinkin ax kushiira ꞌixun a tanti aín bana bëakëxa.

Filipenses 3:19

Atúan ñunshínquin aín cuëëncësabi oquinshi ñu ꞌaia isquian unin —ñu ꞌaisama ca ꞌaia —quixun ñuicëxbi rabínquinma an ꞌacësabi oquin ꞌai ca rabitia. Jesucristomi sinánquinma ca ënë menu ꞌicë ñuishi sinania. Usaía ꞌicë cupí ca ainanma ꞌaish xënibua ꞌaínbi Nucën Papa Diosbë ꞌitima ꞌicën.

1 Tesalonicenses 5:3

Axa Jesucristomi sináncëma unicamaxa: “Chuámashi cananuna bucuin, uisa ñunbi ca nu uisotima ꞌicë” quicëbëbi ca anúan cëñúcanti nëtë atun sináncë ꞌaímabi unuxun ꞌaia. Xanu tuñunën ca anúan ax bacë́nti nëtë sënéncëbëtan paë taníma ꞌima. Usaribiti ca axa usai banacë unicama anúan cëñúti nëtëa ucëbë ië́tima ꞌicën.

2 Tesalonicenses 2:8

Usoquin ëncëx pain aia cëmën tapun ꞌatima uni a camabi unin isiabi ca Nucën ꞌIbu Jesusan axira uquin aín cuëbitan uíncënëinshi ꞌaquin aín cushían pëcabëtsincë anúinshi cëñuti ꞌicën.

Tito 2:13

Usaquin ꞌunánmianan ca nu ꞌunánmia, nux ainan ꞌixun cananuna ax quiásabi oía an nu ië́micë Jesucristo, ax Nucën Papa Diosribi ꞌaish, aín cushibëbi utëcënti nëtë caínti ꞌai quixun.

Hebreos 10:29

A unia usoquin ꞌásamaira oquin ca axa aín Bëchicë ꞌimainun aín Bëru Ñunshin Upími ꞌatimati banacë uni a Nucën Papa Diosan castícanti ꞌicën. Nucën Papa Diosan Bëchicë, axa unicama ꞌuchañu ꞌicëbi ië́minux aín imi ꞌapati bama, a ami ꞌatimati bananan Nucën Papa Diosan Bëru Ñunshin Upí an uni nuibaquin ꞌaquincë ami ꞌatimati banacë, a unicamax ca an Moisésnën cuënëo bana ꞌacëma unia ꞌacësamaira oquian Nucën Papa Diosan castícancë ꞌiti ꞌicën.

2 Pedro 2:17

Uni raíri ꞌaquincëma ꞌaish ca xëxá ësquiaxa ꞌunpáxñuma ꞌicësa ꞌianan ꞌuí ꞌibúnux nëtë bënamëtiabi suñun bëcacëx nëtë́cësa, usaribi ꞌicën. Usa ꞌaish ca anua atux tëmërai ꞌiti bëánquibucëira anu nëtë́timoi xënibua ꞌaínbi ꞌiti ꞌicën.

2 Pedro 3:7

Usa ꞌaínbi ca naí ꞌimainun mecama anúan Nucën Papa Dios quicëbëtainshi tsin cëñuti nëtë utámainun usabi ꞌiti ꞌicën. A nëtën ca an ñu ꞌatima ꞌacë unicama Nucën Papa Diosan uisa cara oti ꞌicë usoquin ꞌati ꞌicën.

Judas 1:13

Bëchunan tucánquiquin masinu chinan purucësa, usaribi ꞌinun ca aín nuitu upíma ꞌain ꞌatimati bananan ñu upíma ꞌaia. Chiquíquianxa ꞌispa amanu tacúcë, usaribi ca atux ꞌicën. Usa ꞌaish ca atux nëtë́timoi xënibua ꞌaínbi bëánquibucënu ꞌiti ꞌicën.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.

Apocalipsis 20:14

Usaquin ꞌá ꞌain ca bamati ꞌimainun anua uni bamacë ꞌicë ax ꞌianëmëꞌëosa manë tsi rëquirucë anu nicë ꞌiaxa. ꞌImainun ca ui unicamax cara Nucën Papa Diosan nëtënu ꞌinun aín anë cuënëoma ꞌicë, acamaxribi anuax bamatëcëncësa ꞌaish chiquítimoi ꞌinux, ꞌianëmëꞌëosa manë tsinu nicë ꞌiaxa.

Apocalipsis 21:8

Usa ꞌaínbi ca racuë́quian an ꞌëmi sinánti ëncë unicama, ꞌimainun an ꞌëmi catamëcëma unicama, ꞌimainun an ñu ꞌatima ꞌacë unicama, ꞌimainun an uni ꞌacëcama, ꞌimainun aín xanuma ꞌicëbi bëtsi xanu cuëëncë unicama ꞌimainun aín bënëma ꞌicëbi bëtsi uni cuëëncë xanucama ꞌimainun ñu xëacë ñubë́ unicama ꞌimainun an Nucën Papa Diosmabi bëtsi ñu rabicë unicama ꞌimainun cëmë unicama, acamax anuaxa ꞌianëmëꞌëosa manë tsi azufrebë rëquirucë anu ꞌiti ꞌicën, anu bamatëcëncë ꞌaish chiquítimoi ꞌinux.

Apocalipsis 22:15

Usa ꞌaínbi ca ꞌaisama unicamax a ëma ëmáinshi ꞌiti ꞌicën. An ñu ꞌaisama sináncë unicama, an ñu xëacë ñubë́ unicama, aín xanuma ꞌicëbi bëtsi xanu cuëëncë unicama, aín bënëma ꞌicëbi bëtsi uni cuëëncë xanucama, an uni ꞌacë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima ꞌicën. Ca ëmáinshi ꞌiti ꞌicën.