2 Samuel 7:19 - Kashibo-Kakataibo Biblia

¹⁹ ¡ꞌImainun ka min ñuikë banaxa chamara ꞌaínbi min ꞌati ñukama chaiira ꞌikën, ꞌËn ꞌIbu Dios ꞌëx kana min uni ꞌain, min kamina ꞌën aintsi ꞌibukaman rëbúnki ñui usakin ismina ꞌapu ꞌiminuxun ꞌai kiakën! ¡Uinu ꞌikë achúshi unixi ka mix Dios ꞌixun upíokin sinani kikësai banati ꞌaíma ꞌikën!

2 Samuel 7:19 ပူးပေါင်းရင်းမြစ်များ

2 Samuel 12:8

mi kana anu ꞌapu ꞌikë xubu ꞌinánan ꞌapun xanu akamaribi min xanu ꞌinun mi ꞌinan, mixmi Israel unibu ꞌimainun Judánën ꞌapu inun mi ꞌimian. Usa ꞌixun kana a ñukamaxa chamara ꞌaínbi, ꞌitsaira ñu ꞌën mi ꞌinánkë ꞌitsían kiax ka kiakëxa.

Ezequiel 34:18

Mitsu raírinën kamina Israel unibu mitsun ꞌaintsi ꞌikëbi ꞌatimokin ovejakaman aín upíbushi pasto pianan axa tikikë a aín taën amákin chakapakësa okin ꞌanan. ꞌUmpax upí xëakinbia aín taën, chubëopakë usaribi okin ꞌain.

Efesios 2:7

Jesucristonan ꞌaíshnu usai ꞌicë isquían camabi unin uisaira oquin cara an nu nuibatia quixun nëtë xënibucëbëtanbi isnun ca Nucën Papa Diosan usaínu ꞌinun mëníocëxa.

Josué 5:14

—ꞌËx kana axa mimi nishkë uni a ꞌianan axa mibë ꞌikë uni ama ꞌain —kixun ka axa ami mërakë uni an kakëxa—. ꞌËx kana Nukën ꞌIbun suntárukama aín ꞌapu ꞌain. Ësakian uni an kakëxun ka Josuénën rantinpuruni aín bëmánanën me tikai tsóbukin ñukákëxa: —¿Añu ꞌaxúnumi ꞌë kanun kara Diosan mi xuax?