2 Tesalonicenses 1:3 - Kashibo-Kakataibo Biblia

³ Nucën xucë́antu, mitsu sinánquin cananuna nëtë́quinma —asábi ca —quixun caquin Nucën Papa Dios rabin. Mitsux camina bëráma ꞌicësamairai Jesucristomi catamëanan bëtsibë bëtsibë nuibananin. Usaími mitsux ꞌicëbëtan nun Nucën Papa Dios —asábi ca —caquin rabiti ca asábiira ꞌicën, anbi mitsu upíira oquin sinánmicë cupí.

Nukën 'Ibu Diosan ain unikama 'inan ain bana

³ Nucën xucë́antu, mitsu sinánquin cananuna nëtë́quinma —asábi ca —quixun caquin Nucën Papa Dios rabin. Mitsux camina bëráma 'icësamairai Jesucristomi catamëanan bëtsibë bëtsibë nuibananin. Usaími mitsux 'icëbëtan nun Nucën Papa Dios —asábi ca —caquin rabiti ca asábiira 'icën, anbi mitsu upíira oquin sinánmicë cupí.

2 Tesalonicenses 1:3 ပူးပေါင်းရင်းမြစ်များ

Salmos 84:7

usai anun kuani ka atux atiainra kushiñuira ꞌikanti ꞌikën, ꞌianan ka Jerusalénnu bëbakin anuxun a rabiti anua Dios kushiira a isti ꞌikën.

Lucas 15:32

Min xucën —ca bamaxa —quixun ꞌën sináncëbëbi ca ꞌëmi bëbaxa. Usa ꞌaish ca nëtë́a ꞌaíshbi bërí nubë ꞌicën. Usa ꞌaían cuëënquin picánti ca asábi ꞌicën.

Lucas 17:5

Aín ꞌunánmicë unicaman ca Nucën ꞌIbu Jesús cacëxa: —Nux Nucën Papa Diosmi catamëti ꞌicëbi camina asérabi, upitiira ami catamënun nu ꞌaquinti ꞌain.

Juan 15:2

Usa ꞌixun ca an uinu ꞌicë ꞌën pëñanëx cara bimiñuma ꞌicë a tëaxun nia. Nianan ca uinu ꞌicë ꞌën pëñanëx cara bimiñu ꞌicë a upíira oquian tuanun ramëníoia.

Romanos 1:8

Ësoquin pain cana mitsu cain, mitsux camina asérabi Jesucristomi catamëti quixun camabi menu ꞌicë unicaman chanioia cuaquin, cana ꞌëxribi Jesucristonan ꞌixun Nucën Papa Dios —asábi ca —quixun caquin a rabin.

1 Corintios 1:4

Cristo Jesús cupía mitsu nuibaquin ainan ꞌimicë cupí cana camabi nëtën Nucën Papa Dios —asábi ca —cain.

2 Corintios 10:15

Bëtsi unin ꞌaquincë cupía uni Jesucristomi sinania cananuna —ꞌën bana ñuixuncë cupíshi ca usai ꞌiaxa —quixun caiman. Usa ꞌaínbi cananuna mitsúnmi Cristomi catamëquin ënquinma ax quicësabi oquin ꞌacë cupí, aín bana mitsu ꞌunánmitëcëni cuainsa tanin, Nucën Papa Dios cuëëncëbë.

Efesios 5:20

Nucën ꞌIbu Jesucristonan ꞌixun camina usoquian ꞌaquianan, an nu ꞌimicëcama, a sinánquin, Nucën Papa Dios —asábi ca —quixun caquin rabiti ꞌain.

Filipenses 1:7

Sipuacë ꞌicëa, ꞌapun ñucácëxun cana ꞌën, Jesucristomi catamëti Nucën Papa Diosnan ꞌiti bana ax ca asérabi ꞌicë quixun can. Usaquin ꞌën ꞌamainun camina mitsúnribi nuibaquin Nucën Papa Dios ꞌëa ꞌaquinun quixun ñucan. Usa ꞌain ca ꞌëa ꞌaquincësaribi oquin Nucën Papa Diosan mitsuribi tëmëraiabi nuibaquin ꞌaquinia. Usaími mitsux ꞌicëbëtan cana nuibaquin mitsu sinánquin Nucën Papa Dios —asábi ca —caquin mitsu ñuixunin.

