2 Samuel 9:7 - Kashibo-Kakataibo Biblia

⁷ Kakëxun ka Davidtan kakëxa: —Rakuëama kamina ꞌiti ꞌain, ꞌën kana mi upíokin ꞌakinti ꞌain, min papa Jonatánnën ka bana a sinánkin. Usa ꞌain kana kamabi me min xuta Saúlnan ꞌia a mi ꞌinántëkënun ꞌamiti ꞌain, ꞌimainun kamina ꞌën xubunuxunbi pinun mi ꞌimiti ꞌain.

2 Samuel 9:7 ပူးပေါင်းရင်းမြစ်များ

Génesis 43:18

ꞌaínbi ka Josénën xubunuax ratuti kánani kikankëxa: —¡Ënëx ka këmëkin nu bëkë ꞌikën! Bëtsi nëtën trigo marukin ꞌinankëxunbia nu ꞌinantëkënkë kuríki a kupín sapika nu bëaxa. Usa ꞌain sapi ka nukama kuantanun xukima tëmëramianan kupímashi nukamabi ñu mëëmiti ꞌikën, nun ñuinakama këñunbi.

Génesis 43:23

Kakëxun ka an ñu bërúankë unin atu kakëxa: —Kamina ꞌitsaira rakuë́kantima ꞌain. Mitsun Dios min papabëtan rabikë an sapi ka a kuríki mitsun pishanu ꞌarukë ꞌiti ꞌikën, ꞌën kana anúnmi trigo kupíokë kuríki a bian usa ꞌain kamina ꞌitsaira rakuë́tima ꞌain. Kamina ꞌitsaira masá nuituti rakuë́tima ꞌain. Ësokin katankëxun ka an ñu bërúankë unin Simeón sipunua chikínbëtsinkin aín xukë́n kamanu bëakëxa;

2 Samuel 12:8

mi kana anu ꞌapu ꞌikë xubu ꞌinánan ꞌapun xanu akamaribi min xanu ꞌinun mi ꞌinan, mixmi Israel unibu ꞌimainun Judánën ꞌapu inun mi ꞌimian. Usa ꞌixun kana a ñukamaxa chamara ꞌaínbi, ꞌitsaira ñu ꞌën mi ꞌinánkë ꞌitsían kiax ka kiakëxa.

2 Samuel 19:28

ꞌËn aintsi ꞌibukamaxa min ꞌaisa ꞌaínbi kamina atu ꞌakima, an ñu mëëxunkë ënë min xubunuxuinsa pinun kixun kakën. ¿Usa ꞌain karana ꞌën añu ñu mi ñukáti ꞌain?

2 Samuel 19:29

Kakëxun ka ꞌapun kakëxa: —Asabi ka usa ꞌain kamina ꞌitsa banatima ꞌain. ꞌËn kana mi ꞌimainun Sibá bërámabi kan me a kamina bëtsin amoküa bimainun amoküa biti ꞌain kixun.

2 Samuel 19:33

Usa ꞌain ka ꞌapu Davidtan Barzilai kakëxa: —ꞌËbë kamina Jerusalénnu kuanti ꞌain, anuxun kana ꞌën mi ꞌakianan bërúanti ꞌain.

2 Samuel 9:1

Achúshi nëtën ka Davidtan aín unikama ñukákëxa: “¿ꞌAima kara Saúlnën aintsikama achirabi ꞌik? ꞌën Jonatán a sinánkin ꞌakinun.”

2 Samuel 9:10

Usa ꞌain kamina min bakë bëchikë bëbukama ꞌimainun an mi ñu mëëxunkë unikamabëtan aín menu ñu ꞌapákëxa bimia bitankëxun bukunxunti ꞌain, usakin ꞌaxunkëx ka a piti ꞌain aintsikaman ꞌiti ꞌikën, ꞌaínbi ka Mefi-bóset aín xuta ꞌën xubunuxunbi pi ꞌinuxun ꞌaia. Kakëxun ka Sibá quince bëchikëñu ꞌimainun veinte uni an ñu mëëxunkëñu,

2 Samuel 9:11

an ꞌapu kakëxa: —Kamabi min kakë ñukama ka an mi ñu mëëxunti uni ënën ꞌati ꞌikën. Usa ꞌain ka Mefi-bósetnën Davidtan bëchikësa ꞌixun ꞌapun xubunuxunbi pi anubi ꞌiakëxa.

