2 Tesalonicenses 1:7 - Kashibo-Kakataibo Biblia

⁷ Usoquin ꞌanan aín ángelnën cushicamabëtan, tsi rëquirucësa ꞌixuan pëcacë nëbë́tsi, Nucën ꞌIbu Jesús naínuax ucëbëtan, an nucëñun unían tëmëramicë ꞌicëbi mitsu chuámarua ꞌimiti ca asábi ꞌicën.

Nukën 'Ibu Diosan ain unikama 'inan ain bana

⁷ Usoquin 'anan aín ángelnën cushicamabëtan, tsi rëquirucësa 'ixuan pëcacë nëbë́tsi, Nucën 'Ibu Jesús naínuax ucëbëtan, an nucëñun unían tëmëramicë 'icëbi mitsu chuámarua 'imiti ca asábi 'icën.

2 Tesalonicenses 1:7 ပူးပေါင်းရင်းမြစ်များ

Éxodo 19:18

Usakëbë ka kamabi aín bashi Sinaí anua Nukën ꞌIbu ubúkë ain meuküax tsi rëkirukë kuinsa ꞌinun tëxëkiruakëxa. Usaia ꞌikëbë ka aín bashikamaxribi munuma shaíkiakëxa.

Éxodo 3:2

Anuax ka Nukën ꞌIbun ángel tsi rëkirukësa ꞌinun mërakëxa, mëratika i muxañu pëñanakëkë a nëbëtsinuax ꞌiakëxa, ꞌia Moisésnën upíokin iskëxbi ka i pëñanakëkë rëkirukë ax këñutima usabi ꞌikë isakëxa.

Ezequiel 1:13

Usa ꞌain ka unisa ñukama ax tsi ëxku ënxaira iskësa ꞌianan ñu tiríoxun buánxun bëtëkënkësa atu nëbë́tsi ꞌiakëxa; usa ꞌain ka tsi ëxku ërë́kësa ax anubi ërë́akëxa, usai ꞌikëbë ka anuax kaná kamë ꞌëo mëriti ꞌikësai ꞌiakëxa.

Daniel 7:9

Usai ꞌikëbëtan abi ꞌën iskëxun ka anu tsótikama nanxa, nankëbë ka anu achúshi uni apan tsóbuaxa. Aín chupax ka matsi uxua iskësa uxuira ꞌiaxa, ꞌimainun ka aín bu axribi xapu uxua upíira iskësa ꞌiaxa. Usa ꞌain ka anua tsókë anun mañakë ax tsi ërë́rukë iskësa usaribi ꞌiaxa,

Mateo 16:27

ꞌËx cana ꞌën Papa Diosan nëtënu cuantancëx anu abë ꞌApu ꞌiti ꞌain. ꞌËx ꞌApu ꞌaish utëcëncëbë ca ꞌën ángelcamaribi uti ꞌicën. Uxun cana unicama achúshi achúshi atun nuitu ꞌunánquin an ñu ꞌatima ꞌacë unicama a ꞌatimonan an upí ñu ꞌacë unicama ꞌëbë ꞌinúxa cuëënun ꞌimiti ꞌain.

Mateo 16:28

ꞌËn cana asérabi mitsu cain, axa ënu ꞌëbë ꞌicë uni raírinën ca bamacëma pain ꞌixun, uni ꞌinux Nucën Papa Diosnuax uá ꞌicë, ꞌëx cana asérabi ꞌën unicaman cushi ꞌai quixun isti ꞌicën.

Mateo 25:31

Usaquin catancëxun ca Jesusan aín uti nëtë ñuixuntëcënquin ësaquinribi aín ꞌunánmicë unicama cacëxa: —Uni ꞌinux Nucën Papa Diosnuax uá ꞌaish ꞌën cushínbi utëcëanx cana ꞌApuira ꞌinuxun ꞌain. Usa ꞌain ca ꞌëbë ꞌën ángelcamaribi ꞌiti ꞌicën.

Mateo 25:41

Usaquin catancëxun cana axa ꞌën mëmiu ꞌicë unicama cati ꞌain: Mitsux ꞌën unibuma ꞌaish ca ꞌë ꞌura cuantan. Cuanx ca manë tsi anua aín ꞌapubë ñunshin ꞌatimacama ꞌinun mënío anu ꞌitan.

