2 Samuel 7:23 - Kashibo-Kakataibo Biblia

²³ Min uni Israel unibu ñuikin kana mi kain, ¡bëtsi menu ꞌikë ëmanu ꞌikë unikama atusaribi ka ꞌaíma ꞌikën, atux ka ënë menu ꞌikë bëtsi unikabëtan sënë́nma ꞌikën! ꞌËn ꞌIbu Dios min kamina min uni ꞌinun atu chikiankën. ꞌImainun kamina ꞌaisamaira ꞌixun bana sinankian upíokin ñu ꞌanun atu ꞌamian, min kamina min unikama Egipto menua chikínbëtsinkin atun ismainunbi bëtsi menu ꞌikë unikama ꞌimainun atun rabikë dioskama këñunbi këñuakën,

2 Samuel 7:23 ပူးပေါင်းရင်းမြစ်များ

2 Samuel 7:24

Min kamina Israel unibunëxa xënibua ꞌaínbi min uni ꞌiti kuëënxun usakin ꞌakën, ꞌanan kamina mix Dios ꞌixun usakin ꞌakë ꞌaish nun Diosribi ꞌiti ꞌain.

Nehemías 1:10

Nukamax kananuna min kaisa ꞌaish min uni ꞌain, usa ꞌikë kamina atu min kushínbi chikínbëtsinkin Egipto menua bëakën.

Salmos 145:6

Kikëbëa unikamax min kushínbi kamina anun rakuë́ti ñukama ꞌakën a ñui kimainun kana, ꞌëx min kamina ñu chaiirabu ꞌakën kiax kiti ꞌain.

Salmos 40:5

Nukën ꞌIbu, ꞌitsaira ka min ꞌakë ñu upíbu ꞌikën ꞌimainun ka numi ꞌaxunkë ñukama axribi ꞌitsaira ꞌitsa ꞌikën. ¡Usa ꞌain ka misaribi bëtsi Dios ꞌaíma ꞌikën! ꞌËn kana a ñukama ñuiti ꞌain, ꞌaínbi ka ꞌitsaira ꞌaish tupubiankin ñuitisamaira ꞌikën.

Salmos 65:5

Nukën ꞌIbu Dios an nu ëñëmikë, min kamina mi ꞌurama ꞌinuxa atux min xubunu ꞌinun ꞌimin, usa ꞌixun kamina ñu chabu ꞌimainun upíira ꞌaxunkin mishi rabinun nu ꞌimin; ënë menu tsókë kamabi unikama ꞌimainun, parúmpapa ꞌukëmanan tsókë unikama ax ka mimi katamëtia;

Salmos 66:3

Rabikin kamina Dios kati ꞌain: ¡Min unio ñukamax ka upíirabu ꞌikën. Mix kushiira ꞌixun kamina, axa mimi nishkë unikama rakuë́tia menu nipakëkësa ꞌitánun ꞌimin;

Éxodo 12:12

A imë́ kana ꞌëx kamabi Egipto menu inúkin kamabi egipcio unikaman xubunua aín rëkuë́n bëchikë ꞌanan a unikaman ñuinanën rëkuë́n tuákama ñumiti ꞌain, ꞌëx kana Dios a ꞌain. ꞌImainun kana Egiptonu ꞌikë unikaman rabikë dios ꞌatima oti ꞌain. ꞌËx mitsun ꞌIbu ꞌaish kana ësai kin.

Éxodo 33:16

Mixmi nubë kuankëbëtama kara uisaxun, ¿min uni Israelkama ꞌimainun ꞌënribi min kamina nu nuibakin ꞌakini kixun ꞌunánti ꞌain? Usakin min unikama ꞌimainun ꞌë ꞌakinkëx kananuna bëtsi menu ꞌikë unikamasamaira ꞌiti ꞌain.

Éxodo 6:7

tëmëramianan kana mi kamaxmi ꞌën uni ꞌikë mitsu ië́miti ꞌain, ꞌëx kana mikaman Dios ꞌain. Usakin ꞌakëbëtan ka ꞌëx kana mitsun ꞌIbu Dios ꞌain kixun ꞌunánti ꞌikën, usa ꞌain kana ꞌën egipcio unibunëan amiribishi tëmëramikin ñu mëëmitëkëntima okin mitsu ꞌimiti ꞌain.

Éxodo 9:15

ꞌËx kuëënxun kana ꞌën kushi ismikin ꞌatima okin egipcio unikama achúshi ꞌinsínan këñumikë ꞌitsían, ꞌën usokin ꞌakëx ka atux ënë menuax ñankáishi ꞌitánun këñúkë ꞌitsíanxa;

Éxodo 9:16

usa ꞌaínbi kana ꞌën kushi ismiti kupín mi uisabi okëma ꞌain, kamabi menu ꞌikë unían ꞌëx kana usa kushiñu ꞌai kixun ꞌunánun.

Números 6:27

Ësokian sacerdote unikaman ꞌën anë ñuikin Israel unikama kakëbëtan kana, ꞌën asérabia usai ꞌinun ꞌimiti ꞌain.

Efesios 1:6

Usaquin ainan ꞌinun caístancëxun an nu nuibaquin, aín nuibacë Bëchicë nubë ꞌaínu ainan ꞌaish upí ꞌinun nu ꞌimicë ꞌixun cananuna ami catamëquin, xënibua ꞌaínbi a rabin.

Deuteronomio 10:21

Ax ka mitsun ashi rabiti Dios a ꞌikën; usa ꞌixun ka ax Dios ꞌixun mitsu kupí ñu chaiirabu mitsun ismainunbi ꞌakëxa.

Deuteronomio 33:29

Israel unikama mitsux kamina Nukën ꞌIbun ka nu ꞌakinia kixun sinani kuëënti ꞌain, ¿uinu ꞌikë ëmakamax kara mitsun ëmabë sënë́nti ꞌik? Nukën ꞌIbu Diosanbi ka mi ië́miaxa usa ꞌixun ka bërúanan mi ꞌakinia; ¡an ka ax numi nishkë unikamabë ꞌakanania nu ꞌakinti ꞌikën! Usakin ꞌakinkëxun ñusmokin mitsun ꞌakëx ka atun rabiakakë a mitsumi rakuë́ti nëtë́ti ꞌikën.

Deuteronomio 9:26

ꞌikin kana anuxun munuma banakin kakën: ꞌËn ꞌIbu Dios ënë unikama kamina usakin ꞌatima aín, atux ka min uni ꞌikëmi Egipto menuxun tëmërakin ñu mëëiabi mix kushiira ꞌixun chikínbëtsinkin bëa a ꞌikën.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.

Apocalipsis 5:9

Carnero ꞌicësaribitia unin ꞌucha cupí bama, ami bësuax ca cantati ió cantaxa, ësai qui: —Min camina bëtsibë sënë́nmaira ꞌixun a quirica anúan tacáshcacë pëóshxun bacati ꞌain. Mix bamax baísquia ꞌixun camina nucama bëtsi bëtsi unibu, bëtsi bëtsi banan banacë, ꞌimainun camabi nëtënuax ucë, ꞌimainun bëtsi bëtsi ꞌapuñu unicama, Nucën Papa Diosnan ꞌinun ië́mian.