2 Samuel 7:22 - Kashibo-Kakataibo Biblia

²² usa ꞌain kana mishi rabikin kai ꞌËn ꞌIbu Dios, ¡min ꞌakë ñukama ka chaiira ꞌikën! Usa ꞌain ka bëtsi uni misaribi ꞌaíma ꞌikën, ꞌimainun ka uinubi bëtsi ñukama a unin rabikë misaribi ꞌaíma ꞌikën.

2 Samuel 7:22 ပူးပေါင်းရင်းမြစ်များ

2 Samuel 22:32

¿Uix kara Diosaribi ꞌiti ꞌik? ¿Anu kara Diosaribi bëtsi dios an nu ꞌakinti ꞌik?

1 Reyes 8:23

munuma banakin Dios ñukákëxa: “Israel unikama nun Dios: naínu ꞌianan ka menubi min ꞌakësaribi okían an ñu ꞌakë dios achúshirabi ꞌaíma ꞌikën, usa ꞌixun kamina mix kiásabiokin an min bana asérabi kuëënkin ꞌakë akamaishi ꞌakinin;

Salmos 145:3

Nun ꞌIbu Dios an ka chaiira ꞌixun nukaman rabiti kuëënia; usa ꞌain ka an ꞌakë ñukamax uisaira kara kixun nun ꞌunántisamaira ꞌikën.

Salmos 89:6

¡Uinubi ka naínu misaribi, dios ꞌaíma ꞌikën ꞌën ꞌibun!

Salmos 89:8

Nukën ꞌIbu Dios kamabi kushiñuira misaribi axa kamabi kushiñu ka ꞌaíma ꞌikën; usa ꞌain ka min nan banakama ax asérabi ꞌikën; ¡uinubi ka misaribi bëtsi Dios ꞌaíma ꞌikën!

Salmos 96:4

Nukën ibu ax ka chaiira ꞌianan asérabi upíokin rabikë ꞌiti ꞌikën: ¡ax ka bëtsi dios kamasamaira, ami rakuë́ti a ꞌikën!

Éxodo 10:2

usakin ꞌën ꞌaia isá ꞌixun kamina min bakë bëchikëkama ꞌimainun min xutakama ñuixunti ꞌain, uisakin karana ꞌën egipcio unibumi kuaikin atun uínsaranbi isama ñu chaiirabu ꞌën kushínbi ꞌakë kixun. Usakin ꞌën ꞌakë, ꞌain kamina ꞌëx kana asérabi Nukën ꞌIbu ꞌai kixun mitsun ꞌunánti ꞌain.

Éxodo 15:11

ꞌËn ꞌIbu, ¡uinu ꞌikë bëtsi diosaxbi ka mibë sënënima! ¡Uixi ka misaribi chaiira ꞌianan upíira ꞌixun ñu ꞌatima ꞌai ꞌuchakëma ꞌaíma ꞌikën! ¡Min kamina a iskëma ñu ꞌanan ami rakuë́ti ñuribi ꞌain! ¡Usa ꞌikë kananuna mishi rabiti ꞌain!

Éxodo 8:10

—Imë́ishibi kamina nëtë́miti ꞌain —kixun ka faraónën kakëxa. Kakëxun ka Moisésnën kakëxa: —Usakian ꞌakëbëtan kamina ꞌunánti ꞌain, an nun Diosan ꞌakësaribi okían an ñu ꞌakë bëtsi Dios ka ꞌaíma ꞌikë kixun ka Moisésnën kakëxa.

Éxodo 8:6

Usakin kakëxuan Aarónën Egiptonu ꞌikë bakakamami okin aín tsatin sanankëbë ka bakakamanuax ꞌaisamaira ꞌashá chikíkin kamabi Egipto me tsitsiruakëxa.

Éxodo 9:14

mi xukëbëtama kana ënu ꞌatëkënkin ñu ꞌaisama, mi ꞌatima onun xukin bëtsin ꞌakësamaira okin ꞌën an mi ñu ꞌaxunkë unikama ꞌimainun min unikamanu xuti ꞌain, ësokin ꞌaia kamina bëtsi Dios ꞌësaribi ka ënë menu ꞌaíma ꞌikë kixun ꞌunánti ꞌain.

Isaías 40:18

¿Uinu ꞌikë bëtsi uni kamabëtan sënën kara Dios ꞌikë kixun kaina mitsun kati ꞌain? ¿Uisa ñu mitsúnbi uniokë ax kara asaribi ꞌiti ꞌik?

Isaías 40:25

Usa ꞌain ka Dios upíira ax ësokin ñukati kiaxa: “¿Mitsun kaina uibë sënën karana ꞌai kixun ꞌë kati ꞌain? ¿Uix kara ꞌësaribi ꞌiti ꞌik?”

