2 Samuel 9:1 - Kashibo-Kakataibo Biblia

¹ Achúshi nëtën ka Davidtan aín unikama ñukákëxa: “¿ꞌAima kara Saúlnën aintsikama achirabi ꞌik? ꞌën Jonatán a sinánkin ꞌakinun.”

2 Samuel 9:1 ပူးပေါင်းရင်းမြစ်များ

2 Samuel 1:26

ꞌAisamaira kana mi sinani masá nuituti bëunan mëskutin. ¡Jonatán ꞌën xukë́n ꞌakësamaira okin kana mi nuiban! ¡Min kamina ꞌitsaira ꞌë ꞌupíira okin nuiban! ꞌËx kana ꞌën xanu ꞌakësamaira oi mibë nuibanankën.

2 Samuel 9:7

Kakëxun ka Davidtan kakëxa: —Rakuëama kamina ꞌiti ꞌain, ꞌën kana mi upíokin ꞌakinti ꞌain, min papa Jonatánnën ka bana a sinánkin. Usa ꞌain kana kamabi me min xuta Saúlnan ꞌia a mi ꞌinántëkënun ꞌamiti ꞌain, ꞌimainun kamina ꞌën xubunuxunbi pinun mi ꞌimiti ꞌain.

1 Reyes 2:7

ꞌImainun kamina Barzilainën, bakë bëchikëkama Galaad menua bukukë akamabëshi, nuibanani tsókin atu kuëntankëxun min xubunuxun pikinti ꞌain, a unikaman ka ꞌë min xukë́n Absalónnën ꞌati rabanan ami rakuë́ti abatiabi ꞌë ꞌakiankëxa.

Mateo 10:42

Ax ꞌën uni ꞌaísha ꞌëmi upiti catamëcë ꞌicëmabi axa shimaia isquin —ax ca Jesucristonën uni ꞌicë —quixun sinánquin ꞌumpax ꞌináncë uni a ca Nucën Papa Diosan upí isia.

Mateo 25:40

Cacëxun cana ꞌëx ꞌApuira ꞌixun ꞌën unicama cati ꞌain: ꞌËn cana asérabi mitsu cain, mitsun ꞌën xucë́ncama achúshi, uni raíribë sënë́nmara ꞌicëbi ꞌaquinquin camina ashi ꞌaquincëma ꞌain, camina ꞌëribi ꞌaquian.

Marcos 9:41

Asérabi cana ꞌën mitsu cain, uinu ꞌicë unin cara, Cristonan camina ꞌai quixun sinánquin ꞌumpax mitsu ꞌinania, an ca aín cupí biti ꞌicën.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.

1 Samuel 20:42

Usai ꞌitankëx sënënia ka Jonatánnën David kakëxa: —Chuámashi kamina kuanti ꞌain, nu rabëtax kananuna amiribishi bëtsiokin sinántëkëntima oi, Nukën ꞌIbun ismainunbi kian, ꞌimainun kananuna nu rabë́a ënxuma ꞌanun kan, usa ꞌain kananuna uínsaranbi ënananima nuibananti ꞌain, usa ꞌain ka min rëbúnkikama ꞌakianan ꞌën rëbúnki kamaribi ꞌakinti ꞌikën. Ësokin katankëx ka David kuantamainun Jonatánnëx anuaxa ukë ëmanu kuantëkëankënxa.