Mateo 26:64

Cacëxun ca Jesusan cacëxa: —Minmi ꞌë cacë, usa cana ꞌëx ꞌain. Mitsun camina, uni ꞌinux anuax uá, ꞌë Nucën Papa Dios, cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Marcos 14:62

Cacëxun ca Jesúsan cacëxa: —ꞌËx cana a ꞌain. Mitsux camina uni ꞌinux anuax uá, ꞌë, Nucën Papa Dios cushiira, abë ꞌApu ꞌaish aín mëqueu tsócë isanan ꞌëx naí cuin mëucüax utëcënia isnuxun ꞌain.

Marcos 8:38

Ui unix cara ꞌënan ꞌicëbia axa ꞌëmi sináncëma unin ꞌusánti sinani ꞌënan ꞌitimi rabíanan ꞌën bana quicësai ꞌitimi rabinia, a uníxa ꞌënan ꞌitimi cana ꞌëxribi rabínti ꞌain, uni ꞌinux anuax uá ꞌaish cuantancëx ꞌën Papa Diosbë ꞌApu ꞌitancëx aín ángelcamabë utëcëni.

Lucas 16:25

Cacëxun ca Abrahamnën ñuñu ꞌiá uni cacëxa: Mix bamacëma pain ꞌaish camina Lázaronëxa ñuñuma ꞌianan ꞌinsíncë ꞌaish nuibacamainun mix ꞌitsa ñuñu ꞌianan ꞌinsíncëma ꞌaish upitax tsoócën. Usai ꞌiá ꞌaíshbi ca bërí mixmi ꞌaisamaira paë tani tëmëramainun Lázaro ax asábiira ꞌicën.

Lucas 17:30

Lot ꞌaían ꞌiá usaribiti ca uni ꞌinux Nucën Papa Diosnuax uá ꞌaish, ꞌëx anun utëcënti nëtë, anúan camabi unin ꞌë isti, ax ꞌiti ꞌicën.

Juan 1:3

Aín Banáinshi ca camabi ñu uniacëxa. Nucën Papa Diosan Bana ꞌaíma ꞌia ꞌain ca ñu ꞌaíma ꞌianan ñancáishi ꞌitsíanxa.

Juan 1:51

Ësaquinribi ca Jesusan Natanael cacëxa: —Asérabi cana mitsu cain, naí panárabëcëbëtan camina uni ꞌinux ꞌëx anuax uá, ꞌë manáminuaxa Nucën Papa Diosan ángelcama cuaruanan ubutia isnuxun ꞌain.

Hechos 1:11

Usa ꞌixun ca atu cacëxa: —Galileanu ꞌicë unicama, ¿añuaquin caramina manámia isabatin? Jesús, axa bërí naínu cuancë, ënëx ca mitsúnmi cuania iscësa ësaribicuatsini utëcënuxun ꞌaia.

Hechos 3:19

Usa ꞌain camina ꞌatimaquin sinánxunbi sinanaquin mitsun ꞌuchacama tërë́ncë ꞌinun Nucën Papa Diosmi sinánti ꞌain. Ami sináncëxun ca Nucën ꞌIbu Diosan mitsun ꞌuchacama tërë́anan chuámarua ꞌinun mitsu cuëënmiti ꞌicën.

Romanos 8:17

Aín bëchicë ꞌicë ca Nucën Papa Diosan ax quicësabi oquin nu ꞌaquianan aín nëtënu abë ꞌinun nu ꞌimiti ꞌicën. Ainan ꞌicë ca Nucën Papa Diosan Cristosaribi nu ꞌimiti ꞌicën. Cristonan ꞌixúnu tëmëraquinbi ax cuëëncësabi oquin ꞌati ëncëma ꞌicë ca Nucën Papa Diosan nuribi aín quicësabi oquin aín nëtënu Cristobë ꞌinun nu ꞌimiti ꞌicën.

2 Corintios 4:17

Cananuna ꞌunanin, ënë nëtënuaxnu tëmëracë ꞌaínbi ca a ñucamax bënëtishi cëñutia. Tëmëracëbi ca nun sináncësamaira oquin Nucën Papa Diosan nux tëmëracë cupínu abë́ ꞌaish chuámarua tani cuëëinra cuëënun nu ꞌimiti ꞌicën.

Efesios 1:2

Nucën Papa Diosbëtan Nucën ꞌIbu Jesucristonën mitsu nuibaquin ꞌaquincëxmi chuámarua ꞌaish bucucanti cana cuëënin.

