2 Samuel 9:2 - Kashibo-Kakataibo Biblia

² Kia ka bëtsi unin kakëxa, anu ka an mi ñu mëëxunti uni achúshi Saúlnën aintsi Sibá kakë ꞌikën, kakëxun ka anu ꞌikënua unun Davidnën kamiakëxa. Kamikëxa aia ka Sibá kakë a ꞌapun ñukákëxa: —¿Mix karamina Sibá kakë uni a ꞌain? —ꞌËx kana an mi ñu ꞌaxúnti a ꞌain —kixun ka kakëxa.

2 Samuel 9:2 ပူးပေါင်းရင်းမြစ်များ

Génesis 24:2

Achúshi nëtën ka Abrahamnën ax irapain a ñu mëëxuni abë tëkë an aín ñukama bërúankë a kuënxun kakëxa: —Min mëkën ꞌën kisinu nankin kamina,

Génesis 39:6

Usakin ami ënkëxuan Josénën aín ñukama bëruánkëbë ka Potifar aín ñukama sinánkinma an bërúanxunkë anu ꞌain, aín piti ꞌatishi isakëxa. Usaia ꞌimainun ka José aín bëmanamiax upíira uni ꞌiakëxa,

2 Samuel 19:17

Kuankëbë ka Simí a nuibiani Benjamínën rëbúnki mil uni abë kuankëxa. Kuankëbë ka Sibá an ñu mëëxunkë Saúlnën aintsi axribi aín quince bakë bëchikëkama ꞌimainun an ñu mëëxunkë veinte unikama abë kuankëxa, kuanx ka ꞌapu David uisa ꞌaímabi atux pain Jordán kakë baka ꞌikë anu bëbakëxa,

2 Samuel 19:18

bëbai ka baka sikakiani Davidtan aintsikama baka sikatia ꞌakini kuankëxa, usakin ꞌax isa abë upí ꞌiti ꞌikë kixun sinánbiani kuankëxa, Kuankëbëa David Jordán kakë baka shitánux ꞌikëbëbi ka a bëtánain ami ñanati ꞌikin,