2 Tesalonicenses 1:4 - Kashibo-Kakataibo Biblia

⁴ A rabianan cananuna camabi ëmanuxun axa Jesucristomi catamëcë unicamaxa timë́cë mitsu ñuiquin ësaquin cain, mitsux camina unían ubíonan bëtsi bëtsi ocëx tëmëraquinbi tanshianan, uisa ñu cara ꞌicëbëtanbi ëníma Jesucristomi catamëti quixun.

Nukën 'Ibu Diosan ain unikama 'inan ain bana

⁴ A rabianan cananuna camabi ëmanuxun axa Jesucristomi catamëcë unicamaxa timë́cë mitsu ñuiquin ësaquin cain, mitsux camina unían ubíonan bëtsi bëtsi ocëx tëmëraquinbi tanshianan, uisa ñu cara 'icëbëtanbi ëníma Jesucristomi catamëti quixun.

2 Tesalonicenses 1:4 ပူးပေါင်းရင်းမြစ်များ

Romanos 12:12

Nucën Papa Diosan ca ax quicësabi oquin mitsu ꞌaquianan abë ꞌinun mitsu ꞌimiti ꞌicë quixun sinani camina chuáma tani cuëëni bucuti ꞌain. Tëmëraibi camina masá nuituti bënë́tima ꞌain. Ënima camina Nucën Papa Diosbë banati ꞌain.

Romanos 2:7

Axa —Nucën Papa Diosan ca ꞌë upí isquin abë nëtë́timoi tsónun ꞌimiti ꞌicë —qui cuëëncë uni, an ca ënquinma Nucën Papa Dios cuëëncësabi oquin ñu ꞌaia. Usoquin an ꞌacë uni a ca Nucën Papa Diosan xënibua ꞌaínbi abë ꞌinun ꞌimia.

Romanos 8:25

Usa ꞌaínbi cananuna usaquin nu ꞌimicëma pain ꞌixun usai ꞌiti cainin. Cananuna —bëtsi cana ꞌiti ꞌai —quixun sinánquinbi uisa caranuna ꞌiti ꞌai quixun ꞌunánquinmabi a isnuxun —asérabi ca usai ꞌiti ꞌicë —quixun cuëënquin cainin.

1 Corintios 7:17

Nucën ꞌIbu Dios cuëëncësabi oi camina a nëtë́an an mitsu ainan ꞌimicë, usaíbi ꞌiti ꞌain. Usoquin cana camabi ëmanu ꞌicë axa Jesucristomi catamëcë unicama cain.

2 Corintios 12:10

Usa ꞌaish cana Cristo ñuiquin aín bana unicama ñuixuncë cupí uni ꞌëmi ꞌatimati banacë ꞌianan ñuñuma ꞌianan unin bëtsi bëtsi ocë ꞌianan numi uni nishmainun bëtsi ñu cupíribi tëmëraquinbi bënëquinma tanshitin. Usa ꞌaish cushima ꞌixunbi cana Cristonën cushiocëxun ax cuëëncësabi oquin cushiñu ꞌixun ñu ꞌati ꞌain.

2 Corintios 7:14

Mitsunua cuantánun Tito caquin cana —a unicamax ca upí ꞌicë —quixun mitsu rabiquin can. Nun nu Tito ñuiquin mitsu cacë bana axa cëmëma ꞌain ca nun mitsu ñuiquin Tito cacë banacamaxribi cëmëma ꞌiaxa.

2 Corintios 7:4

Mitsun camina upí oquin ꞌai quixun sinani cana cuëënin. Usa ꞌaish cana, nux tëmëraquinbi mitsun upí oquin ꞌaia cuati, chuámarua tani cuëënin.

2 Corintios 9:4

Macedonianu ꞌicë unían ꞌëbë mitsunu cuanxun iscëxbi nun sináncësabi oquin mitsun ꞌacëma ꞌain cananuna rabínti ꞌain. A ñucama mitsun sináncësabi oquin ꞌacëma ꞌaish camina nux ꞌicësamairai rabíncanti ꞌain. Usaínu ꞌitima cupí cana ënë unicama mitsunu cuanun xutin.

1 Tesalonicenses 1:3

Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

1 Tesalonicenses 2:14

Nucën xucë́antu, mitsux camina Judea menuaxa Jesucristomi catamëti Nucën Papa Diosan unicamax ꞌicësaribi ꞌain. Acama ca aín aintsi ꞌixunbi judíos unicaman bëtsi bëtsi ocëxa. Usaribi oquin ca mitsuribi mitsun aintsinbi bëtsi bëtsi oxa.

1 Tesalonicenses 2:19

¿Nucën ꞌIbu Jesucristo ucëbëtan añu isti caranuna cuëënin? Abë ꞌicë mitsu isi cananuna cuëëinra cuëënti ꞌain, nun mitsu aín bana ñuixuncë cupí camina abë ꞌai quixun sinani.

2 Tesalonicenses 3:5

Nucën ꞌIbu Jesucristonëan —Nucën Papa Diosan ca asérabi mitsu nuibatia —quixun upí oquin ꞌunánan, ax ꞌicësaribiti uisa ñu cara ꞌicëbëbi bënë́quinma tanshiti ꞌunánun mitsu ꞌaquinti cananuna cuëënin.

Hebreos 10:36

Jesucristo ucëbë ax quicësabi oi Nucën Papa Diosan nëtënu abë ꞌinuxun camina uni itsían mitsu tëmëramicëxbi a taníma usabi Cristomi catamëquin ax cuëëncësabi oquin ꞌati ꞌain.

Hebreos 6:12

Mitsúxmi chiquish ꞌiti cananuna cuëëniman. Cananuna cuëënin, Nucën Papa Diosan aín quicësabi oquin ꞌaquincë́xa aín uni raírinëx a ëníma ami catamëti upiti ꞌia isími usaribiti ꞌiti.

Hebreos 6:15

Usaquian cacëxun ca Abrahamnën —Nucën Papa Dios quicësabi oi ca ꞌiti ꞌicë —quixun sinánquin bënë́quinma, caíancëxa. Caíncëbë ca Nucën Papa Dios quicësabi oi Abrahamnën xanu tuutancëx Isaac bacë́ancëxa.

Santiago 5:11

Uicaman cara tëmëraquinbi bënë́quinma tanshitia ax ca upí oquinshi sinani cuëënia quixun cananuna ꞌunanin. Mitsun camina Jobnëxa ꞌaisamaira tëmëraibi Nucën ꞌIbu Diosmi catamëa a bana ñuia cuan. Cuacë ꞌixun camina ꞌunáncanin, uisaira oquin cara Nucën ꞌIbu Dios an nuibaquin uni ꞌaquincë ꞌixun a uni ꞌaquiancëxa quixun.

2 Pedro 1:6

Usai ꞌiti ꞌunáncë ꞌixun camina ñu ꞌaisama ꞌaisa tanquinbi tënëanan cushixun Nucën Papa Diosan a ꞌanun mitsu ꞌináncë ñu asérabi ꞌati ꞌain. Usaquin ꞌacë ꞌixun camina mitsumi uisa ñu cara ꞌicëbëtanbi bënë́quinma tanshiti ꞌain. Usaquin ꞌai camina Nucën Papa Diosmi asérabi sinánti ꞌain.

Apocalipsis 14:12

Usa ꞌain ca Nucën Papa Diosan unicama, an aín bana quicësabi oquin ꞌanan Jesúsmi catamëcë, acaman uisai cara ñu ꞌicëbë tëmëraquinbi asérabi ami sinánti ëntima ꞌicën.