Colosenses 1:16

Nucën Papa Diosan uniomicëxun ca aín Bëchicënën naínu ꞌicë ñucama ꞌimainun menu ꞌicë ñucamaribi ꞌanan bëtsi bëtsi ñu unin aín bërúnbi iscë ꞌimainun unin iscëma ñucamaribi uniocëxa. Usonan ca ángelcama ꞌimainun uisa cushi cara, acamaribi uniocëxa, ainan ꞌaish ax cuëëncësabi oi ꞌinun.

1 Tesalonicenses 3:13

Usoquian an ꞌaquincëxmi asérabi a ꞌinamëcë ꞌaish ami cushicë ꞌicëa, Cristo aín unicamabë utëcëncëbëtan, Nucën Papa Diosan añu ꞌuchañumabi ꞌicë mitsu isti cananuna cuëënin.

2 Timoteo 2:12

Nucën Papa Dios ainan cupí tëmëraquinbi ëncëma ꞌaish cananuna abë ꞌapusa ꞌiti ꞌain. Usa ꞌaínbi ca nuxnu —ꞌëx cana Jesucristonën unima ꞌai —quicëbë axribi nu ñui —ax ca ꞌën unima ꞌicë —quiti ꞌicën.

Tito 2:13

Usaquin ꞌunánmianan ca nu ꞌunánmia, nux ainan ꞌixun cananuna ax quiásabi oía an nu ië́micë Jesucristo, ax Nucën Papa Diosribi ꞌaish, aín cushibëbi utëcënti nëtë caínti ꞌai quixun.

Hebreos 10:27

Usa ꞌicë, anun an camabi unin ñu ꞌacë isti nëtën Nucën Papa Diosan ax cuëëncësa oi ꞌiisama tani ami nishcë unicama ꞌacësaribi oquin nuribi ꞌuchoquin manë tsinu ꞌimicëx cananuna nux abë ꞌitimoi ꞌiti ꞌain.

Hebreos 12:29

ax upíira ꞌixun ca rëquiruquin tsin ꞌacësaribi oquin ñu ꞌaisamacama cëñuti ꞌicë quixun sinánquin.

Hebreos 4:1

Usa ꞌain cananuna Nucën Papa Diosan ainan ꞌinun nu ꞌimiti nëtë inúcëma ꞌaínshi, ainan ꞌiti sinánti ꞌain. Mitsu raírinëxmi Nucën Papa Diosnanma ꞌitin rabanan camina bërúancati ꞌain.

Hebreos 4:11

Nucën Papa Diosan atu ñuixuncë menu bëbáma unicama usaribiti nuxribi ami catamëcëma ꞌitin rabanan cananuna ainan ꞌaish upí oquin sinani ami catamëquin ëníma bërúancati ꞌain.

Hebreos 4:9

Usa ꞌain cananuna ꞌunanin, Nucën Papa Diosan ca aín unicamaxa ainan ꞌaish ax cuëëncësabi oi ënë menu chuámarua ꞌitancëx aín nëtënuira chuámarua ꞌaish bucuti oquin mëníocëxa quixun.

Hebreos 9:28

Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.

1 Pedro 3:22

Baísquitancëx naínu cuan ꞌaish ca Jesucristo ax Nucën Papa Diosbë ꞌApu ꞌaish aín mëqueu ꞌicën. Usa ꞌicë ca ángelcama ꞌimainun uisa cushi cara anribi aín bana cuatia.

2 Pedro 3:7

Usa ꞌaínbi ca naí ꞌimainun mecama anúan Nucën Papa Dios quicëbëtainshi tsin cëñuti nëtë utámainun usabi ꞌiti ꞌicën. A nëtën ca an ñu ꞌatima ꞌacë unicama Nucën Papa Diosan uisa cara oti ꞌicë usoquin ꞌati ꞌicën.

Judas 1:7

A ángelcamaxa abë ꞌiisama tanan Nucën Papa Dios cuëëncësabi oi ꞌiisama tani ꞌiásaribiti ca Sodoma ꞌimainun Gomorra ꞌimainun a ꞌurama ꞌicë ëmacamanu ꞌicë unicamaxribi ꞌiacëxa. Nucën Papa Diosan ca aín xanubëishia ꞌiti uni ꞌanan xanuribi aín bënëbëishia ꞌiti uniocëxa. Usa ꞌaínbi ca a ëmacamanu ꞌicë unicama aín xanuma ꞌaínbi bëtsi xanubë ꞌimainun xanúxribi aín bënëma ꞌaínbi bëtsi unibë ꞌimainun uníxribi xanúxmabi bëtsi unibë ꞌi, ꞌaisamairai ꞌuchacëxa. Usaía ꞌicë ca Nucën Papa Diosan aín ꞌucha cupíbi, manë tsin nëancëxa, xënibua ꞌaínbi ainanma ꞌinun. Usaía ꞌiá a sinani cananuna nuxribi usai ꞌitin rabanan bërúancati ꞌain.

