2 Samuel 7:20 - Kashibo-Kakataibo Biblia

²⁰ ¿ꞌËn ꞌIbu Dios min uni ꞌixun karana uisa banaribi mi kati ꞌain?

2 Samuel 7:20 ပူးပေါင်းရင်းမြစ်များ

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

Salmos 139:1

Nukën ꞌIbu min kamina uisa karana, ꞌëx ꞌai kixun upíokin ꞌunanin;

Juan 2:25

An ca unían cacëxunmabi camabi unin sinan ꞌunáncëxa.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina ꞌë nuibatin? Rabë́ ꞌimainun achúshi oquian —caramina ꞌë nuibati —quixun cacëxun ca Simón Pedronën —¿uisoti cara ꞌë ꞌitsoquin ñucatia? —quixun sinani masá nuituquin cacëxa: —ꞌËn ꞌIbu, min camina camabi ñu ꞌunanin. Usa ꞌixun camina ꞌën cana mi nuibati quixun ꞌunanin. Quia ca Jesusan cacëxa: —ꞌËn carnero ca piminuxun ꞌat.

Hebreos 4:13

Axa an unio ꞌaish Nucën Papa Diosmi unë́ti uisa ñubi ca ꞌaíma ꞌicën. An uni aín ñu ꞌacë cupí, uisa cara oti ꞌicë quixun ꞌunáncë, Nucën Papa Dios, an ca camabi ñua unin ꞌaia ꞌunánan aín nuitu mëúa chiquinaquinma sináncë ñubi ꞌunania.

Josué 5:14

—ꞌËx kana axa mimi nishkë uni a ꞌianan axa mibë ꞌikë uni ama ꞌain —kixun ka axa ami mërakë uni an kakëxa—. ꞌËx kana Nukën ꞌIbun suntárukama aín ꞌapu ꞌain. Ësakian uni an kakëxun ka Josuénën rantinpuruni aín bëmánanën me tikai tsóbukin ñukákëxa: —¿Añu ꞌaxúnumi ꞌë kanun kara Diosan mi xuax?

Apocalipsis 2:23

ꞌAnan cana a xanun ꞌunánmicë ꞌixuan an ꞌatima ñu ꞌacë unicamaribi aín tuása ꞌicë acama bamamiti ꞌain. ꞌËn usaquin ꞌacëbëtan ca camabi ëmanu ꞌicë axa ꞌëmi catamëcë unicaman ꞌunánti ꞌicën, ꞌën cana camabi unían sináncë ñu ꞌunanin, uisaquin cara aín nuitu mëu sinania quixunribi cana ꞌunanin. ꞌUnánquin cana an upí oquin sinánquin ñu ꞌacë uni axa upitax ꞌinun ꞌimianan, an ꞌatima ñu ꞌacë uni a aín ꞌucha cupí uisoquin carana ꞌati ꞌai usoquin ꞌati ꞌain.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”