Isaías 45:18

Ësai ka an naíkamë ꞌëo unio, Nukën ꞌIbu Dios ax kia, an ka me ꞌatankëxun anubia ꞌitinu nankëxa, mex ka ñankáishi rakatima ꞌikë anu ka uni ꞌiti ꞌikën: ꞌËx kana Nukën ꞌIbu ꞌain, usa ꞌain ka bëtsi ꞌaíma ꞌikën.

Isaías 45:22

Usa ꞌain kamina ꞌën mitsu ië́minun ꞌënu ukanti ꞌain, uinu kara me kuainakëakëxa anu ꞌikë unikamaxi ka ꞌuti ꞌikën, ꞌëx Dios ꞌain ka bëtsi ꞌësaribi ꞌaíma ꞌiti ꞌikën.

Isaías 45:5

ꞌËx kana Nukën ꞌIbu ꞌain, usa ꞌain ka ꞌësaribi ꞌaíma ꞌikën; usa ꞌain ka ꞌësaribi bëtsi dios ꞌaíma ꞌikën. ꞌËn kana ꞌëmi ꞌunánkëxumabi, usaími ꞌakananux mëníokanun ꞌimian,

Ezequiel 36:22

Usa ꞌain kamina ësokin Israel unibu kati ꞌain: Ësai ka Nukën ꞌIbu Dios kiaxa: ꞌËn bërí ꞌati ñukama ax ka Israel unikama mitsu kupín ꞌakëma ꞌiti ꞌikën, ax ka ꞌën anë ami upíira ꞌikëbë bëtsi bëtsi ëmanu kuankin ꞌaisama ñu ꞌakin ꞌatima okan a kupín ꞌakë ꞌiti ꞌikën.

Ezequiel 36:32

ꞌËx Dios ꞌaish kana asérabi ësai kin: Israel unikama mitsun kamina ꞌunánti ꞌain, ꞌën kana mitsu usakin ñu ꞌaxunti kupín ꞌaiman; usa ꞌain kamina mitsunmi ñu ꞌatima ꞌakë anun rabini ñuumasara ꞌikanti ꞌain.

Daniel 2:45

Usa ka minmi namákin aín bashinuaxa uínbi tarankëmaxi ukian me putusa ꞌitánun manë tunan, ꞌianan manë uxua, manë panshian, me tëi, ꞌimainun kuri, akama chakabëtsini aín bashinuax ꞌia iskë ax ꞌikën. Dios chaiira ꞌaish kushiira an ka usaía ꞌiti ñukama mi ismiaxa. Usa ꞌain ka minmi namákë ax asérabi ꞌimainun ꞌën mi ñuixunkë axribi asérabi ꞌikën.

Miqueas 7:18

Misaribi bëtsi Dios ka ꞌaíma ꞌikën, min kamina nux kuëënkësa oí ꞌikë a mëníokin, nuxnu ꞌuchakëkama a manuin, nukamax kananuna min unikama ꞌitsamashi tikikë a ꞌain. Min kamina nukama nuibatin usa ꞌain kamina mix xënibua ꞌaish nishkëma a ꞌain.

Deuteronomio 32:39

ꞌËx kana asérabi Dios ira a ꞌain; usa ꞌain ka ꞌësaribi bëtsi Dioskama ꞌaíma ꞌikën. ꞌËn kana kamabi uni aín tsóti ꞌunanin, ꞌimainun kana anua ñuti nëtë aribi ꞌunanin; ꞌën kana uni ꞌaisama okin ꞌatima oxunbi aín ꞌatimakë a mëníoxunin. Uinu ꞌikë uníxbi ka ꞌëx kushiira ꞌain ꞌën ꞌatima okaskëx ënuax abáti ꞌaíma ꞌikën.

Deuteronomio 4:35

Ax ka mitsun unánun usakin Nukën ꞌIbu Diosan ꞌa ꞌikën, ꞌimainun ka bëtsi Dios asérabi asaribi ꞌaíma ꞌikën.

Deuteronomio 4:39

Usa ꞌain kamina a banakama upíokin ꞌunánkin manukima sinánti ꞌain, naínu ꞌianan ka menuribi, asaribi bëtsi Dios ꞌaíma ꞌikën.

1 Samuel 2:2

¡Nukën ꞌIbu uixi ka upíira misaribi ꞌaíma ꞌikën! ¡Uínbi ka min ꞌakësa okin bërúankin nu ꞌakinima, Nukën ꞌIbu! Uixi ka misaribi ꞌaíma ꞌikën.