2 Samuel 7:9 - Kashibo-Kakataibo Biblia

⁹ ꞌimixun kana uinu kara kuania anubi abë ꞌixun bërúan. Bërúanan kana kamabi ami nishkë unikama këñukin ꞌanun ꞌamia, ꞌamianan kana usakin ñu chaiira ꞌaia iskian, ënë menu ꞌikë an ñu upíokin ꞌakë ꞌapukama ꞌakësaribi okin, nuibanan an ñu ꞌaia isi kuëënun ꞌimian.

2 Samuel 7:9 ပူးပေါင်းရင်းမြစ်များ

Génesis 12:2

Min rëbúnki kamabëtan kana achúshi ëma chaiira ꞌanuxun ꞌain; ꞌanan kana upíokin sinánxunti ꞌain, usakin ꞌaia iskin ka bëtsi unikaman a unikamax ka sinánñuira ꞌianan kushiirabu ꞌikë kiax kiti ꞌikën, mi kupín kana kamabi menu ꞌikë unikama upitax bukunun upíokin sinánxunti ꞌain.

2 Samuel 22:1

Ësai ka David Dios rabi ami kantakëxa, Saúl ꞌimainun axa ami nishkë unikaman ꞌati ꞌikëbia Diosan ië́mikë ꞌaish ka.

2 Samuel 22:30

Minmi ꞌakinkëxun kana axa ꞌëmi nishkë unikama ꞌakin atun ëmanubi bëbarukin anuan atun ëma bëararakë abi rurupakin amia unë́ti ꞌaíma ꞌitánun ꞌaxun sinánkasmaia atu këñuti ꞌain.

2 Samuel 22:43

¡Usokin kana atu maërakatia me kupúkë tákikësai ꞌia nëtë́tanun ꞌakën, ꞌakin kana atu këñukin unían anun nikin me tëi amákëxa chë́kikë usai ꞌitánun ꞌakën!

2 Samuel 23:1

Ënë ka anuishi sënënia David kanta bana ꞌikën: ꞌËx kana David Jesé kakë uni aín bakë bëchikë ꞌain, aka Diosan uni sinánñuira ꞌinun ꞌimiakëxa, a ka Israel kaman ꞌapu ꞌinun aín xuta Jacobnën rabia Dios anbi kaisakëxa, ax ka Israel kaman Diosmi upiti sinani kantairakë uni ꞌikëa Israel kaman ꞌunánkë a ꞌain. Usa ꞌaish kana ësai banai kin.

2 Samuel 5:10

Usakin Dios kamabi kushiñu an ꞌakinkëxun Davidtan ꞌakëx ka kamabi ñu upí ꞌiakëxa, usakin ꞌaia ka Diosanbi ꞌakiankëxa.

Salmos 89:23

ꞌËn kana amia nishkë unikama ꞌatima okin ꞌanun ꞌamiti ꞌain; ꞌamikin kana ¡istëkënuxuma këñukin ꞌanun ꞌamiti ꞌain! ¡Usakin ꞌakin kana amia nishkë unikama këñunun ꞌamiti ꞌain!

Lucas 1:52

ꞌImianan ca ꞌapucamaribi ꞌapuma ꞌinun meu onan axa meu ꞌicë unicamaribi meuma ꞌinun ꞌimiaxa.

Josué 6:27

Usokin Nukën ꞌIbun ꞌakinkëxua Josuénën ñu ꞌaia ka ax ka kushiira uni ꞌikë kixun unin ñuia kamabi menu ꞌikë unin kuakëxa.

1 Samuel 18:14

Usa ꞌain ka Nukën ꞌIbun ꞌakinkëbë kamabi Davidtan ꞌakë ñukama asábi ꞌiakëxa.

1 Samuel 18:30

Usaia ꞌimainun ka filisteo suntárunën kushikama, Israel suntárubë ënananima abi ꞌakanani chikíakëxa, usai ꞌiabi ka Davidtan Saúlnën suntárunën kushikaman ꞌakësamaira okin ꞌakëxa, usakin ꞌakëbë ami rakuë́kin ka Israel kaman uisakinbi David káma ꞌikën.

1 Samuel 2:8

Nukën ꞌIbun ka ñuñuma uni ñuñu ꞌinun ꞌimia ꞌimianan ka kuaínbëkini nitsi ñu ñukákanankë uni, atúxribi ñuñu unikamabë ñuñu ꞌi ꞌapu ꞌinun ꞌimiti ꞌikën ꞌimikin ka, atux tsókë anuribi tsónun ꞌimiti ꞌikën; Dios ax ka kamabi ñun ꞌibu ꞌianan kamabi men ꞌIbu ꞌikën, usa ꞌixun ka an me uniokin anubia ꞌitinu nankëxa.

1 Samuel 31:6

Usai ka a nëtënbi Saúl ꞌimainun aín bakë bëchikë rabë́ ꞌimainun achúshi akama ꞌianan an aín manë pará tuinxukë uni ꞌimainun kamabi abëa abákë suntárukama atúxribi bamakëxa.

1 Samuel 5:10

Usokëbëtan ka filisteo unikaman bunántisa okin ꞌakë anua Diosan kushi ꞌikë a ëma itsi Ecrón kakë anu buántanun xuakëxa, xutia buánxun bëbarukinkëbëbi ka anu tsókë unikama munuma sharati kikankëxa; “Nua këñununbi ka bunántisa okin ꞌakë anua Diosan bana ꞌikë a nunu bëkania kiax kikankëxa.”