2 Samuel 9:13

ꞌAínbi ka Mefi-bóset ax amorabë́bi ꞌain taë ꞌatimakë ꞌaish Jerusalén ëmanu tsóakëxa, usa ꞌixun ka ꞌapun xubunuxun pi anubi ꞌiakëxa.

2 Samuel 9:3

Kakëxun ka ꞌapun ñukákin kakëxa: —¿Anu kara Saúlnën aintsi ꞌën nuibakin Diosan anën ñu ꞌaxúntisa ꞌitima ꞌik? Kakëxun ka Sibánën kakëxa: —Anu ka Jonatánnën bëchikë achúshi aín taë amorabë́bi ꞌatimakë ꞌaish nikëma ax ꞌikën.

1 Reyes 2:7

ꞌImainun kamina Barzilainën, bakë bëchikëkama Galaad menua bukukë akamabëshi, nuibanani tsókin atu kuëntankëxun min xubunuxun pikinti ꞌain, a unikaman ka ꞌë min xukë́n Absalónnën ꞌati rabanan ami rakuë́ti abatiabi ꞌë ꞌakiankëxa.

2 Reyes 25:29

ꞌImikin ka Joaquín sipunu ꞌixuan pañukë aín chupa pëmianan bëtsi chupa pañumiakëxa, usakian pañumikëxun ka ꞌapubëtan aín ñuti nëtë ꞌitámainun anu ꞌixun ꞌapun xubunuxun piakëxa.

Jeremías 52:33

Usakin ꞌakëxun ka Joaquínnën sipunuxun pañukë chupa a pëanan bëtsi chupa pañuakëxa, pañutankëxun ka ꞌapubëtan aín ñuti nëtë ꞌitamainun ꞌapun xubunuxun piakëxa.

Mateo 6:11

Camabi nëtë́nmi ꞌacësaribi oquin camina ënë nëtë́nribi nun piti anun nux tsóti a nu ꞌinánti ꞌain.

Lucas 22:30

Usa ꞌixunmi ꞌën nëtënuxun ꞌëbëtan pianan, Israelnën bëchicë mëcën rabë́ ꞌimainun rabë́, aín rëbúnquicamax cara atun ñu ꞌacë cupí, uisai ꞌiti ꞌicë quixun canun cana mitsu ꞌimiti ꞌain.

Apocalipsis 3:20

Ënëx ca ësa ꞌicën. Bëtsi uni isi cuanxun ca unin aín xëpúti taxcaquin a xëocaxunun quixun caia. An aín xëpúti taxcaquin uni itsi cuëncë uni usaribi cana ꞌëx ꞌain. A unisaribi ꞌixun cana ui unin cara ꞌëmi sinánquin ꞌëx abë ꞌinun ꞌë caia a unibë ꞌiti ꞌain. Usai ꞌiquin cana unían abëtan piquin uni itsi ꞌunáncësaribi oquian ꞌë ꞌunánun a uni ꞌimiti ꞌain.

1 Samuel 12:24

Mitsun kamina Nukën ꞌIbun kakësokinshi ꞌakin asérabi kuëënkin ashi rabikanti ꞌain, an ka nu upíokin ꞌitsaira ꞌakinia kixun ami sinánkin.

1 Samuel 20:15

ꞌën aintsikama uínsaranbi nuibati ëntima ꞌain. ¡Nukën ꞌIbun ka axa mimi nishkë unikama atun ñu ꞌatima ꞌakë ꞌaíma ꞌitánun këñuti ꞌikën! Ësai kikin ka Jonatán ꞌimainun Davidtan uisaxi sinanatëkëntima oi mënionankëxa,