Filipenses 1:9

Usa ꞌain cana mitsu nuibaquin Nucën Papa Dios mitsu ñucáxunin, mitsúnmi ꞌacësamaira oquinmi upí sinánñu ꞌixun ax cuëëncësabi oquin ꞌati ꞌunánquin uni nuibanun.

1 Tesalonicenses 3:12

Mitsúnmi bëráma ꞌicësamairai upitiira bëtsibë nuibananquin raíri uniribi nuibanuan, Nucën ꞌIbu Jesucristonën mitsu ꞌaquinti cananuna cuëënin, usai ꞌiquinmi nun mitsu ꞌacësaribi oquin mitsun camabi uni nuibanun.

1 Tesalonicenses 3:6

Usa ꞌaínbi ca Timoteonën mitsunuax uxun nu caxa, mitsun camina asérabi Jesucristomi catamëanan bëtsibë bëtsibë nuibananquin, nun mitsu ꞌacësaribi oquin ꞌitsaira istisa tanquin nu sinani quixun.

1 Tesalonicenses 3:9

Mitsu sinani cuëënquin, Nucën Papa Dios —asábi ca —caquin rabiquinbi, cananuna uisaira oquin caranuna rabiquin a cati ꞌai quixun ꞌunaniman.

1 Tesalonicenses 4:1

Nucën xucë́antu, Nucën ꞌIbu Jesús cuëëncësabi oquin ꞌësëquin cananuna ësaquinribi mitsu cain, uisai ꞌianan caramina uisaira oquinribi Nucën Papa Dios cuëëntanun ꞌati ꞌai quixunu mitsu ꞌunánmicësabi oquin ꞌaquinbi camina mitsun ꞌacësamaira oquin camabi nëtën ꞌati ꞌain.

2 Tesalonicenses 2:1

Nucën xucë́antu, Nucën ꞌIbu Jesucristo uti ꞌimainun nux abë biranani timë́ti ñuiquin cananuna ënë bana mitsu cain.

2 Tesalonicenses 2:13

Nucën xucë́antu, usa ꞌaínbia Nucën ꞌIbu Jesucristonën nuibaquin mitsu ainan ꞌimicë cupí cananuna Nucën Papa Dios —asábi ca —ënquinma cati ꞌain. Mecama unioisama pain ꞌixunbi ca Nucën Papa Diosan ainan ꞌinux ië́ti mitsu sinánxuancëxa. Usa ꞌaish camina aín Bëru Ñunshin Upí an ax cuëëncësa oíshi ꞌinun mitsu sinánmicë, a cupí ꞌianan asérabi Jesucristo ñuicë bana sináncë cupí, ainan ꞌain.

1 Pedro 1:22

Aín Bëru Ñunshin Upitan ꞌimicëx Jesucristomi catamëti ax cuëëncësabi oi ꞌiquin axa mitsux ꞌicësaribiti Jesucristomi catamëcë unicamabë upiti nuibananuxun camina ñu ꞌatima ꞌati ashiquin ëan. Usa ꞌaish camina bërí ꞌicësamaira oi asérabi cuëënquin upí oquinra sinani atubë nuibananti ꞌain.

2 Pedro 1:13

Nucën ꞌIbu Jesucristonën ꞌunánmicëxun cana ꞌunanin, ꞌën bamati nëtë ca ꞌurama ꞌicë quixun. Usa ꞌain ca ꞌën sináncëx bamaquin ënë nëtë ëncëma pan ꞌixuinshi ënë ñucama ꞌën mitsu sinánmitëcënti asábi ꞌicën.

2 Pedro 3:18

Nucën ꞌIbu Jesucristo an Nucën Papa Diosnan ꞌinun mitsu ië́micë, ax quicësabi oi ꞌiti ꞌunánquinbi camina bëríbi ꞌunáncësamaira oquin ꞌunánti ꞌain. ꞌUnánan camina an ca mitsu nuibatia quixun ꞌunani ainainra ꞌiti ꞌain. Bërí ꞌacësaribi oquin ca usabi oquin nëtë xënibua ꞌaínbi camabi aín unicaman a rabiti ꞌicën. Ashi, Pedro.