Apocalipsis 1:7

Ca is, Cristo, ax ca naí cuin mëu bëbacuatsini unuxun ꞌaia. Aia ca camabi unicaman isti ꞌicën, an manë xëtocën taro, acamánbi ca aia isti ꞌicën. Ax ucëbë ca camabi menu ꞌicë unicama ami sináncëma ꞌaish masá nuituti inti ꞌicën. Asérabi ca usai ꞌiti ꞌicën.

Apocalipsis 14:10

a unicama ca Nucën Papa Diosan ꞌaisamairai ami nishquin castícanti ꞌicën. Acaman ca anuaxa manë tsi ꞌimainun azufre rëquirucë, anuxun ꞌaisamaira oquin paë tanti ꞌicën. Nucën Papa Diosan ángelcama ꞌimainun Carnero ꞌicësaribitia unin ꞌucha cupí bama, acaman ca atúxa usai ꞌia isti ꞌicën.

Apocalipsis 14:13

Usai ángel banaia cuatancëxun cana naínuaxa ësaquin ꞌë cai banaia cuan: —Ënë bana ca cuënëot: Ax Nucën ꞌIbu Jesucristomi catamëcë unicamax ca bamatancëx chuámarua tani cuëënti ꞌicën. Naínuaxa banai quicësaribi oi ca Nucën Papa Diosan Bëru Ñunshin Upí ësai quia: Usa unicaman ca bamatancëxun tëmëratëcënquin paë tantëcëntima ꞌicën. Añu ñucama cara Jesucristonan ꞌixun a ꞌaxuanxa, acama ca Nucën Papa Diosan manuquinma sinania. Usa ꞌain ca a unicama chuámarua tani cuëënti ꞌicën.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.

Apocalipsis 21:4

An ca aín unicama aín bëunan mëscutia ini masá nuitutiabi nëtë́miti ꞌicën, aín bëun tërë́nquin. A unicamax ca bamatëcëntima ꞌicën, usai ꞌianan ca rarumatëcëntima ꞌicën, ꞌianan ca intëcëntima ꞌicën, acaman ca paë tantëcëntima ꞌicën. Bëráma usai ꞌiá ꞌaíshbi ca usai ꞌitëcëntima ꞌicën.

Apocalipsis 22:16

ꞌËx cana Jesús ꞌain. Usa ꞌixun cana axa ꞌëmi catamëcë unicaman ënë ñucama ꞌunánun ꞌën ángel mia canun xuan. ꞌËx cana David, axa judíos unibunën ꞌapu ꞌiá, aín rëbúnqui ꞌain. Usa ꞌaíshbi cana ꞌëx David ꞌicëma pan ꞌain ꞌiacën. Pëcaratia xaba ꞌinúan ꞌispon urucë usaribi cana ꞌëx ꞌiti ꞌain.

Apocalipsis 22:6

Ismitancëxun ca a ángelnën ꞌë caxa: —ꞌËn mi cacësabi oi ca asérabi ꞌiti ꞌicën. Nucën ꞌIbu Dios, an ax quicë bana uni ñuixuncë unicama sinánmicë, an ca uisai cara xënibucëma ꞌaínshi ñu ꞌiti ꞌicë quixuan, aín unicaman ꞌunánun, aín ángel xuaxa.

Apocalipsis 22:9

ꞌËn a rabicascëxunbi ca ꞌë caxa: —Usai ꞌiaxma ca ꞌit. Mibëtan, an min ꞌacësaribi oquin an Nucën Papa Diosan bana uni ñuixuncë unicama ꞌimainun an ënë quiricanu cuënëocë banacama upí oquin sinánquin cuacë unicaman ꞌacësaribi oquin cana ꞌënribi ax quicësabi oquin ꞌaquin Nucën Papa Dios rabin. Usa ꞌain ca ꞌë rabixunma Nucën Papa Diosëshi rabit.

Apocalipsis 6:11

Usai quia Nucën Papa Diosan ꞌináncëxun ca acama achúshi achúshinën chupa uxua biaxa. ꞌInáncëxuan bicëbëa ësoquin atu cai banaia cana cuan: —Mitsu ꞌacësaribi oquin axa Cristomi catamëcë raíri uniribi, unin ꞌaquin sënë́ontamainun, camina caínpainti ꞌain.